logo

фарҳанг

КИНО. ЧӢ ТАВР МАРДУМРО БА ТАМОШО ҶАЛБ НАМОЕМ?

Набудани толорҳои муосири синамо ва умуман мавҷуд набудани системаи дистрибутсияи (пахши) филмҳо мушкили асосии соҳаи кинои миллии мо  гардидааст. Ин мушкилӣ на танҳо ҷавонони ташаббускор, балки студияи давлатии «Тоҷикфилм» - ро низ нигарон намудааст. Ин ҳолат замони ба сарзамини мо омадани “ҳунари ҳафтуми инсоният» - киноро дар охири солҳои 20 – уми асри ХХ  ба хотир меорад, ки дӯстдорон ва ташаббускорони ҷавонаш шаҳр ба шаҳр ва деҳа ба деҳа гашта, онро тарғиб мекарданд.

Сафар Ҳақдодов, раиси Иттифоқи синамогарони Тоҷикистон, дар мавриди толорҳои синамо ва шумораи онҳо дар солҳои 80 - уми асри гузашта ёдовар шуда, миқдори онҳоро 1125 кинотеатру дастгоҳҳои кинонамоишдиҳӣ (бо шумули васоили сайёри намоиши филмҳо, клубҳои фарҳангии бо ин васоил муҷаҳҳаз, ки аз онҳо 274 - тоаш дар шаҳрҳо ва 851 - тои дигар дар деҳот фаъолият менамуданд) муайян сохт. “Ба ин шумора воситаҳои филмнамоишдиҳии  мактабҳои ҷумҳурӣ шомил нашудаанд. Бояд зикр намуд, ки ба воситаи онҳо низ филмҳои таълимӣ ва мустанад намоиш дода мешуданд. Идораи масъул дар паҳну пахш кардани филмҳо «Тоҷиккинопрокат» буд. Он пахши филмҳоро на танҳо дар сартосари ҷумҳурӣ, балки берун аз он низ ташкил мекард. «Тоҷиккинотехника» бошад, масъули дар ҳолати фаъол нигоҳ доштани тамоми кинотеатрҳо ва таъмини онҳо бо васоили истеҳсол ва паҳну пахши филмҳо буд. Он замон бозори намоиши филмҳо дар ҳудуди Тоҷикистонро мутаносибан 25 дарсад филмҳои тоҷикӣ, 25 дарсад филмҳои русиву истеҳсоли дигар ҷумҳуриҳои Шӯравӣ ва 50 дарсад филмҳои хориҷӣ (асосан ҳиндӣ, аврупои шарқӣ - олмонӣ, лаҳистонӣ) ташкил медод. Ҳар моҳ як сокини ҷумҳурӣ 8,5 маротиба, аз ҷумла сокинони шаҳрҳо 12,5 маротиба ва деҳот 6,5 бор ба кинотеатр мерафтанд. Шумораи тамошобинони филмҳо дар соли 1986 ба 40 миллиону 960 ҳазор расида буд”,  – изҳор намуд С. Ҳақдодов.
Раҳматкарим Соҳибзода, директори генералии Корхонаи воҳиди давлатии кино ва видеои «Тоҷиккино”, бошад, илова намуд, ки «дар ҷумҳурӣ то ҳол зиёда аз 20 адад кинотеатр боқӣ мондаасту халос. Шумораи корхонаҳои фаръии давлатие, ки айни замон дар ин самт фаъолият менамоянд, мутобиқи нишондиҳандаҳо 45 адад мебошанд. Аммо аксари кинотеатрҳо дар ҳолати ногувор қарор дошта, таъмирталабанд. Инчунин, ҳамаи онҳо ба таҷҳизотҳои нави замонавӣ ниёз доранд. Баъзе кинотеатрҳоеро, ки ба кохи фарҳанг табдил дода шудаанд, аз тавозуни КВД КВ «Тоҷиккино» бароварда, ба тавозуни Вазорати фарҳанги Ҷумҳурии Тоҷикистон ворид намуданд. Дар ин қасрҳои фарҳангӣ намоиш ва таблиғи кинои миллӣ ба роҳ монда нашудааст».
Бинобар маълумоти С. Ҳақдодов, соли 2001 шумораи умумии  тамошобинон то ба 220 ҳазор нафар поин фаромад. То 1 январи соли 2001  дар ҷумҳурӣ расман 602 кинотеатр боқӣ монда, аз онҳо танҳо 74 - тоашон каму беш фаъолият менамуд. 
- Мутаассифона, аз набудани бозори дохилии филмҳо (дистрибутсия - кинопрокат) на фақат ин маҳсулоти бо машаққат истеҳсолгардида, балки беҳтарин филмҳои ҷаҳонӣ низ барои тамошобинони ватанӣ сари вақт пешниҳод карда намешаванд. Сабаби асосӣ мавҷуд набудани сохтори давлатии комил ва ягонае, ки тавонад сиёсати давлатии киноматографияро идора, танзим ва бо равандҳои ҷаҳонии соҳа мутобиқ гардонад, - иброз дошт С. Ҳақдодов.
Имрӯз дар шаҳри Душанбе кинотеатрҳои хурде ҳастанд, ки ба намоиши филмҳои ватанӣ ва хориҷӣ машғуланд. Кинотеатрҳои «Ҷавонон», «Наврӯз» ва «Кайҳон» аз ҳамин қабил мебошанд. Вале, мутаассифона, танҳо филмҳои воридотӣ истеҳсоли киностудияҳои хориҷиро ба намоиш мегузоранд. Новобаста аз ин, кинотеатрҳои номбаршуда тамошобини худро доранд.
Аз 4 толоре, ки кинотеатр дорад, 3 - тои он толори одӣ (бо 149 ҷойи нишаст) ва 1 толораш «VIP» (32 ҷой) мебошад. Кинотеатри «Кайҳон» нисбатан ҷавонтар буда, он дар Гипермаркети “Ашан” ҷойгир аст. Рӯзҳои аввали фаъолияташ, ки аслан филмҳои истеҳсоли хориҷиро ба намоиш мегузорад, сафи тамошобинон зиёд буд. Рӯзҳои баъдӣ муштариёни ин кинотеатр низ камтар гашт.
“Аммо, филмҳое низ ҳастанд, ки тӯли як моҳ низ тамошобинони худро аз даст намедиҳанд. Дар кинотеатр филмҳоро ба таври 2D  ва 3D намоиш медиҳем», - мегӯяд Фарангис Рауфова, маъмури кинотеатри «Кайҳон».
Мутобиқи Барномаи давлатии рушди синамои миллӣ барои солҳои 2017 - 2020 масъули пахши филмҳо КВД КВ  «Тоҷиккино» мебошад. То замоне, ки кинотеатрҳо  дар  ҷумҳурӣ  фаъол нестанд, синамои миллӣ ҳам рушд нахоҳад кард. Фаъолияти кинотеатрҳо метавонад пойбандии бахши истеҳсоли филмҳоро («Тоҷикфилм») вобаста ба сармоягузорӣ аз буҷети давлатӣ сабуктар намояд ва ин соҳаро худкифо гардонад. Ҳатто метавон ба буҷети давлат маблағҳои назаррасеро низ ворид намуд. Муҳимтар аз ҳама, бояд фаъолияти толорҳои синамоӣ таҳоҷум ва экспансияи глобалии синамои хориҷиро дар қатори дигар намудҳои санъати биноию шунавоӣ (театр, фаъолияти консертӣ, сирк) дар ҷумҳурӣ пешгирӣ намояд. Он имкон медиҳад, ки бо рекламаи ҳирфавии пайваста, дубора, тамошобин ба толорҳои синамо баргардад”, - хулоса намуд Сафар Ҳақдодов.
Шаҳбоз АБРОР, «Ҷумҳурият»


Баёни ақида (0)    Санаи нашр: 12.12.2016    №: 243    Мутолиа карданд: 2094

22.07.2019


МЕЪМОРӢ ВА СОХТМОН. Қонуншиканиҳо ҳанӯз зиёданд

ТАҲСИЛОТИ САЛОҲИЯТНОК ТАТБИҚ МЕГАРДАД

ЗАМИН. Камбуди оби полизӣ мушкили ҳалталаб боқӣ мемонад

Гилерми: «Тоҷикон соҳиби кишвари афсонавианд»

Швейтсария дар Тоҷикистон бонк мекушояд

Ҷаҳон дар як сатр

19.07.2019


ПАЛАТАИ ҲИСОБ. 88,З миллион сомонӣ зарари молиявӣ ошкор гашт

УМЕД БОБОЗОДА: "Аксари муроҷиатҳо оид ба адолати судиянд"

Кӯдакони аз Ироқ овардашуда ба зиндагии муқаррарӣ бармегарданд

"EXPO 2019 BEIJING". Гӯшаи Тоҷикистонро беш аз як миллион нафар тамошо кард

НИГАРОНӢ. Ҷудошавии 6065 оила дар ним сол

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад


Дар сомонаҳои дигари Тоҷикистон хонед