logo

иҷтимоиёт

КОНСЕРВА. ИСТЕҲСОЛИ ҒАЙРИМЕЪЁРИИ ОН ФАЛОКАТБОР АСТ

Ҳукумати ҷумҳурӣ бо мақсади пешгирии ҳолатҳои заҳролудшавии истеъмолкунандагон аз истеъмоли маҳсулоти хонагӣ, аз қабили хӯришҳо аз бодиринг, помидор, боимҷон, сабзӣ, карам ва дигар маҳсулоти консервшуда мутасаддиёну масъулони соҳаро ба пурзӯр намудани санҷишу назорат дар ин самт муваззаф намуд. Мутаассифона, бо вуҷуди назорату санҷишҳо ва таъкидҳои ҳамарӯзаи кормандони Агентии Тоҷикстандарт ҳанӯз соҳибкорону фурӯшандагоне ҳастанд, ки манфиати худро аз солимии ҷомеа боло гузошта, ба риояи одитарин талаботи меъёрҳои стандарти давлатӣ маҳсулоти худро ба фурӯш мебароранд.   
     
Тибқи андешаи коршиносон консервакунонӣ дар шароити хона, ҳарчанд кори на он қадар душвор аст, тартиби худро дорад. Яъне, камтарин хато, риоя нагардидани технологияи омодасозӣ, нодуруст тартиб додани таркиби он ва пурра коркард нашудани маҳсулот метавонад сабаби вайроншавии консерваҳо ва пайдоиши микроорганизмҳои ба саломатӣ зараровар  гардад.
Тавре  Талабшо Сангзода, сардори Маркази ташхисии маҳсулоти хӯроквории агентӣ, иброз дошт, ҳамон маҳсулот дорои сифати хуб номида мешавад, ки моддаҳои барои организми инсон зарарнок  надоранд. Тайи солҳои охир дар кишварамон дар натиҷаи риоя нагардидани раванди омодакунии хӯришҳо дар зарфҳои гуногун ҳолатҳои заҳролудшавӣ аз истеъмоли маҳсулоти сабзавотии консервӣ ба қайд гирифта шудааст. Тибқи таҳлили коршиносон риоя нагардидани раванди технологияи консервкунонӣ боиси мубтало шудан ба ҳар гуна касалиҳои сироятӣ мегардад. Хӯришҳои консервии вайроншуда ҳатто метавонанд ба фавти одам оварда расонанд.
Хӯришҳое, ки дар бозорҳо дар зарфҳои гуногун, аз қабили полиэтилении пластмасӣ ба фурӯш гузошта мешаванд, ғайристандартӣ буда, ба талабот мутобиқ нестанд. Мутаассифона,  дар бозору роҳравҳо савдогарони сарироҳӣ хӯришҳои дар шароити хона омодашударо бе ҳуҷҷати тасдиқкунандаи кафолати сифати маҳсулот ба фурӯш гузоштаанд. Дар сурати ба бозори истеъмолӣ баровардани маҳсулоти хӯроквории худтайёри хонагӣ барои фурӯшандагон гирифтани ҳуҷҷати тасдиқкунандаи сифат аз мақомоти назоратӣ ҳатмист. Ҳаёти оила ва дигар истеъмолкунандагонро набояд зери хатар гузошт.
Мутахассисон ба истеъмолгарон тавсия медиҳанд, ки маҳсулоти зарфҳои варамидаро  умуман истифода набаранд. Инчунин, агар ранги оби дохили зарф  сафед, хира ё  ғайримуқаррарӣ шуда бошад, истифодаи он қатъиян манъ аст. Ё ки дар ҳолати кушодани сарпӯши оҳанин аз он бӯи ғализ барояд, аз истеъмоли он худдорӣ кардан зарур аст. Қабл аз харидории консерваҳо бояд аз фурӯшанда ҳуҷҷати сифат ва бехатарии маҳсулот талаб карда шавад.
Истеъмолкунанда ҳуқуқҳои худро бояд донад, аз маҳсулот ва хӯришҳое истифода намояд, ки дар корхонаҳои коркарди меваю сабзавот, шарбатбарорӣ тибқи талаботи регламентҳои техникӣ, риояи меъёрҳои санитарию  гигиенӣ ва стандарти давлатӣ омода шуда бошанд. Дар вақти харидорӣ ба сифати маҳсулот, ҳолати нигоҳдорӣ, санаи барориш, муҳлати истифодабарӣ, ранг, бӯй, тамғагузорӣ бо забони давлатӣ ё бо забони ба истеъмолкунанда фаҳмо ва  ҳуҷҷати тасдиқкунандаи сифат эътибори махсус додан лозим аст.
Истеҳсолкунанда дар назди қонун ва истеъмолкунанда масъулияти калон дорад. Мувофиқи талаботи санадҳои меъёрӣ сифати маҳсулот ва рақобатпазир гаштани он пурра ба уҳдаи соҳибкорон гузашта шудааст.
Матлубаи АБДУҚАҲҲОР,  «Ҷумҳурият»


Баёни ақида (0)    Санаи нашр: 12.12.2016    №: 243    Мутолиа карданд: 2467

24.06.2019


Президенти Филиппин моҳи октябр ба Россия меояд

Трамп бо Эрон омодаи гуфтушунид буданашро тасдиқ намуд

Дар Ҳиндустон афтидани хайма боиси марги 14 нафар шуд

СУҒД. Оғози мусобиқаи байналмилалӣ

"ФИЛОСОФИЯ ОТДЫХА" имкониятҳои сайёҳии Тоҷикистонро таҳлил намуд

Ҷаҳон дар як сатр

21.06.2019


Мулоқоти Хайринисо Юсуфӣ бо Валериу Кивер

Ҳамоиш бахшида ба таъмини устувории макроиқтисодӣ

Муаррифии натиҷаҳои фаъолият дар самти безараргардонии башардӯстонаи минаҳо

20.06.2019


Гумерова: «Омӯзгорони рус дар Тоҷикистон мондан мехоҳанд»

СММ: «Ҳиндустон дар нуфуси аҳолӣ баъди 8 сол аз Чин мегузарад»

Пекин тавсеаи ёрии иқтисодӣ ва башарӣ ба Сурияро зарур мешуморад

Дар Ҷопон ҷазои ҷисмонии кӯдаконро манъ карданд

Ҷаҳон дар як сатр

19.06.2019


Дар Кӯлоб Фестивали ҷумҳуриявии дӯстии ҷавонон баргузор шуд

Баррасии вазъ ва дурнамои ҳамкориҳо

Боздид аз Муассисаи давлатии «Боғи миллии Ваҳдат”

ПАНҶАКЕНТ. Омодагиҳо ба ҷашни фархунда

Писарбачаи тоҷик дар Хабаровск дӯсташро аз чоҳи оби ҷӯш наҷот дод

Тоҷикистону Беларус: «Муҳокимаи тақвияти ҳамкориҳои низомӣ»

Си Ҷинпин азми сафари Ҷумҳурии Халқии Демократии Корея дорад

Ҷаҳон дар як сатр

12.06.2019


ХУҶАНД. "Зирвеко" ба фаъолият мепардозад

Муаррифии асари Си Ҷинпин «Дар бораи идоракунии давлатӣ»

Баргузории конфронси сайёҳӣ дар Рашт

Масоили низоми бонкӣ матраҳ гардид

Дар Чин аз обхезии тобистона 6,75 миллион нафар зарар дид

Дар Ӯзбекистон рӯйхати идҳои касбиро Рӯзи китобдор афзуд

Дар Ҷопон ба солхӯрдаҳо шаҳодатномаи вижаи ронандагӣ медиҳанд

Сокини Британия дар лотерея Ј123 миллион бурд намуд

Ҷаҳон дар як сатр

11.06.2019


Песков: «Путин ба Тоҷикистон ва Қирғизистон сафар мекунад»

Иштироки роҳбарони 11 кишвар дар ҳамоиши Бишкек

Президенти Қазоқистон аз хусуси роҳҳои ҳалли мушкилоти иҷтимоӣ ҳарф зад


Дар сомонаҳои дигари Тоҷикистон хонед