logo

иҷтимоиёт

СӮХТОР. МЕТАВОНЕМ ОНРО ПЕШГИРӢ КУНЕМ

Ҳамасола бо фаро расидани тирамоҳу зимистон ҳодисаҳои сар задани сӯхтор бештар ба чашм мерасанд. Мутахассисони соҳа сабабҳои онро ба истифодаи аз меъёр зиёди қувваи барқ, таҷҳизоти барқии худсоз ва истифодаи нодурусти зарфҳои гази моеъ рабт медиҳанд.

«Давоми соли 2016 дар ҳудуди пойтахт 22 ҳодисаи сӯхтор бо зарари 19330 сомонӣ аз ҳисоби баллонҳои гази моеъ ба амал омадааст. Дар пайи ҳодисаҳо ягон нафар қурбон нашудааст. Сабабҳои сӯхтор истифодаи нодурусти зарфҳои гази моеъ дар хонаҳои истиқоматии шаҳрвандон  мебошад», - гуфт Шуҳратҷон Ғафуров, нозири калони шуъбаи ташвиқоту тарғиботи раёсати Хадамоти оташнишонии шаҳри Душанбе, ба хабарнигори «Ҷумҳурият».
Банди 211 - и «Қоидаҳои назорати давлатии бехатарӣ аз сӯхтор», ки бо қарори Ҳукумати Ҷумҳурии Тоҷикистон қабул шудааст, сокинони пойтахтро чунин ҳушдор медиҳад: «Нигоҳ доштани баллонҳо бо газҳои сӯзанда дар хонаҳо, ҳуҷраҳо ва ҳуҷраҳои истиқоматии фардӣ, инчунин дар ошхонаҳо, дар роҳҳои таҳлия, дар ошёнаҳо ва ҳуҷраҳои таҳхонаҳо ва болохонаҳо, дар балконҳо ва пешайвонҳо манъ аст».
Ба иттилои манбаъ, аз ҷониби кормандони раёсати Хадамоти оташнишонӣ дар фасли сармо дар биноҳои истиқоматии шаҳри Душанбе ҳар рӯз санҷиш гузаронда мешавад. Ҳамчунин, дар ҳар ноҳияи шаҳр ду нафарӣ нозири хурд фаъолият мекунанд, дар байни аҳолӣ ва корхонаҳо оид ба қоидаҳои бехатарии сӯхтор ва тарзи дуруст истифода бурдани таҷҳизоти барқӣ ва гази моеъ корҳои фаҳмондадиҳӣ мебаранд. Дар ҳолати иҷро нагардидани қарор ва тавсияи мутахассисон аз тарафи раёсат санади маъмурӣ тартиб дода шуда, аз вайронкунандагони қоидаҳо ба маблағи аз 5 то 7 нишондиҳанда барои ҳисобҳо ҷарима ситонда мешавад.
- Ба истифодаи гази моеъ танҳо дар ҳолате иҷозат дода мешавад, ки баллон дар беруни ҳуҷра ҷойгир бошад. Бояд барои баллон қуттии оҳанин монда, бо қубур то ҷои даркорӣ оварда, тавассути рӯдаи резинӣ гузаронда шавад, - гуфт Ш. Ғафуров.
Зарфҳои гази моеъ, ки аз 5 то 30 литр ғунҷоиш доранд, дар кишвари мо зиёд истифода мешаванд. Дар фасли сармо, ки дар минтақаҳои Тоҷикистон интиқоли неруи барқ тариқи реҷа сурат мегирад, сокинон барои пешбурди рӯзгор, хусусан пухтани хӯрок аз ин навъи баллонҳои газӣ истифода мекунанд.
Солҳои пеш борҳо аз таркиши баллони газ дар шаҳру навоҳии ҷумҳурӣ ҳодисаҳои сӯхтор ба амал омада, боиси талафоти ҷонӣ низ гардидааст.
Баъди пурзӯр гардидани санҷиши нозирони раёсати Хадамоти оташнишонии шаҳри Душанбе оид ба истифодаи баллонҳои гази моеъ дар хонаҳои сокинон ва пешгирии ҳодисаҳои сӯхтор, масъулони ШСХК «Барқи тоҷик» - ро зарур аст, ки ҷиҳати пешгирии ҳодисаҳои нохуши аз истифодаи газ сарзананда барои  таъмини аҳолии пойтахт бо неруи барқи доимӣ тадбирҳои иловагӣ андешанд. Зеро аз оғози фасли сармо қатъ гардидани неруи барқ дар чанд маҳаллаи пойтахт ба чашм расид. Дар ин ҳолат сокинон, ки иҷозати истифодаи газро низ надоранд, ба мушкилӣ рӯ ба рӯ мешаванд.
Лашкар ШАРИФЗОДА, «Ҷумҳурият»


Баёни ақида (0)    Санаи нашр: 15.12.2016    №: 246    Мутолиа карданд: 2556

24.06.2019


Президенти Филиппин моҳи октябр ба Россия меояд

Трамп бо Эрон омодаи гуфтушунид буданашро тасдиқ намуд

Дар Ҳиндустон афтидани хайма боиси марги 14 нафар шуд

СУҒД. Оғози мусобиқаи байналмилалӣ

"ФИЛОСОФИЯ ОТДЫХА" имкониятҳои сайёҳии Тоҷикистонро таҳлил намуд

Ҷаҳон дар як сатр

21.06.2019


Мулоқоти Хайринисо Юсуфӣ бо Валериу Кивер

Ҳамоиш бахшида ба таъмини устувории макроиқтисодӣ

Муаррифии натиҷаҳои фаъолият дар самти безараргардонии башардӯстонаи минаҳо

20.06.2019


Гумерова: «Омӯзгорони рус дар Тоҷикистон мондан мехоҳанд»

СММ: «Ҳиндустон дар нуфуси аҳолӣ баъди 8 сол аз Чин мегузарад»

Пекин тавсеаи ёрии иқтисодӣ ва башарӣ ба Сурияро зарур мешуморад

Дар Ҷопон ҷазои ҷисмонии кӯдаконро манъ карданд

Ҷаҳон дар як сатр

19.06.2019


Дар Кӯлоб Фестивали ҷумҳуриявии дӯстии ҷавонон баргузор шуд

Баррасии вазъ ва дурнамои ҳамкориҳо

Боздид аз Муассисаи давлатии «Боғи миллии Ваҳдат”

ПАНҶАКЕНТ. Омодагиҳо ба ҷашни фархунда

Писарбачаи тоҷик дар Хабаровск дӯсташро аз чоҳи оби ҷӯш наҷот дод

Тоҷикистону Беларус: «Муҳокимаи тақвияти ҳамкориҳои низомӣ»

Си Ҷинпин азми сафари Ҷумҳурии Халқии Демократии Корея дорад

Ҷаҳон дар як сатр

12.06.2019


ХУҶАНД. "Зирвеко" ба фаъолият мепардозад

Муаррифии асари Си Ҷинпин «Дар бораи идоракунии давлатӣ»

Баргузории конфронси сайёҳӣ дар Рашт

Масоили низоми бонкӣ матраҳ гардид

Дар Чин аз обхезии тобистона 6,75 миллион нафар зарар дид

Дар Ӯзбекистон рӯйхати идҳои касбиро Рӯзи китобдор афзуд

Дар Ҷопон ба солхӯрдаҳо шаҳодатномаи вижаи ронандагӣ медиҳанд

Сокини Британия дар лотерея Ј123 миллион бурд намуд

Ҷаҳон дар як сатр

11.06.2019


Песков: «Путин ба Тоҷикистон ва Қирғизистон сафар мекунад»

Иштироки роҳбарони 11 кишвар дар ҳамоиши Бишкек

Президенти Қазоқистон аз хусуси роҳҳои ҳалли мушкилоти иҷтимоӣ ҳарф зад


Дар сомонаҳои дигари Тоҷикистон хонед