logo

ҳуқуқ

КОРРУПСИЯ. МУБОРИЗА АЛАЙҲИ ОН ДАР САРГАҲИ БАРНОМАҲОИ ДАВЛАТӢ ҚАРОР ДОРАД

Коррупсия дар баробари дигар хатарҳои ҷаҳонӣ, ба мисли терроризм, экстремизм, гардиши ғайриқонунии маводи мухаддир яке аз масъалаҳои глобалӣ дар ҷомеаи ҷаҳонӣ ба ҳисоб рафта, содиршавии ҷиноятҳои вобаста ба он ба сатҳи иқтисодию иҷтимоии ҷомеа ва мафкураи инсоният таъсири манфии худро мерасонад.
Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар самти таъмини ҳифзи ҳуқуқ, озодӣ ва манфиатҳои қонунии инсону шаҳрванд, инчунин ҷамъияту давлат аз коррупсия, ошкор ва барҳам додани ҳуқуқвайронкуниҳои коррупсионӣ, васеъ намудани татбиқи чораҳои пешгирикунанда дар мубориза бо коррупсия, ҳамкории ҷомеаи шаҳрвандӣ, васеъ ва фаъол гардондани ҳамкориҳои байналмилалии Тоҷикистон дар соҳаи мубориза бо коррупсия чорабиниҳои муҳим таҳия ва дар амал татбиқ намуда  истодааст. Аз ҷумла, баҳри пурзӯр намудани мубориза бар зидди коррупсия, пешгирии тасарруфи моликияти давлатӣ бо роҳи азонихудкунӣ ва исрофкорӣ дар 11 моҳи соли 2016 аз ҷониби агентӣ 1766 ҷинояти коррупсионӣ ва иқтисодии хусусияти коррупсионидошта ба маблағи 179.917.354  сомонӣ ошкор ва ба қайд гирифта  шудааст, ки дар ин давра 89.212.118 сомонии он барқарор карда шудааст.
Тибқи иттилои Маркази матбуоти Агентии назорати давлатии молиявӣ ва мубориза бо коррупсияи Ҷумҳурии Тоҷикистон, дар самти ошкор ва бартараф намудани ҳуқуқвайронкуниҳои маъмурии хусусияти коррупсионидошта санҷишҳо гузаронда шуда, 937 ҳолати қонуншиканӣ ошкор гардида, ба  маблағи 759560 сомонӣ ҷаримаи маъмурӣ татбиқ карда шуд, ки аз ин 713160 сомониаш ба буҷет ворид гашт. Баҳри таъмини саривақтии иҷрои Фармони Президенти Ҷумҳурии Тоҷикистон таҳти № 1504, аз 30 августи соли 2013, агентӣ 131 санҷиши ҳолати иҷрои “Стратегияи муқовимат ба коррупсия дар Ҷумҳурии Тоҷикистон барои солҳои 2013 - 2020”- ро дар вазорату идораҳо, корхона, муассиса ва ташкилотҳо гузаронда, аз натиҷааш ба Шӯрои миллии муқовимат бо коррупсияи Ҷумҳурии Тоҷикистон гузориш пешниҳод намуд.
Бо мақсади давра ба давра паст кардани сатҳи коррупсия ва аз байн бурдани омилҳои коррупсионӣ дар ҷумҳурӣ, агентӣ ба роҳ мондани силсилаи чорабиниҳо, аз ҷумла гузарондани экспертизаи зиддикоррупсионии санадҳои меъёрии ҳуқуқӣ ва лоиҳаҳои онҳо, таҳлили хавфҳои коррупсия дар вазорату идораҳо, ҷоннок намудани фаъолияти комиссияҳои ҷамъиятӣ оид ба пешгирии коррупсия дар назди мақомоти иҷроияи маҳаллии ҳокимияти давлатӣ, таъмини иҷрои саривақтии барномаҳои зиддикоррупсионӣ, тақвияти ҳамкорӣ бо ҷомеаи шаҳрвандӣ, баргузор намудани семинару конфронсҳо ва корҳои тарғиботию ташвиқотӣ баҳри баланд бардоштани мафкураи зиддикорупсионии шаҳрвандонро идома медиҳад.
Додоҷон РӮЗИЕВ, «Ҷумҳурият»


Баёни ақида (0)    Санаи нашр: 13.12.2016    №: 244    Мутолиа карданд: 3598

19.09.2018


ТОҶИКИСТОН ВА ӮЗБЕКИСТОН. Аввалин тамринҳои муштараки низомӣ

Таъсиси 57 корхонаи нав

Намоиши дастовардҳо ба муносибати Рӯзи шаҳри Хуҷанд

Зуҳро Саидова – соҳиби шоҳҷоиза

Таҳаммул аз амалҳои террористӣ норавост

Баргузории ҳамоиши маъмурони роҳи оҳани кишварҳои СҲШ дар Ӯзбекистон

Дар Ироқ 27 ҳазор нафар аз об заҳролуд гашт

Тӯли 40 соли ислоҳот дар Чин ҷои кор 346 дарсад афзуд

Остона ҳамоиши ҳаштуми глобалии туризми шаҳриро пазироӣ мекунад

Ҷаҳон дар як сатр

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД

МАРЗ. Боздошти қочоқбарон

КӮЛОБ. ИФТИТОҲИ БОҒЧАИ НАВ

05.09.2018


БӮСТОН. Бунёди чор иншооти нав

ФУТБОЛ. Дар Тоҷикистон мусобиқаҳои байналмилалӣ доир мегарданд

Ориф Алвӣ 13-умин президенти Покистон интихоб гашт

Дар Арабистони Саудӣ барои маводи тахрибӣ дар интернет зиндонӣ мекунанд

Дар Гуҷарат сохтмони баландтарин ҳайкали дунё анҷом меёбад

Ҳиндустон барномаи нави кайҳониро амалӣ месозад

04.09.2018


Боздиди Сарвазири мамлакат аз иншооти гармидиҳии шаҳри Душанбе


Дар сомонаҳои дигари Тоҷикистон хонед