logo

иқтисод

РОШТҚАЛЪА. ОЯНДАРО АЗ ИМРӮЗ МЕСОЗЕМ

Ҳар як сафари Пешвои миллатро ба Вилояти Мухтори Кӯҳистони Бадахшон сокинони ин сарзамини кӯҳсор бесаброна  интизорӣ мекашанд, зеро ҳамаи ободкориҳое, ки имрӯз  ба чашм мерасанд, аз қудуми мубораки Пешвои миллат аст. Инро  мардум бо чашми сар дида, шукронаи   Тоҷикистони соҳибистиқлол ва Сарвари муаззами худро мекунанд.
Юсуф  Султонноёбов, раиси  ноҳияи  Роштқалъа зикр намуд, ки тирамоҳи  соли гузашта Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон зимни  сафар ба Вилояти Мухтори Кӯҳистони Бадахшон аз ноҳияи Роштқалъа низ дидан карданд.  Дар  ин сафар Сарвари давлат санги асоси бунёди Неругоҳи барқи обии «Себзор»-ро гузоштанд, ки дер  боз   сокинони ноҳия  дар  интизори  ин  рӯйдоди  муҳим буданд. Имрӯзҳо дар  деҳоти  ноҳия теъдоди соҳибкороне, ки нияти бунёди корхонаҳои  истеҳсолӣ, муассисаҳои таълимӣ, сехҳои гуногун, устохона ва дигар иншооти ҳаётан муҳимро доранд, хеле зиёд аст, аммо камбуди неруи барқ   садди роҳи онҳо гардидааст. Дар  баробари  афзоиши  теъдоди  аҳолӣ,  хоҷагиҳои  навбунёд, нуқтаҳои  хизматрасонӣ  талабот  ба  барқ  низ  рӯ  ба  афзоиш  дорад.
Агар то касби Истиқлолияти давлатӣ дар Бадахшон ҳамагӣ шаш неругоҳи барқи обӣ фаъолият дошта бошад, ҳоло шумораи онҳо ба 50 адад расидааст. Баробари ба истифода додани Неругоҳи барқи обии «Себзор»  даҳҳо корхонаву сехҳои нав бунёд мегарданд. Муҳимтар аз ҳама, боигариҳои зеризаминии  ноҳия мавриди истифода қарор мегиранд. Дар  ин   замина ҳам ҷойҳои нави корӣ пайдо мешаванду ҳам сатҳи зиндагии мардум беҳтар мегардад.
Пешвои миллат нахустин маротиба  ба ноҳияи Роштқалъа соли 1996 сафари  корӣ  анҷом  дода  буданд. Ин  сафар  дар   ниҳоди  мардум   таассуроти неке  боқӣ  гузошт. Он  вақт  шароити  ноҳия  хеле  вазнин буд. Дар маркази ноҳия ҳатто хонаи дуошёна  вуҷуд   надошт. Мақомоти  иҷроияи  маҳаллии ҳокимияти  давлатӣ  дар  як  бинои куҳнаву  фарсуда, ки солҳои  сиюми асри  гузашта  сохта  шуда  буд,  фаъолият  мекард. Сарвари давлат беморхонаи ноҳияро, ки ниҳоят вазъи ногувор дошт, аз назар гузаронда, новобаста аз мушкилоти иқтисодӣ, ба вазири тандурустӣ ва ҳифзи иҷтимоии аҳолӣ супориш доданд, ки тибқи имкон онро бо ашёи зарурӣ таъмин намояд. Баъди ин дар як муддати кӯтоҳ беморхона таъмири асосӣ ва бо таҷҳизоти зарурӣ таъмин гардид.
Солҳои  минбаъда  маҳз бо супориши Президенти мамлакат  обод намудани маркази ноҳия оғоз шуд. Дар  ин  ҷо филиалҳои бонкҳои ҷумҳурӣ ифтитоҳ ёфтанд. Баъди шаҳри Хоруғ дар  вилоят дуюмин варзишгоҳи барҳаво дар маркази ноҳияи Роштқалъа қомат афрохт. Бинои дуошёнаи мақомоти иҷроияи маҳаллии ҳокимияти давлатии ноҳия бунёд гардид. Соли равон дар деҳаи Парзудҷ калонтарин беморхонаи вилоятии бемориҳои рӯҳӣ мавриди истифода қарор дода шуд. Қариб  дар  ҳамаи  деҳаҳои  ноҳия дар  ин  давра биноҳои  нави  замонавӣ  бунгоҳҳои  тиббӣ, муассисаҳои таҳсилоти миёнаи умумӣ    мавриди  истифода  қарор  гирифтанд. Сокинони  аксарияти деҳот  бо  оби тозаи  нӯшиданӣ таъмин  гардиданд. Корҳои  сохтмонӣ  аз  аввали  сол  дар  Неругоҳи  барқи  обии  “Себзор”  оғоз  гардида, интизор  меравад, ки охирҳои соли  2018 бо иштироки Пешвои миллат мавриди  баҳрабардорӣ  қарор  дода  шавад.
Раҳмони ГУЛЗОР, “Ҷумҳурият”


Баёни ақида (0)    Санаи нашр: 9.12.2016    №: 242    Мутолиа карданд: 1608

25.09.2018


Тавсеаи равобити байнипарлумонии Тоҷикистону Корея

Баргузории ҷамъомад оид ба пешгирии ҷинояткорӣ

Анҷоми марҳилаи якуми амалиёти «Кӯкнор-2018»

Гутерриш ба муборизаи фаъолтар алайҳи маводи мухаддир даъват сохт

Теъдоди қурбониёни садамаи киштӣ дар Танзания ба 225 нафар расид

Сеул барои дучандсозии теъдоди сайёҳон $640 миллион харҷ карданист

Фаронса қатораи дуошёнаи тезгард месозад

Ҷаҳон дар як сатр

Ҷом насиби кӣ мешавад?

19.09.2018


ТОҶИКИСТОН ВА ӮЗБЕКИСТОН. Аввалин тамринҳои муштараки низомӣ

Таъсиси 57 корхонаи нав

Намоиши дастовардҳо ба муносибати Рӯзи шаҳри Хуҷанд

Зуҳро Саидова – соҳиби шоҳҷоиза

Таҳаммул аз амалҳои террористӣ норавост

Баргузории ҳамоиши маъмурони роҳи оҳани кишварҳои СҲШ дар Ӯзбекистон

Дар Ироқ 27 ҳазор нафар аз об заҳролуд гашт

Тӯли 40 соли ислоҳот дар Чин ҷои кор 346 дарсад афзуд

Остона ҳамоиши ҳаштуми глобалии туризми шаҳриро пазироӣ мекунад

Ҷаҳон дар як сатр

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД


Дар сомонаҳои дигари Тоҷикистон хонед