logo

ҳуқуқ

ҚОТИЛИ ҲАМСАР ҲАЖДАҲ СОЛ РАВОНАИ ЗИНДОН ГАШТ

Суди шаҳри Душанбе  парвандаи ҷиноятиро нисбат ба шаҳрванд Бахтиёр Агамалиев бо моддаҳои 104 қисми 2  банди «в» ва 243 қисми 1 Кодекси ҷиноятии Ҷумҳурии Тоҷикистон мавриди баррасӣ қарор дод.
Дар натиҷа муайян гардид, ки номбурда аз рӯи бадбинӣ ва рашк ҳамсараш Ш. М. Низамоваро ҳангоми хоб будани кӯдакони хурдсолаш ба қатл расонда, бо ин амали ваҳшиёнаи худ ҷинояти махсусан вазнин содир намудааст. Бино ба иттилои Маркази матбуоти Прокуратураи генералӣ, ин қотил бо мақсади рӯйпӯш намудани изи ҷинояти содирнамудаи худ ҷисми беҷони ҳамсарашро ба ҳаммоми хона дароварда, дар дохили ванна онро ба қисмҳо ҷудо намуда, дар якчанд халтаи селофанӣ ҷойгир кардааст. Баъдан, халтаҳои селофаниро дар алоҳидагӣ ба  назди маркази савдои «Ёвар» бурда, ба дарёи Душанбе партофтааст.
Бо ҳукми суди шаҳри Душанбе аз 17 октябри соли 2016 Бахтиёр Агамалиев бо моддаҳои 104  қисми 2 банди «в» ва 243 қисми 1 Кодекси ҷиноятии Ҷумҳурии Тоҷикистон   гунаҳгор дониста шуда, ба ӯ ҷазои маҳрум сохтан аз озодӣ ба муҳлати 18 сол, бо адо кардани ҷазо дар колонияҳои ислоҳии низомаш сахт, таъйин карда шуд.

ГИРЕҲИ ҶИНОЯТ ПАС АЗ ШАШ СОЛ КУШОДА ШУД
Кормандони шуъбаи Вазорати корҳои дохилӣ дар ноҳияи Ашт аз моҳи декабри соли 2010 шаҳрванд Гулрӯ Хайруллоева, сокини деҳаи Гулшани деҳоти Шодобаи ноҳияро ҳамчун шахси беному нишон гумшуда ҷустуҷӯ менамуданд. Гиреҳи ҷиноят вақте боз гардид, ки оид ба ҳодисаи мазкур кормандони милитсия ахбори зарурӣ гирд оварда, бо гузарондани маҷмӯи чорабиниҳои фаврӣ гумонбарони ҷинояти одамкуширо муайян намуданд. Ба гумони даст доштан дар куштори бераҳмона шаҳрвандон Ҳабибулло Султонов ва Элмурод Ботуров, ки ҳарду ҳамдеҳаи Гулрӯ Хайруллоева мебошанд, боздошт гардиданд.
Дар ҷараёни тафтишоти пешакӣ маълум гашт, ки охирҳои моҳи декабри соли 2010  гумонбаршавандаҳо Ҳ. Султонов ва Э. Ботуров марҳум Хайруллоеваи 28 - сола, модари ду фарзандро ба мулоқот даъват намуда, ба назди нуқтаи таъмини сӯзишвории собиқ хоҷагии деҳқонии ба номи Хайруллоев, воқеъ дар деҳоти Шодобаи ноҳияи Ашт, меоранд. Зимни мулоқот байни ҳам муноқиша карда, бо истифода аз корди хоҷагӣ аввал Султонов баъдан Ботуров, ҳар кадоме ду маротибагӣ ба узвҳои ҳаётан муҳими ҷабрдида зада, ба ҳалокат мерасонанд. Аз рӯи нишондоди гумонбаршавандаҳо ҳаракатҳои ҷиноятӣ дар ҳолати мастӣ сурат гирифта, онҳо бо мақсади пинҳон намудани ҷинояти содиршуда ҷасадро ба халта андохта, сипас ба обанбор мепартоянд, либосҳои дар тан доштаи Гулрӯ Хайруллоеваро бошад, месӯзонанд.
Тибқи иттилои Маркази матбуоти Вазорати корҳои дохилии Ҷумҳурии Тоҷикистон, аз рӯи далели одамкушӣ нисбат ба гумонбаршавандаҳо Султонов ва Ботуров бо моддаи 104 қисми 2 Кодекси ҷиноятии Ҷумҳурии Тоҷикистон парвандаи ҷиноятӣ оғоз гардида, тафтишот идома дорад.
Бахтиёр аз рӯи бадбинӣ ва рашк ҳамсарашро ваҳшиёна ба қатл расонда, бо ҳукми суд ба муҳлати ҳаждаҳ сол равонаи зиндон шуд. Ҳабибулло ва Элмурод низ, агар тафтишот муайян намояд, ки Гулрӯ Хайруллоеваро маҳз онҳо аз ҳаёт маҳрум сохтаанд, аз озодӣ маҳрум хоҳанд гашт. Бешак, ин рафтори нобахшидании онҳо фардо барояшон манбаи дареғу дард хоҳад шуд. Вале, ҳайҳот, ки дигар рафтаҳо барнамегарданд.
Д. РӮЗИЕВ, «Ҷумҳурият»


Баёни ақида (0)    Санаи нашр: 14.12.2016    №: 245    Мутолиа карданд: 3609

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд

11.07.2019


Шиносоии Қоҳир Расулзода бо сохтмон ва навсозии шоҳроҳи Душанбе – Бохтар

10.07.2019


Нодиртарин "Девон" - и Навоӣ дар Хуҷанд

Бунёди нахустин пойгоҳи ҷаҳонии шабакаи атмосферии Тоҷикистон дар Осиёи Марказӣ

Иттиҳоди Аврупо барои кишварҳои Осиёи Марказӣ 72 миллион евро ҷудо мекунад

Матвиенко: "Дар бозори Россия қариб тамоми об қалбакӣ будааст"

Ҷаҳон дар як сатр

08.07.2019


Баррасии ҷараёни иҷрои Барномаи давлатии тарбияи ватандӯстӣ ва таҳкими ҳувияти миллии ҷавонон

"Душанбе - қалби Тоҷикистон"

Ҳамоиш оид ба таҳияи маҳсулоти сайёҳӣ

Россия нахусткайҳоннаварди арабро бо ғизои махсус таъмин месозад

Зиёни иқтисодии Гурҷистон аз коҳиши сайёҳони рус беш аз $700 миллион хоҳад шуд

Дар Қазоқистон то соли 2021 нияти ифтитоҳи 20 мактаби олӣ ва 180 коллеҷро доранд

СММ: "Қирғизистон нахустин кишварест, ки мушкили бешаҳрвандиро ҳал кард"

Зеленский пурра иҷро кардани созишномаи Минскро ваъда дод

Ҷаҳон дар як сатр

04.07.2019


Ҷаласаи Комиссияи муштараки ҳамкории иқтисодию тиҷоратии Тоҷикистону Покистон

Масъалаи татбиқи ҳамгироии сиёсати давлатии ҷавонон баррасӣ гардид

ФУТБОЛ. Чемпионати АФОМ дар Тоҷикистон мегузарад

Омӯзгоронро барои кор дар Тоҷикистон ва Қирғизистон интихоб менамоянд

Сарвазири Италия пазироии самимии Путинро ваъда кард

Дар Минск паради низомӣ бахшида ба Рӯзи Истиқлолияти Беларус доир гашт

Путин шартҳои муколамаи Москва ва Киевро ном бурд

Суд ба маъмурияти Трамп истифодаи маблағи Вазорати мудофиаро барои деворсозӣ манъ намуд

Ҷаҳон дар як сатр

02.07.2019


Тақвияти ҳамкориҳо бо БАТР

Мулоқоти Исматулло Насредин бо Умар Аюб Хон

Озмунҳои «Маҳаллаи беҳтарин» ва «Кӯчаи беҳтарин» баргузор мешаванд

Тоҷикистон. Барои табобати Осия Зулфонова аз Олмон табиб оварданд

То соли 2020 маҳсулоти муштараки ширии Тоҷикистону Беларус ба бозор мебарояд


Дар сомонаҳои дигари Тоҷикистон хонед