logo

иқтисод

ЗАФАРОБОД. КОРХОНАИ НАССОҶӢ КАЙ АЗ НАВ ЭҲЁ МЕШАВАД?

Бо дарназардошти фаровонии ашёи хоми саноатӣ – пахта ва муҳимтар аз ҳама, таъмини бонувони хонашин бо ҷойи кор, бо ибтикори ширкати «Хуҷандинвесткоттон» моҳи марти соли 2011 дар ноҳияи Зафаробод коргоҳи нассоҷии «Наврӯз» мавриди баҳрабардорӣ қарор гирифта буд.

Он то соли 2014 муътадил фаъолият дошта, дар як моҳ аз 250 ҳазор то 300 ҳазор ҷуфт ҷӯроб истеҳсол мекард ва дар таъмини бозори дохилӣ бо маҳсулоти босифати пахтагӣ ва содироти он ба хориҷи кишвар саҳми босазо мегузошт. Аммо, баъдан, корхона бинобар мушкилии молиявӣ, буҳрони иқтисодӣ дар Русия, ки яке аз бозори асосии корхона маҳсуб меёфт, фаъолияташро қатъ кард.
Бино ба иттилои Сулаймон Зиёзода, раиси ноҳияи Зафаробод, ба истифода додани коргоҳ  боиси шодмонии сокинони ноҳия гашта буд, зеро то ин  дам, сарфи назар аз он ки ҳар сол ҳазорҳо тонна пахта истеҳсол мешуд, ягон муассисаи саноатӣ мавҷуд набуд. Маҳз бо шарофати соҳибистиқлолӣ ва дастгириву ғамхориҳои пайвастаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон коргоҳи нассоҷии «Наврӯз» ба кор шурӯъ карда, шароит фароҳам омад, ки зиёда аз сад нафар, асосан духтарон, бо шуғли доимӣ ва маоши хуб таъмин гарданд.
- Мо хоҳони онем, ки корхона аз нав эҳё шавад ва нафароне, ки ба рухсатии бемузд рафтаанд, ба кори худ идома бахшанд, - мегӯяд ӯ. - Бартар аз ин, тасмим гирифтем, ки ҷиҳати фаъолияти муътадили он, дар ҳамкорӣ бо соҳибкорон, коргоҳи ресандагӣ бунёд намоем. 
Ҷиҳати шиносоӣ бо вазъи корхона бо чанд тан аз кормандони он ҳамсуҳбат шудем.
- Мавриди баҳрабардорӣ қарор гирифтани корхонаи саноатӣ боиси хурсандии аҳолии ноҳияи Зафаробод буд, - иброз медорад Майсара Рамазониева. - Аз оғози фаъолият бо маоши хуб таъмин будам, аммо, мутаассифона, ду сол мешавад, ки он аз кор мондааст.
- Аз шашсад то ҳафтсад сомонӣ музди меҳнат мегирифтем, ки мушкилии рӯзгорамонро сабукӣ мебахшид, - мегӯянд коргарони дигари корхона Зуҳро Каримова ва Каромат Бобоева. - Ҳоло фаҳмидем, ки аз соли 2017 боз корхона эҳё мешавад ва мо, бесаброна,  ин рӯзро мунтазирем.                                                  
Ҷовиди АШТӢ, «Ҷумҳурият»


Баёни ақида (0)    Санаи нашр: 13.12.2016    №: 244    Мутолиа карданд: 1497

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд

11.07.2019


Шиносоии Қоҳир Расулзода бо сохтмон ва навсозии шоҳроҳи Душанбе – Бохтар

10.07.2019


Нодиртарин "Девон" - и Навоӣ дар Хуҷанд

Бунёди нахустин пойгоҳи ҷаҳонии шабакаи атмосферии Тоҷикистон дар Осиёи Марказӣ

Иттиҳоди Аврупо барои кишварҳои Осиёи Марказӣ 72 миллион евро ҷудо мекунад

Матвиенко: "Дар бозори Россия қариб тамоми об қалбакӣ будааст"


Дар сомонаҳои дигари Тоҷикистон хонед