logo

иқтисод

МАҲСУЛИ ДАСТ. ТАЛАБОТ ДАР БОЗОРИ ҶАҲОНӢ ЗИЁД АСТ

Бо шарофати дастуру супоришҳои Асосгузори сулҳу ваҳдати миллӣ – Пешвои миллат, Президенти ҷумҳурӣ муҳтарам Эмомалӣ Раҳмон имрӯзҳо дар ҳама гӯшаву канори мамлакат фаъолияти косибону ҳунармандон ба роҳ монда шудааст. Сафи нафарони сӯзанидӯз,  зардӯз, қолинбоф,  кандакор, устои  маҳсулоти сафолӣ,  сабадбоф, заргар ,  чармгар ва  ҳунармандони дигар афзуда, ба  ин васила барои бонувони  хонашину  маъюбон низ ҳазорҳо  ҷойи кори муносиб  фароҳам омадааст.
Бо мақсади беҳбудӣ бахшидан ба сифати маҳсулоти ҳунармандон, такмили малакаи касбии онҳо, ҷалби онҳо ба муносибатҳои бозорӣ ва  муаррифии маҳсулоти ватанӣ  дар ҳамоишҳои байналмилалӣ роҳбарияти Иттифоқи ҳунармандон намоиши маҳсули дасти ҳунармандони мамлакатро баргузор намуд. Дар чорабинии мазкур оид ба  роҳҳои пешбурди савдо, мувофиқати рангҳо ва тамоюлу талабот, нархгузорӣ,  маркетинг ва рушди истеҳсоли маҳсулот барои ҳунармандони навоҳии дурдаст омӯзишҳо гузаронда шуданд. Ҳамчунин, дар раванди намоиш ҳунармандони соҳибтаҷриба иштирокчиёнро бо маҳорату санъати хеш ошно сохтанд, ки барои  ҳавасмандии шаҳрвандони дигар ба фаъолияти косибӣ мусоидат менамояд. 
Ба гуфтаи Муфарраҳ Муҳаббатов, раиси Иттифоқи ҳунармандони Тоҷикистон, бо дастгирии Ҳукумати ҷумҳурӣ чанд сол боз чунин намоишҳо бо иштироки васеи косибони мамлакат доир гашта, маҳсулоти сифатан нав ва дорои тарҳи миллӣ пешкаши мардум гардид. Мақомоти иҷроияи маҳаллии ҳокимияти давлатӣ дар шаҳри Душанбе, Палатаи савдо ва саноат, маркази рушди туризм ва ҶДММ “Рухом” ташаббускорони ин чорабинианд. Муаррифии молҳои ватанӣ дар ҳамоишҳои байналмилалӣ ва баланд бардоштани мавқеи он дар бозори ҷаҳон самти асосии фаъолияти иттифоқ мебошад. Ба маҳсулоти дастӣ дар дохил ва хориҷи мамлакат талабот хеле зиёд аст. Чунки молҳои дастии ҳунармандон  аз ҷиҳати экологӣ тоза буда, аз рӯйи зебоию мустаҳкамӣ сифати олӣ доранд. Барои иштироки аъзои иттифоқ дар намоишҳои байналмилалӣ бо созмонҳои бонуфуз ҳамкориҳо ба роҳ монда шудаанд. Дилмурод Шарифов аз ҷумлаи заргарони бомаҳорати ҷумҳурӣ мебошад, ки барои иштирок дар ҳамоиши байналмилалии Санта – Се  дар иёлати Ню – Месикаи  ИМА  роҳхат гирифт.
Дар баробари нуфуз пайдо намудани маҳсули дасти ҳунармандони мамлакат дар миқёси ҷаҳон  устодони тоҷик  дар давлатҳои хориҷа ба ҳавасмандони ҷодаи косибӣ  нозукиҳои ҳунари хешро меомӯзонанд. Онҳо бо маҳорати фавқулода дар байни халқу миллатҳои зиёд  мавқеи намоён доранд.   
Аспармоҳ Мавлонназарова аз зумраи ҳунармандонест, ки дар шаҳри Дубайи Амороти Муттаҳидаи Араб ба шавқмандони ин пеша сӯзанидӯзӣ,  қолинбофӣ ва сабадбофиро омӯзондааст.Сарпӯши гулдори бадахшӣ, ки бо ҷоизаи ЮНЕСКО сарфароз гашт, маҳсули дасти ӯ мебошад. Бо рушд ёфтани ҳунарҳои суннатии дастӣ ва фароҳам гаштани коргоҳҳои алоҳидаи истеҳсолӣ дар самти мазкур шумори чунин устодони моҳир афзуда, бозори ҷаҳонро моли ҳунармандони Тоҷикистон фаро хоҳад гирифт.
Ташрифулло Саъдуллоев, “Ҷумҳурият”


Баёни ақида (0)    Санаи нашр: 14.12.2016    №: 245    Мутолиа карданд: 1345

15.11.2018


Ҳамоиш бахшида ба Рӯзи Президент

Нурдинҷон Исмоилов ба Тоҷикистон меояд

Мулоқоти Зубайдулло Зубайдзода бо Амал Муҷрин ал - Ҳамад

Конференсияи гиромидошти Бобоҷон Ғафуров

Путин ва Абэ дар асоси қатъномаи соли 1956 гуфтушунид хоҳанд кард

Таҳлилгарони Nomura сустшавии суръати рушди иқтисоди ҷаҳониро пешгӯӣ намуданд

Frontex: ба Аврупо омадани гурезаҳо 31 дарсад коҳиш ёфт

Назарбоев соли 2019-ро Соли ҷавонон эълом дошт

Ҷаҳон дар як сатр

14.11.2018


Вусъати корҳои ободонӣ дар ноҳияи Восеъ

Ҷамъоварии $482 миллион ба ёрии мардуми Ироқ

Назарбоев ташкили Созмони амнияти дастаҷамъии Осиёро пешниҳод дорад

Ҷонибдории Ангела Меркел аз ташкили артиши ягонаи аврупоӣ

Дар Тошканд Ҳафтаи соҳибкории глобалӣ шурӯъ шуд

Ҷаҳон дар як сатр

ЧЕМПИОНАТИ ҶАҲОН – 2018. Иштироки се бонуи муштзани тоҷик

БОНКИ МИЛЛӢ. Иқдоми наҷиб

13.11.2018


Мулоқоти Сироҷиддин Муҳриддин ва Юе Бин

Баимзорасии ёддошти тафоҳум

Нақшаи чорабиниҳои амалӣ намудани корҳои ободонию бунёдкорӣ дар давраи солҳои 2019 – 2021 тасдиқ гардид

БӮСТОН. Таҷдиди шуъбаи урология

ВАҲДАТ. 5 иншооти ҷашнӣ ба истифода дода шуд

ЁВОН СИМОИ ТОЗА МЕГИРАД

НОҲИЯИ ШАМСИДДИНИ ШОҲИН. Кӯшишҳо самар медиҳанд

"Дар ин дунё Карим Девонае буд"

Ҳузури бераводиди тоҷикистониён дар Туркия 3 баробар дароз шуд

Аврупо дар бозёбии партовҳои уран дар Тоҷикистон саҳм мегирад

Москва аз ҷумлаи даҳ шаҳри беҳтарини дунёст

Гунаҳгорони ҳалокати 52 ӯзбекистонӣ зиндонӣ шуданд

Чин дар ҷаҳон калонтарин воридкунандаи газ

Ҷаҳон дар як сатр

ҚУБОДИЁН. 48 медали варзишгарон дар нуҳ моҳ

12.11.2018


Дар Париж ҳамоиши сулҳ ифтитоҳ ёфт

Бо эҳтимоми ҳукумати Ҳиндустон нархи сӯзишворӣ арзон мешавад


Дар сомонаҳои дигари Тоҷикистон хонед