logo

иҷтимоиёт

АДАМИ ЭҲТИРОМ. Ё ЧАРО ДАР БАРОБАРИ БЕАДАБОН ХОМӮШЕМ!

Субҳи дирӯз воқеаи ҳузнангезе рух дод. Дар хатсайри 13-и шаҳри Душанбе дохили нақлиёти мусофирбари маъмул бо номи Старекс мусофирон ҳамроҳи ронандаву кондуктораш дар маҷмӯъ 15 нафар мерафтанд. Ҳол он ки дар мошини хурд кондуктор як шахси зиёдатист. Аз роҳ як нафар зани солхӯрдае ба мошин нишаст ва кондуктор ҳам ба зӯрӣ худро ғунҷонд, шумораи одамон ба 16 расид. Зан дилгир шуд ва фиғон баровард: аз оне, ки болои сарам истода, ҷои тангро тангтар мекунӣ, нафасгир шуда истодаам, ба як мошини хурд пулчин чӣ лозим?
Ин шиква шунида шуду маломати кондуктор оғоз шуд: агар маъқул нест, бо таксӣ рав, ба пулчинии ман кордор мабош, пули сӯзишвориву андози нақлиётро ту намедиҳӣ…
Албатта, аз байни мусофирон касе пайдо нашуд, ки ба чунин гуфтугузори нохуш ҳамроҳ шуда, аз ҳуқуқҳои зани солхӯрда дифоъ кунад. Зан, ки аллакай аламу номусаш боло гирифта буд, аз мошин фаромад, аз ҳамёнчаи худ 10 сомонӣ бароварда дар ҷои нишастааш гузошту оромона гуфт: «Писар, ин пулро бигиру худат бо таксӣ рав. Намехоҳам имрӯзҳо асаби ман барин даҳҳо модарҳоро абгор намоӣ. Дуввум ин ки, фарзандам бо ман то ҳол чунин муносибат накарда буд, ки ту бо ман кардӣ. Ба модарат тавфиқ мехоҳам»…
Ин ҳодиса як эътирозе буд ба рағми поймолшавии иззати нафси инсонӣ. Ва воқеан ҳам, шаъну шараф аз арзишҳои олии инсонист, ки месазад дар вазнинтарин давру замон ва ҳассостарин лаҳзаҳо дифоъ аз онҳо кард.
Нақлиёти мусофирбар ба ҳаракат даромад, аммо ногаҳ неруе маро водор кард, то бигӯям: «Нигаҳ доред!». Ман ҳам аз мошин фаромадам. Гӯё ҳамроҳонам низ ҳамин иқдомро интизор буданд, ки як-як аз нақлиёт пиёда шуданд. Бо вуҷуди ин, ду нафари дигар нафаромаданд ва мошин роҳашро идома дод. Ба ҳар ҳол, ҳамон рафтори одилонаву оқилонаи бонуи ношинос сабаб шуд, ки ҳадди ақал 7-8 нафар ба худ биёянду нангу номусашонро бедор кунанд, дарк намоянд, ки шаҳомату ашрофзодагии инсонро наметавон ба ду тангаи сиёҳ фурӯхт, ғурури худро наметавон дар пеши чашми ҳар касу нокас буғӣ карду кушт.
Аз дили ду нафар мусофире, ки бепарвоёна аз мошин нафаромада рафтанд, шояд гузашта бошад: «Ҳар касро сари худу савдои худ. Ба ман чӣ?». Албатта, ин беэътиноии шумо ҷавобгарӣ намехоҳад, аммо имрӯз не, фардо не, шояд пасфардои дигар ин моҷаро ба сари шумо, ба сари ҳамсару хоҳару ниҳоят модари шумо омаданаш мумкин аст.
Боре ба нақлиёт нишинеду ба ин ё он бонуе, ки дар баратон танг нишаставу аз расиши тану либосаш худро сахт ноҳинҷор ҳис мекунад, назари инсоф афканед. Нек дармеёбед, ки ба ҷои онҳо азизони мо бошанд, корд ба устухон мерасад.
Модаре, ки мо аз ҷон бештар дӯсташ медорему касе дар ҳаққаш ноҷо сухан гӯяд, шӯрида мешавем, шояд имрӯзҳо дар хатсайрҳои гуногуни шаҳр ба чунин муносибати дағал ва ноҳинҷориву дилшикастагӣ гирифтор бошанд. Шумо инро медонед, бовар дорам, ки намедонед!!!  Ман ҳам намедонистам, то замоне, ки шоҳиди чунин ҳодиса нагаштам.
Бузургмеҳри БАҲОДУР, «Ҷумҳурият»


Баёни ақида (0)    Санаи нашр: 15.12.2016    №: 246    Мутолиа карданд: 2499

12.06.2019


ХУҶАНД. "Зирвеко" ба фаъолият мепардозад

Муаррифии асари Си Ҷинпин «Дар бораи идоракунии давлатӣ»

Баргузории конфронси сайёҳӣ дар Рашт

Масоили низоми бонкӣ матраҳ гардид

Дар Чин аз обхезии тобистона 6,75 миллион нафар зарар дид

Дар Ӯзбекистон рӯйхати идҳои касбиро Рӯзи китобдор афзуд

Дар Ҷопон ба солхӯрдаҳо шаҳодатномаи вижаи ронандагӣ медиҳанд

Сокини Британия дар лотерея Ј123 миллион бурд намуд

Ҷаҳон дар як сатр

11.06.2019


Песков: «Путин ба Тоҷикистон ва Қирғизистон сафар мекунад»

Иштироки роҳбарони 11 кишвар дар ҳамоиши Бишкек

Президенти Қазоқистон аз хусуси роҳҳои ҳалли мушкилоти иҷтимоӣ ҳарф зад

Ҷаҳон дар як сатр

ФАРХОР. Бонувон ба ҳунаромӯзӣ ҳавасманд мешаванд

"Куллиёт" - и Миробид Саййидои Насафӣ

04.06.2019


Лукашенко: "Эмомалӣ Раҳмонро оммаи мардум интизор аст"

Бунёдкорони роботтехникаи Россия ва Чин дар Владивосток ҷамъ омаданд

Ҷаҳон дар як сатр

Машварати сиёсии вазоратҳои корҳои хориҷии Тоҷикистон ва Белгия

Муаррифии портали хизматрасониҳои электронӣ барои андозсупорандагон

Дар ноҳияи Рашт конфронси минтақавӣ баргузор мегардад

ФУТБОЛ. Ду бозии рафиқона бо мунтахаби Ӯзбекистон

03.06.2019


Дар Тоҷикистон баландтарин афзоиши теъдоди сайёҳон ба қайд гирифта шуд

Гармои тоқатфарсо дар Ҳиндустон

Тасдиқи барнома оид ба бозомӯзии касбии кормандони соҳаи маориф

Иди саиди Фитр 5 июн таҷлил мешавад

Форуми байналмилалии сармоягузории «Кӯлоб – 2019» баргузор мегардад

Ёқубҷон Абдуманнонзода - соҳиби дипломи озмуни «Килки тиллоӣ»

Ҷаҳон дар як сатр

29.05.2019


Путин бо нахустпрезиденти Қазоқистон вохӯрд

Раиси Шӯрои Аврупо Доналд Туск ба Тоҷикистон меояд

Мусофири ҳавопаймо аз фурӯбарии 1,5 кг кокаин ба ҳалокат расид

Ҷаҳон дар як сатр

28.05.2019


Дар Қазоқистон ба бунёди ширкатҳои давлатӣ мораторий ҷорӣ карданд


Дар сомонаҳои дигари Тоҷикистон хонед