logo

ҳуқуқ

ТИРЕ, КИ ХОК ХӮРД

Чипта харида натавонист, вагарна…
Чанд сол аст, ки дар Тоҷикистон мутахассисону коршиносон тавассути воситаҳои ахбори омма, конфронсу ҳамоишҳои вижа ва дигар чорабиниҳои судманд ҳадафҳои муғризонаю  моҷароҷӯёнаи гурӯҳи «Давлати исломӣ» - ро ба мардум фаҳмонанд ҳам, мутаассифона, баъзе аз ҷавонони гумроҳ ва фиребхӯрда кӯшиши пайвастан ба ин ташкилоти террористиро мекунанд.
Ривоҷиддин Бобохонов аз ҷумлаи онҳост.  Вай аз соли 2008  инҷониб ба муҳоҷирати меҳнатӣ, ба Федератсияи Русия рафта, аз сомонаи  иҷтимоии «Youtube»  наворҳоеро таҳти унвони  «амри  маъруф»  тамошо  мекардааст. Баъдан, тавассути  барномаи   «ZELLO» бо яке аз аъзои фаъоли ташкилоти экстремистӣ-террористии  барномаи «Роҳнамо  ба сӯи давлати исломӣ» Абумуҳаммад ном шахс робита  пайдо намуда,  нақшаи ба сафи ин ташкилоти экстремистӣ - террористӣ  пайвастанро тарҳрезӣ менамояд.
Моҳи июли соли равон Абумуҳаммад роҳҳои ба Туркия ва сипас ба Сурия рафтани Ривоҷиддинро фаҳмонда, аз ҷумла таъкид мекунад, ки чиптаро ҳар чи зудтар аз ҳисоби худаш дастрас намояд. Ривоҷиддин аз сабаби надоштани маблағ чанд муддат ба мушкилӣ рӯ ба рӯ мешавад. Ӯро мақомоти   ҳифзи  ҳуқуқи  Федератсияи  Русия  дар натиҷаи гузарондани фаъолияти фаврӣ - ҷустуҷӯӣ  дастгир ва ба Ҷумҳурии Тоҷикистон интиқол доданд.
Бо ҳукми суди ноҳияи Исмоили Сомонии шаҳри Душанбе, аз 13 октябри  соли  2016, Ривоҷиддин Бобохонов  бо моддаҳои 32 қисми 3 - 4011 Кодекси ҷиноятии Ҷумҳурии Тоҷикистон гунаҳгор дониста шуда, ба ӯ ҷазои 6 сол маҳрум сохтан аз озодӣ, бо адои ҷазо дар колонияи ислоҳии дорои низомаш сахт, таъйин карда шуд.

Ба Сурия як қадам монда буд
Бо вуҷуди он ки «Давлати исломӣ» гурӯҳи иртиҷоиву террористӣ эълон шудааст, баъзе донишҷӯёни дар хориҷи кишвар таҳсилдоштаи мо идеяҳои онро қабул ва ҷонибдорӣ намуда, мақсади иштирок дар амалиёти ҷангии давлати Сурияро дар дил мепарваранд. Парвандаи ҷиноятии Наҷмиддин Хоҷаабдуллоев, ки бо моддаҳои 32 қисми 3 - 4011 Кодекси ҷиноятии Ҷумҳурии Тоҷикистон дар суди ноҳияи Исмоили Сомонии шаҳри Душанбе  моҳиятан баррасӣ гардид, ба ҳамин масъалаи доғи рӯз рабт дошт. 
Наҷмиддин Хоҷаабдуллоев ҳангоми дар коллеҷи тиббии шаҳри Екатеринбурги Федератсияи Русия таҳсил намуданаш, моҳи декабри соли гузашта тавассути  Илёс ном шаҳрванди Ҷумҳурии Тоҷикистон ба шабакаи «Одноклассники» даромада,  бо Абу Саиди дар Сурия қарордошта суҳбат мекунад.  Баъдан ӯ 4 марти соли равон, мувофиқи маслиҳати пешакӣ, ба шаҳри Истанбули Туркия сафар менамояд. Наҷмиддинро дар фурудгоҳ марди ба тафтишот номаълум пешвоз гирифта, ба воситаи яке аз деҳаҳои наздисарҳадии шаҳри Газеантепи Туркия ба Сурия интиқол доданӣ мешавад. Аммо кормандони мақомоти полиси шаҳр аз қонуншиканӣ ва ниятҳои бади Наҷмиддин огоҳ шуда, ӯро дастгир ва баъди ҳабси думоҳа ба кормандони КДАМ - и Ҷумҳурии Тоҷикистон супурданд.
Бо ҳукми суди ноҳияи Исмоили Сомонии шаҳри Душанбе, аз 14 октябри соли 2016,  Наҷмиддин Хоҷаабдуллоев ба муҳлати 6 сол аз озодӣ маҳрум гардид. Падару модари ин ҷавони гумроҳгашта баумед буданд, ки фарзандашон дар Русия хонда, табиби дорушинос мешаваду ба Тоҷикистон баргашта, ба халқу Ватан хизмат мекунад.  Аммо гули умеду орзуҳояшон нашукуфта пажмурда шуд, писарашон доғи дилу дидаҳо гардид. Беҳуда намегӯянд: «Фарзанди нек боғи падар, фарзанди бад доғи падар».
Д. РӮЗИЕВ, «Ҷумҳурият»


Баёни ақида (0)    Санаи нашр: 8.12.2016    №: 241    Мутолиа карданд: 3371

23.04.2019


ДЗЮ – ДО. Медали нуқраи Темур Раҳимов аз Чемпионати Осиё

Тиб. Муваффақияти камназири ҷарроҳони рус

Пирӯзии Зеленский дар интихоботи Украина

Фоҷиа дар Шри-Ланка Теъдоди қурбониён ба 300 нафар расид

Лукашенко Россияро ҳомии истиқлолияти Беларус номид

Ёрии низомию техникии Қазоқистон ба Тоҷикистон

Ҷаҳон дар як сатр

22.04.2019


НИММАРАФОНИ БАЙНАЛМИЛАЛИИ ДУШАНБЕ. Фенти Тилахан дар мақоми аввал

Ваҳдат ҳусни тоза мегирад

ХОРУҒ. Бунёди бинои шабакаи ёрии таъҷилӣ

19.04.2019


Вохӯрии Сироҷиддин Муҳриддин бо Жан - Батист Лемуан

Пойтахт ба таҷлили Рӯзи Ғалаба омодагӣ мебинад

Масоили рушди соҳаи маориф матраҳ гардид

Дар Донишгоҳи давлатии Данғара конфронси ҷумҳуриявӣ доир мешавад

Душанбе варзишгарони 15 кишварро ба ҳам меорад

Ҷаҳон дар як сатр

18.04.2019


ҶОМИ АФК. Пирӯзии "Хуҷанд" ва мусовии "Истиқлол"

МУЪМИНОБОД. 221 иншоот дар се сол

РАШТ. Боғистон доман паҳн мекунад

17.04.2019


БУҶЕТИ ДАВЛАТӢ . Ба қонун иловаҳо ворид шуданд

ДМТ. Як нишасти муҳим

Хонандагони Душанбе пешсафи олимпиадаҳои ҷумҳуриявӣ

Армуғон барои дӯстдорони ҷуғрофия

ҶОМИ ОСИЁ. Паҳлавонони тоҷик соҳиби 5 медал

Ҷаҳон дар як сатр

16.04.2019


Вохӯрии Саидзода Зоҳир Озод бо Аскар Таҷибаев

Баррасии масоили мубрам

Ҳамоиш бахшида ба оғози расмии Солҳои рушди деҳот, сайёҳӣ ва ҳунарҳои мардумӣ

Калонтарин тайёра дар дунё ба ҳаво хест

Дар Қазоқистон онлайн-қаллобон фаъол мешаванд

Дар СММ аз манфиати лоиҳаи «Камарбандҳо ва роҳҳо» сухан рафт

Аз таркиш дар Афғонистон ҳафт кӯдак ҳалок гашт

Филмҳои ду коргардони тоҷик барои Фестивали кинои мусалмонӣ интихоб шуданд

Ҷаҳон дар як сатр


Дар сомонаҳои дигари Тоҷикистон хонед