logo

фарҳанг

Доктор Рифъат Абдуллоҳ СУЛАЙМОН: «ТОҶИКОН ТАБИАТАН МЕҲМОННАВОЗ БУДА, АСОЛАТИ ОРИЁӢ ДОРАНД»

Тоҷикистон яке аз ҷумҳуриҳои Осиёи Марказӣ ва пойтахташ шаҳри Душанбест. Чанде пеш аз он ҷо ба шаҳри Хуҷанд раҳсипор шудам, то дар кори Конфронси байналмилалӣ ба накудошти шоир Камоли Хуҷандӣ ширкат намоям.
Ин кишварест, ки дар он номи «Сомонӣ», ки мансуб ба Исмоили Сомонӣ,  фармонравои номдори давлати Сомониён аст, борҳо такрор мешавад. «Сомонӣ» инчунин номи арзи миллии Тоҷикистон аст. Шаъни давлати Сомонӣ дар замоне боло рафт, ки он дар тиҷорату саноат, инчунин кишоварзиву ҳунарҳо пешрафт кард ва фаровардаҳои абрешимӣ ва маъдании он дар тамоми гӯшаву канори дунё шуҳрат пайдо намуд.
Шаҳри зебои Хуҷанд, ки дар Роҳи абрешим ҷойгир аст, дувумин шаҳри бузург пас аз пойтахти кишвар Душанбе ба шумор меравад. Дар он вақти сол ҳаво сард менамуд. Роҳҳо гӯӣ аз байни кӯҳҳо пайдо мешуданд. Рӯди Сайҳун аз он шаҳр мегузарад. Хуҷанд бо боғи худ ва театри Камоли Хуҷандӣ, ки бо меъмории хос сохта шудааст, шуҳрат дорад. Инчунин масҷиди Муслиҳиддин дар он ҷо ҳаст, ки дар назди мардуми кишвар бо тирозу таърихи соҳибаш маъруф аст.
Шоири соҳибҷашн Камолиддин Масъуди Хуҷандӣ аз ҷумлаи бузургтарин шоирони тасаввуф ва ирфон ба шумор меравад. Ӯ ғазалиёте дар ишқи илоҳӣ дорад, ки бағоят дилрабову зебо буда, ба ғазалиёти Саъдии Шерозӣ ва Ҳофизи Шерозӣ, бузургтарин шоирони адаби форсӣ мемонанд.
Девони шоири бузург Камоли Хуҷандӣ шомили ғазалиёти сӯфиёна, муқаттаъот ва чанд рубоиёт аст. Шоири бузурги мутасаввиф Абдураҳмони Ҷомӣ зикр мекунад, ки шеъри Камоли Хуҷандӣ саҳли мумтанеъ аст. Бархе орифон гуфтаанд, ки ҳамнишинӣ бо Шайх беҳтар аз шеъраш аст.
Камоли Хуҷандӣ ашъоре сурудааст, ки гӯӣ бо ҳарир даромехтааст. Бо ин ҳама ӯ ягона шоири тоҷикон ба шумор намеравад. Ҳангоми бозгаштамон аз Хуҷанд ба пойтахт Душанбе аз муҷассамаҳои шоир Рӯдакӣ ва Ибни Сино боздид намудем.
Табиати дилрабо хоси ин кишвар аст: кӯҳҳои баланди сарбафалак, ки абрҳоро мешикофанд; аз барфҳои он кӯҳҳо об ба маҷроҳои маъруфаш сарозер шуда, аз назди хонаҳо мегузарад ва садои шир - шири об дар ҳама ҷо, ба ғайр аз кӯчаҳои фарох ё маҳаллаҳои дарунӣ, ба гӯш мерасад.
Дар шаҳри Истаравшан моро ҷавондухтарони шоир пешвоз гирифтанд. Мо дар кишваре будем, ки дар он наберагони олимони бузурги башарият, ба монанди Форобӣ, Берунӣ, Ибни Сино, Имом Бухорӣ, Тирмизӣ, Нисоӣ, Замахшарӣ ва шоироне амсоли Рӯдакӣ зиндагӣ мекунанд.
Мардуми ин кишвар, ки асолати ориёӣ дорад, ба монанди табиаташ меҳмоннавоз ва соҳиби одатҳои мутамаддини хос буда, дар Хуросони бузург мустақар шудааст.
Мардуми Тоҷикистон фарҳангӣ ва таҳсилкарда буда, аксаран  аз насл ба насл шоиранд ва ҳар боре, ки ман байти шеъреро ба ёд оварданӣ мешудам, дарҳол давоми онро ба ман мегуфтанд.
Яздон олимони ин кишварро биомурзад, ки бо илму дониши худ чароғи тамаддунро дар ҷаҳоне, ки дар торикӣ мезист, афрӯхтанд ва равшан карданд.
Тоҷикистон яке аз боғҳои биҳишти Парвардигор дар рӯи замин аст, ки зебову пурнеъмат буда, нақши бузурги таърихӣ дорад.

P.S. Ин матлабро сомонаи Сафорати Ҷумҳурии Тоҷикистон  дар Ҷумҳурии Мисри Араб, ки аз рӯзномаи бонуфузи мисрии “Ал - Аҳром” тарҷума ва нашр намудааст.
Тарҷумон Хисрав Нозирӣ


Баёни ақида (0)    Санаи нашр: 14.12.2016    №: 245    Мутолиа карданд: 1780

22.07.2019


МЕЪМОРӢ ВА СОХТМОН. Қонуншиканиҳо ҳанӯз зиёданд

ТАҲСИЛОТИ САЛОҲИЯТНОК ТАТБИҚ МЕГАРДАД

ЗАМИН. Камбуди оби полизӣ мушкили ҳалталаб боқӣ мемонад

Гилерми: «Тоҷикон соҳиби кишвари афсонавианд»

Швейтсария дар Тоҷикистон бонк мекушояд

Ҷаҳон дар як сатр

19.07.2019


ПАЛАТАИ ҲИСОБ. 88,З миллион сомонӣ зарари молиявӣ ошкор гашт

УМЕД БОБОЗОДА: "Аксари муроҷиатҳо оид ба адолати судиянд"

Кӯдакони аз Ироқ овардашуда ба зиндагии муқаррарӣ бармегарданд

"EXPO 2019 BEIJING". Гӯшаи Тоҷикистонро беш аз як миллион нафар тамошо кард

НИГАРОНӢ. Ҷудошавии 6065 оила дар ним сол

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад


Дар сомонаҳои дигари Тоҷикистон хонед