logo

сиёсат

ДУРӮҒ МЕГӮЯНД БО ДУРӮҒ НАФАС МЕГИРАНД

Боз дар хусуси ҳизби мамнуъшудае, ки дар хориҷ ҳам террористӣ эътироф шудааст
Агентии миллии иттилооти Тоҷикистон «Ховар» 8 декабр муҳтавои мақолаи рӯзноманигори мисрӣ Саид Маҳмуд Диобро таҳти унвони «Ҳизби наҳзати тоҷикӣ аз Осиёи Миёна бо Миср меҷангад», ки дар рӯзномаи бонуфузи «Ал-Аҳром»-и Ҷумҳурии Арабии Миср чоп шудааст, нашр намуд. Бо назардошти аҳамияти мавзӯъ ва шинохти боз ҳам рӯшантари чеҳраи аслии собиқ ҲНИТ аз сӯи таҳлилгарони хориҷӣ «Ҷумҳурият» бо такя ба манобеяш фишурдаи ин матлабро манзури хонандагон мегардонад.
Ҳизби наҳзат - ақидааш аз гурӯҳи «Ихвон-ул-муслимин» сарчашма мегирад, дурӯғ мегӯянд, бо дурӯғ нафас мегиранд.
Даъвати гурӯҳи номаълум барои гирдиҳамоии рӯзи 11 ноябр дар Миср бар зидди ҳукумати кунунӣ, ки ихвониҳо бо тамоми ҳастии худ ба он омодагӣ диданд, аз ҷониби мардум тарафдор пайдо накард. Он рӯз-рӯзи ором гузашт. Рӯзи фораме буд. Мардуми Миср даъватҳои шубҳаангези шахсони номаълумро нодида гирифт, зеро ин тоифаро чашми дидан надоштанд.
Аз ҷониби дигар Ҳизби наҳзати террористӣ то охири рӯз, то анҷоми ҳодиса (гирдиҳамои дар Мисрро) интизорӣ накашида, хабарҳои бардурӯғро дар интернет ҷой дод. Чанд паҳлуи дурӯғ будани он хабарҳо: а) гӯё ҳазорҳо нафар ба кӯчаҳо баромада, истеъфои президентро талаб доранд; б) гӯё гирдиҳамомадагон барқарор намудани Муҳаммад Мурсиро мехоҳанд; в) гӯё афроде аз артиш бар зидди ҳукумат баромаданд. Ҳол он ки ҳамаи ин хабарҳо дурӯғ ва буҳтон буданд.
ҲНИТ 29 сентябри соли 2015 бо қарори Додгоҳи Олӣ (Суди Олии Ҷумҳурии Тоҷикистон) ба рӯйхати ташкилоти экстремистӣ-террористӣ дароварда шуд. Фаъолияти ҳизб аз солҳои 1997 шурӯъ гардида, симати дӯстона ва сулҳомез дошт. Вале ин сифатҳо якбора ба симати манфӣ табдил гардида, дар задухӯрд бо қувваҳои амниятии кишвар хуни бегуноҳонро рехтанд. Ин ҳодиса бо роҳбарии узви фаъоли ҲНИТ ва ноиби пешинаи вазири мудофиа Абдуҳалим Назарзода сурат гирифт. Ӯ бо ин амалаш мехост як фитнаву бадбиниро дар байни шаҳрвандон паҳн намояд.
Баъд аз ҳодисаҳои хунин ҲНИТ ҳамчун ҳизби террористӣ шинохта шуда, роҳбари он Муҳиддин Кабирӣ ва аъзои фаъоли он ки сифати «Хоини миллат»-ро гирифта буданд, ба хориҷи кишвар фирор намуданд.
Раванди ҳодисаҳо якояк даст доштани ташкилоти террористӣ-экстремистии ҲНИТ-ро дар нооромиҳои Тоҷикистон бори дигар собит сохт. Ҳоло амалҳои террористии худро аз давлатҳои аврупоӣ мехоҳанд пиёда созанд. Аз маблағҳои хоҷагони хориҷии шубҳаангезашон барои ноил гаштан ба охирин умедҳои хомӯшгаштаи худ, истифода мебаранд.
ҲНИТ баъд аз ба сари қудрат омадани «Ихвон-ул-муслимин» дар Миср мехост мардуми тоҷикро мутмаин созад, ки онҳо то ҳол қувва ва арзи ҳастӣ доранд. Аммо ҳақиқат хилофи онро нишон дода истодааст.
ҲНИТ бо амалҳои нопоки худ мехост ақидаи тундгароиро дар минтақаи Осиёи Миёна паҳн намояд. Аммо ба зудӣ ниқоб аз рӯйи онҳо афтода, хокаи аслии онҳо ба ҳамагон маълум гашт.
Гурӯҳи «Ихвон ул-муслимин» душмании худро зидди Миср аз дохил ва хориҷ кофӣ нашумурда, ҳамсангарҳои худро аз Осиё Миёна, махсусан Ҳизби наҳзати террористиро дар муборизаи хеш ҷалб намуд.
Қобили зикр аст, ки Ҳизби наҳзати террористӣ ба мақсади инқилоб бар зидди Ҳукумати конститутсионии Ҷумҳурии Тоҷикистон ноиби пешинаи вазири мудофиа - Абдуҳалим Назарзодаро дар бозӣ даровард. Хушбахтона, аз амалҳои ноҷавонмардонаи онҳо сари вақт пешгирӣ намуданд. Натиҷаи тафтишот маълум кард, ки Абуҳалим Назарзода нақша ва таълимоти худро аз Муҳиддин Кабирӣ, раиси ҲНИТ, мегирифт.
Бино ба таъкиди ВАО Муҳиддин Кабирӣ раиси ҳизби наҳзати террористӣ, соли 2012 расман бо раиси барканоршудаи Миср Муҳаммад Мурсӣ дар Қасри раёсат замони давлатдории «Ихвон-ул-муслимин» мулоқот кардааст. Гарчанде мулоқоти мазкур дар Миср зери пардаи махфият баргузор гардида бошад ҳам, Муҳиддин Кабирӣ пас аз бозгашташ ба Тоҷикистон хабари мазкурро аз тариқи нашрияҳо паҳн намуд. Новобаста ба ифшо нашудани тафсилоти тааҳҳудоти байни ҷонибҳо, ин нишонаи ошкорои умқи алоқамандии Ҳизби наҳзати террористӣ ва ҷамоати ихвониҳоро дар Миср нишон медиҳад.
ҲНИТ-и террористӣ фаъолияти худро дар ҷанги шаҳрвандӣ, ки солҳои 1992-1997 дар Тоҷикистон рух дод,  ҳамчун «ҷиҳод дар роҳи Худо» рӯйпӯш мекард, вале худи он дар асл сабабгори аслии ин ҷанги шарвандӣ мебошад.
Ф. ҶУМЪАЕВ, «Ҷумҳурият»


Баёни ақида (0)    Санаи нашр: 9.12.2016    №: 242    Мутолиа карданд: 2189

22.04.2019


НИММАРАФОНИ БАЙНАЛМИЛАЛИИ ДУШАНБЕ. Фенти Тилахан дар мақоми аввал

Ваҳдат ҳусни тоза мегирад

ХОРУҒ. Бунёди бинои шабакаи ёрии таъҷилӣ

19.04.2019


Вохӯрии Сироҷиддин Муҳриддин бо Жан - Батист Лемуан

Пойтахт ба таҷлили Рӯзи Ғалаба омодагӣ мебинад

Масоили рушди соҳаи маориф матраҳ гардид

Дар Донишгоҳи давлатии Данғара конфронси ҷумҳуриявӣ доир мешавад

Душанбе варзишгарони 15 кишварро ба ҳам меорад

Ҷаҳон дар як сатр

18.04.2019


ҶОМИ АФК. Пирӯзии "Хуҷанд" ва мусовии "Истиқлол"

МУЪМИНОБОД. 221 иншоот дар се сол

РАШТ. Боғистон доман паҳн мекунад

17.04.2019


БУҶЕТИ ДАВЛАТӢ . Ба қонун иловаҳо ворид шуданд

ДМТ. Як нишасти муҳим

Хонандагони Душанбе пешсафи олимпиадаҳои ҷумҳуриявӣ

Армуғон барои дӯстдорони ҷуғрофия

ҶОМИ ОСИЁ. Паҳлавонони тоҷик соҳиби 5 медал

Ҷаҳон дар як сатр

16.04.2019


Вохӯрии Саидзода Зоҳир Озод бо Аскар Таҷибаев

Баррасии масоили мубрам

Ҳамоиш бахшида ба оғози расмии Солҳои рушди деҳот, сайёҳӣ ва ҳунарҳои мардумӣ

Калонтарин тайёра дар дунё ба ҳаво хест

Дар Қазоқистон онлайн-қаллобон фаъол мешаванд

Дар СММ аз манфиати лоиҳаи «Камарбандҳо ва роҳҳо» сухан рафт

Аз таркиш дар Афғонистон ҳафт кӯдак ҳалок гашт

Филмҳои ду коргардони тоҷик барои Фестивали кинои мусалмонӣ интихоб шуданд

Ҷаҳон дар як сатр

БОКС. Иштироки варзишгарони тоҷик дар Чемпионати Осиё

12.04.2019


Бо иштироки Сарвазири мамлакат дар шаҳри Кӯлоб як қатор иншоот ба истифода дода шуд

Ҷаласаи Шӯрои ҳамоҳангсозони миллии давлатҳои аъзои СҲШ

Форуми байналмилалии рушди сармояи инсонӣ доир мегардад

ЧЕМПИОНАТИ ОСИЁ – 2019 ОИД БА ФУТЗАЛ. Рақибони Тоҷикистон муайян гаштанд

"Кашшофи падидаҳои наврас"

НОҲИЯИ РӮДАКӢ . Сафи соҳибкорони ватандӯст меафзояд


Дар сомонаҳои дигари Тоҷикистон хонед