logo

иҷтимоиёт

ҚИССАИ ЯК ХОТИРА

Соли 1993 буд. Директори корхонаи байнихоҷагии чорвофарбеҳкунии ноҳияи Ҳисор Наҷмиддин Аюбовро хабардор карданд, ки дар корхонаи онҳо вохӯрии Сарвари давлат, Раиси Шӯрои Олии Ҷумҳурии Тоҷикистон Эмомалӣ Раҳмон бо гурӯҳи силоҳбадастон барпо мегардад. Ӯ аз шунидани ин хабари таъҷилӣ дасту по нахӯрд. Балки хушнуд гашт, ки Сарвари давлат ба корхонаи онҳо омада, ба масъалаи доғи он рӯзҳо – бетартибӣ, бесалоҳиятӣ ва қонуншиканиҳои силоҳбадастон, ки ба оромии ҷомеа халал ворид месохтанд, хотима мебахшад.

- Агар вохӯрии  Эмомалӣ  Раҳмон бо силоҳбадастон ба хубӣ гузарад, бурди на танҳо Ҳисор, балки тамоми Тоҷикистон мешавад, - меандешид Наҷмиддин Аюбов.
Он рӯзҳо саркардагони гурӯҳҳои силоҳбадаст, ки қонунию ғайриқонунӣ буданд, ба худ унвонҳои подшоҳ, ҳазрат, амир, генерал ва дигарро гирифта, ҳар иқдомеро, ки дилашон мехост, ба ҷо оварда, парвои порашавии кишвар, ғарибафтию саргардониҳои беш аз як миллион гурезаи Ватанро намекарданд. Гумон доштанд, ки давлат заиф асту садди бедодгарию беҷогардӣ ва ҷиноятҳои онҳо шуда наметавонад...
Воқеан, Наҷмиддин Аюбов яке аз шахсиятҳои хизматнишондодаи  водӣ ва Тоҷикистони азиз маҳсуб мешуд. Ӯ тӯли 16 сол бо ғайрату шуҷоат ва кордонию маҳорат тавонист, ки корхонаро ба қатори пешқадамтарин хоҷагиҳо расонда, на танҳо корхонаи чорвофарбеҳкунӣ, балки пайчиён – колхозу совхозҳои ноҳияро ба он чорвои калону хурд месупурданд, аз ҷиҳати иқтисодӣ мустаҳкам намояд. Корхонаи байнихоҷагии чорвофарбеҳкунӣ 98 дарсади гӯшти гови ноҳияро истеҳсол мекард.
Бо пешниҳоди Наҷмиддин Аюбов барои ҳар як сар чорвои калони парваришёбанда ратсиони махсус тартиб дода буданд. Аз ин ҷост, ки чорвои калони аз хоҷагиҳо воридшуда дар як шабонарӯз то 600 грамм вазн гирифта, бо вазни 420 – 450 кг ба гӯшт супурда мешуд.
Таҷрибаи пешқадами корхонаро тамоми чорводорони ҷумҳурӣ ва Иттиҳоди Шӯравӣ меомӯхтанд ва дар амал татбиқ менамуданд.
Барои фаъолияти ибратбахш ва ба даст овардани натиҷаҳои назарраси истеҳсолӣ Наҷмиддин Аюбов як дафъа депутати Шӯрои Олии ИҶШС, ду дафъа депутати Шӯрои Олии ҶШС Тоҷикистон  интихоб шуда, бо ду ордени Ленин ва чандин медалу ифтихорномаҳо қадр гардида буд...
Дар вақти муайян Раиси Шӯрои Олии Ҷумҳурии Тоҷикистон Эмомалӣ Раҳмон бо вуҷуди вазъи ноороми кишвар ба корхонаи чорвофарбеҳкунӣ омад. Вохӯрӣ оғоз гашт. Хислати  олиҷанобонаи Эмомалӣ Раҳмон – бо боварии том сухан рондан, аз симои ҳар нафар хондани нияту мақсад, ба ҳар кадом забон ёфтану муомила карданро ҳозирон хуш қабул намуданд. Сарвари давлат ба онҳо фаҳмонд, ки навбат ба обод кардани Тоҷикистони ҷангзада, мардумаш паҳну парешон ва иқтисодиёташ хароб расидааст. Ҳамаро ба заҳмати осоишта ба нафъи халқу Ватан даъват намуда, дар роҳи иҷрои мақсадҳои созандаашон ёрию мадад ва дастгирӣ ваъда кард...
Агар силоҳбадастон он замон ба суханони Сарвари давлат бовар накарда, шукуфоии кишварро умед надошта бошанд ҳам, рафтори беҷо накарданд. Сарвари давлат аз ин мулоқот, ки хеле саривақтӣ ва зарурӣ буд, қаноатманд ба пойтахт баргаштанд.
Наҷмиддин Аюбов ин лаҳзаҳоро ба ёд оварда, борҳо ба фарзандон ва ҳамсуҳбатонаш гуфта буд:
- Президенти кишварамон муҳтарам Эмомалӣ Раҳмон барои Тоҷикистони азиз ва тоҷикистониён бемуболиға хизмати пайғамбарона кардаанд. Мардуми моро аз ҳалокати ваҳшатнок, мамлакатро аз парокандашавӣ эмин нигоҳ дошта, тамоми гурезаҳоро ба Ватан багардонд ва миллатро сарҷамъ намуд. Гӯё дар лаҳзаҳои хатарзо Парвардигор ӯро барои ҷумҳурии мо ва халқи азияткашидааш фиристодааст.
Ҷумҳур Ҷаъфари САМАРҚАНДӢ,
Аълочии матбуоти Ҷумҳурии Тоҷикистон


Баёни ақида (0)    Санаи нашр: 13.12.2016    №: 244    Мутолиа карданд: 2550

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар

РӮШОН. Ифтитоҳи маркази дуошёнаи савдо

Муҳаммад Салоҳ – беҳтарин футболбози Африқо

ҶАҲОН ДАР ЯК САТР

Самарқанд мизбони нахустмулоқоти «Ҳиндустон – Осиёи Марказӣ»

Баргардондани 47 шаҳрванди Қазоқистон аз Сурия

Остона ба гузарондани Ҳамоиши ҷаҳонии туризми шаҳрӣ омодагӣ мегирад

Дар Беларус бори нахуст ҳукми қатл содир шуд

09.01.2019


Таҷлили 110 - солагии аллома Бобоҷон Ғафуров

GLOBE SOCCER AWARDS. Беҳтаринҳоро муайян кард

ҶАҲОН ДАР ЯК САТР

Дар Пекин музокироти тиҷоратии ИМА ва Чин мегузарад

Эрдуғон пирӯзӣ бар террористони «Давлати исломӣ» - ро эълом дошт

Разведкаи Сурия дар ҳафт сол 80 саркардаи исломиро нест кард

Сарвари ҶХД Корея ба Чин бо ташрифи серӯза омад

Танзими нархи дорудар Қазоқистон

04.01.2019


Парвози чартерӣ дар масири Душанбе - Шарм-уш-шайх

ҶАҲОН ДАР ЯК САТР

Ҳалокати зани тоҷик ва се фарзандаш дар Магнитогорск

Ваколати нави намояндаи Тоҷикистон дар СҲШ

Аз Сурия баромадани артиши амрикоӣ оғоз ёфт

Зонди чинии "Чанъэ-4" дар Моҳ


Дар сомонаҳои дигари Тоҷикистон хонед