logo

иҷтимоиёт

КӮЛОБ. БОЗ АЗ БОБИ БЕНИЗОМИҲОИ "САХОВАТ"

Ду моҳ қабл рӯзномаи «Ҷумҳурият» матлаби рӯзноманигор Шарифхон Тиллоевро зери сарлавҳаи «Аҳмади порина… Аз боби бенизомӣ дар бозорҳои «Саховат» ва «Деҳқонбозор» - и шаҳри Кӯлоб» нашр намуда буд. Сухан атрофи ба талаботи санитарию эпидемиологӣ ҷавобгӯ набудан, ифлоссозии муҳити зист ва бетартибии нақлиётӣ дар роҳҳои шафати ҳар ду бозор мерафт. Мутаассифона, раиси раёсати ҷамъияти матлуботи шаҳри Кӯлоб ба ҷойи бартараф намудани костагиҳо бо навишти як вокуниш нигоштаҳои муаллифро муғризона донистааст. Яъне, гӯё вазъи бозор хуб асту танқиди рӯзноманигор сӯзанда – на созанда. Биноан, баҳри дақиқ намудани ҳақиқати ҳол такроран сари масъала бозгаштем.
29 марти соли ҷорӣ мутахассисони шуъбаи ҳифзи муҳити зисти шаҳр вазъи экологии бозори «Саховат» - ро санҷида, қонуншиканиҳои пайдарҳами марбут ба соҳаро ошкор карданд. Барои надоштани иҷозатномаи меъёри ҷамъшавии партовҳо, набудани макони партофтани лампаҳои каммасрафи корношоям ва чанд қоидавайронкунии дигар барои ситондани 60 ҳазор сомонӣ маблағи ҷарима санад тартиб дода, ба Суди иқтисодии вилояти Хатлон пешниҳод карданд. Даъвои судӣ бошад, то ҳол ҳалли худро наёфтааст. Раиси ҷамъияти матлубот ин амали маъмурони ҳифзи муҳити зистро ноодилона мехонад.

- Масоҳати умумии бозор қаблан 5 гектарро ташкил медод. Нисфашро фурӯхтанду феълан 2,61гектар боқӣ мондааст. Ростӣ, намефаҳмам, дар ҳама ҷо мегӯянд, ки сойи Тебалайро «Саховат» ифлос мекунад. Сойи мазкур комилан ба бозор дахл надорад. Моҳе пеш дар наздикии сой бо қарори раиси шаҳр барои партовгоҳ замин ҷудо гардид. Фаррошони бозор ҳамарӯза партовҳоро ғундошта, дар халтаҳо ҷой карда, мепартоянд. Ҳудуди бозорро бисёр марказҳои савдо иҳота кардаанд, ки ба мо дахл надоранд, яъне тобеи идораи мо нестанд. Мо ягон гуноҳ надорем. Шуъбаи ҳифзи муҳити зисти шаҳр моро асосан дар надоштани хулосаи экспертизаи давлатии экологии Кумитаи ҳифзи муҳити зисти ҷумҳурӣ мутаҳам карданист, аммо мо аллакай хулосаро гирифта, ба суд пешниҳод кардем, ҳеҷ мушкилӣ дар ин самт нест, - мегӯяд Содиқ Ҷумъаев, раиси ҷамъияти матлубот.
Бо қарори раиси шаҳр (аз 01.11. 2016 таҳти № 733) аз ҳисоби заминҳои кӯчаи Бозорӣ, квартали 12, тарҳи 369 - и нақшаи заминистифодабарии шаҳр масоҳати 18 метри мураббаъ бемуҳлат ба тавозуни бозор гузашт. Партови тамоми бозор дар чунин майдони замин озодона ҷой мегирад. Аммо, бо вуҷуди ин дастгирӣ, масъулон саҳлангорию хунукназарӣ карда, то ахлот аз сарҳади партовгоҳ ба берун сар назанад, онро поккорӣ намекунанд. Хулосаи экспертизаи экологии гуфтаи С. Ҷумъаев бошад, баъди санҷишу бастани ҷарима ва то суд рафтани иддао дастрас шудааст.
Савдои бетартибу бенизоми кӯчагӣ дар қисмати пеши бозор ҳанӯз ҳам мушкили ҳалношуда аст. Ҳар фурӯшанда ба таъби дилаш амал карда, дар куҷое рост ояд, барои худаш мизу соябон мегузорад. Дар назди бозор бетартибии мутлақ ҳукмфармост. Харидорон бо машаққати зиёд аз ин роҳ мегузаранд. Ин вазъ симои зоҳирии шаҳрро хеле коста гардондааст.
- Танзими тартибот дар майдони назди бозор кори роҳбарияти бозор нест, балки вазифаи нозирони минтақавии шуъбаи шаҳрии Вазорати корҳои дохилӣ мебошад. Амри раиси шаҳр низ оид ба ин масъала қабул шудааст. Вале барои татбиқи он дастгирии намояндагони мақомоти зидахл лозим. Пӯшида нест, ки мо аз ҳамаи савдогарони ин гӯшаи бозор низ пули чек мерӯёнем, аммо он ба хотири нигоҳубину тозагии ҷойи онҳост, - тазаккур дод С. Ҷумъаев.
Гарчанде «Саховат» чанд маротиба ба коми оташ фурӯ рафта, боиси хисороти молии зиёд гардида бошад ҳам, барои тоҷирону мутасаддиён сабақ нашудааст. Ба иттилои масъулони Қисми мустақили 33-юми ҳарбикунонидашудаи Хадамоти давлатии оташнишонӣ қонуншиканиҳо то ҳол баръало мушоҳида мешаванд. Дар назди бозор ҳавзи обгирӣ мавҷуд нест. Савдогарон воридгоҳи мошинҳои оташхомӯшкуниро пайваста банд мекунанд.
Хараҷу мараҷ, бетартибию бенизомӣ, вазъи ғайрисанитарӣ, проблемаҳои зиддисӯхторӣ, нақлиётӣ… Аз боби камбудиҳои зиёд саҳифа – саҳифа мақолаҳо навиштан мумкин аст. Аммо масъулон дар ҳамин ҳол ба ҷойи ислоҳи вазъ аз масъулият мегурезанд. Пас, кӣ бояд ба ин проблемаҳо нуқта гузорад? Бе дахолати ҷиддии мақомоти болоии бозор, шаҳр ва вилоят ҳал шудани масъала багумон аст.
Ёқуби СОДИҚ, «Ҷумҳурият»


Баёни ақида (0)    Санаи нашр: 8.12.2016    №: 241    Мутолиа карданд: 2496

19.07.2019


ПАЛАТАИ ҲИСОБ. 88,З миллион сомонӣ зарари молиявӣ ошкор гашт

УМЕД БОБОЗОДА: "Аксари муроҷиатҳо оид ба адолати судиянд"

Кӯдакони аз Ироқ овардашуда ба зиндагии муқаррарӣ бармегарданд

"EXPO 2019 BEIJING". Гӯшаи Тоҷикистонро беш аз як миллион нафар тамошо кард

НИГАРОНӢ. Ҷудошавии 6065 оила дар ним сол

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд


Дар сомонаҳои дигари Тоҷикистон хонед