logo

иқтисод

ИСТЕҲСОЛИ ЧОЙ. ИМКОНИЯТҲОРО НОДИДА МЕГИРЕМ, ЧАРО?

Воқеан, имрӯз ҳаёти худро бе як пиёла чой тасаввур кардан душвор аст.  Зеро як пиёла чойи гарм лаҳзае моро гирди ҳам меоварад, ҳисси хастагиро бартараф месозад. Махсусан, агар чой аз ҷиҳати сифат ва бехатарӣ ба талабот ҷавобгӯ бошад. Боре андеша кардаем, ки оё чойи  истеъмолкардаамон чӣ гуна чой аст?    

Феълан дар бозорҳои кишвар ва нуқтаҳои фурӯш чой бо нархҳои гуногун ба мизоҷон пешниҳод мегардад. Намуди чойҳо бо назардошти ҷамъоварӣ ва коркард аз ҳамдигар тафовут доранд, масалан, чойи дона-дона, халтагӣ, чойи фишурда… Давлатҳои Чин, Ҳиндустон ва Покистон дар истеҳсоли чой пешсафанд. Ба кишвари мо чойҳои истеҳсоли чинӣ бештар ворид мегарданд. Чойи олисифат чойест, ки баргҳои он бо даст чида, хушк карда мешавад. Вале бо мақсади ба даст овардани фоида тавассути истеҳсоли ҳаҷми зиёди маҳсулот кишоварзон чойро бо техника ҷамъоварӣ мекунанд, ки  хосияти табииашро гум карда, илова шудани хокаи чой сифат ва бехатарии онро зери суол мегузорад. Ин аст, ки аз ҷониби Агентии Тоҷикстандарт 582 тонна чой аз рӯйи сифат, бехатарӣ ва тамғагузорӣ, ки асосан маҳсулоти воридотианд, ғайристандарт дониста шуд.
Саидаҳтам Акрамов, гиёҳшинос, сардори корхонаи истеҳсоли чойҳои шифобахши “Шифочой” – и ноҳияи Муъминобод, аз таҷрибаи худ дар истеҳсоли чойи шифобахши маҳаллӣ ибрози андеша намуда гуфт, ки ҳоло дар нуқтаҳои савдои ҷумҳурӣ чойҳои пастсифати ба саломатӣ зиёоновар ба фурӯш бароварда мешаванд ва қобили қабул нестанд. Зарурат пеш омадааст, ки бо коркарди ашёи хоми ватанӣ ба истеҳсоли маҳсулоти воридотивазкунанда машғул шавем. Аз ин лиҳоз, корхонаи мо бо ҷалби занони маҳаллӣ ба ҷамъоварии то 20 намуд гиёҳҳои шифобахш, аз қабили лимӯгиёҳ, бодраҷбӯя, фаранҷи мушк, кокутӣ, бобуна, чойгиёҳ, марварак, розиёна ва амсоли инҳо ба истеҳсоли 8 намуд чой машғул мебошад. Дар таркиби шифочой микроэлементҳои фтор, оҳан, руҳ, калсий мавҷуданд, ки барои пешгирии фишорбаландӣ, бемориҳои асаб, талхадон, гурдаю меъда ва шуш муфиданд. Чой аз ҷиҳати экологӣ тоза буда, бе таъсири манфӣ ба саломатӣ метавонад чойҳои истеъмолкардаамонро иваз намояд. Феълан аз ҷониби кормандони корхона гиёҳҳои зарурӣ барои истеҳсоли боз 2 намуди дигари чой мавриди омӯзиш қарор доранд. Ҳаҷми истеҳсоли маҳсулот дар соли гузашта 30 ҳазор қуттӣ чойро ташкил дод. Бо назардошти талаботи мизоҷон ҳаҷми истеҳсолот сол то сол меафзояд ва маҳсулот бештар ба шаҳру ноҳияҳои вилояти Суғд интиқол дода мешавад.
Чойе, ки мо истеъмол менамоем, одатан аз барги дарахти ороишии махсуси дар доманакӯҳҳо парваришёфта истеҳсол мегардад. Масалан, дар Чин ин дарахт танҳо дар қисмати ҷанубии иқлимаш нисбат ба дигар минтақаҳо гарм парвариш меёбад. Дар Ҳиндустон низ ҳамчунин. Кишвари мо, агарчи табиатан офтобӣ бошад ҳам, дар доманакӯҳҳо ҳарорати ҳаво нисбатан сард мешавад ва парвариши чунин дарахт барои истеҳсоли чой ғайриимкон аст. Бо вуҷуди ин, дар водиҳо ва доманакӯҳҳои манотиқи кишвар мавҷуд будани шумораи зиёди алафҳои табиӣ ва гиёҳҳои шифобахш барои истеҳсоли чойи худӣ имконият медиҳад. Коркард ва татбиқи он дар истеҳсолот на  танҳо барои таъмини мутахассисони маҳаллӣ бо ҷойи кори доимӣ, балки барои пешрафти иқтисоди мамлакат ва ивази маҳсулоти воридотӣ бо маҳсулоти ватанӣ воситаи хуб аст. 
Оҳистамоҳи ВАФОБЕК, “Ҷумҳурият”


Баёни ақида (0)    Санаи нашр: 16,12,2016    №: 247    Мутолиа карданд: 1763

21.01.2019


Фестивали байналмилалии «Наврӯз – мероси фарҳангии сайёҳӣ» баргузор хоҳад шуд

"Парасту - 2019" – ҷашнвораи ҷумҳуриявии театрҳои касбӣ

ҶАҲОН ДАР ЯК САТР

Баргузории ҷашнвораи байналмилалии «Рӯзи барф» дар Калуга

Дар Арабистони Саудӣ ҷалби бонувон ба корҳои ҷамъиятӣ меафзояд

Соли 2018 прокуратураи Қазоқистон ба буҷети кишвар $90 миллион талофӣ кард

Дар Тошканд хазинаи қадима ёфт шуд

Дороии 26 шахси сарватмандтарини дунё ба даромади 3,8 миллиард ниёзманд баробар аст

18.01.2019


Таҳдидҳои асосӣ ба иқтисоди ҷаҳонӣ номбар шуданд

Гумонбари омодасозии ҳамла ба Қасри сафед ба даст афтод

Дар Чин қаллобонро барои фиреб ҳабси абад карданд

29 миллион сом зарари собиқадорони сохта

Ҷаҳон дар як сатр

17.01.2019


Тамдиди шартномаи ФФТ бо "Сомон Эйр"

60 ДАРАҶА ХУНУКӢ ВА ДАВИ 50 - КИЛОМЕТРАИ ЭКСТРЕМАЛИ МОЛДАВӢ

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар


Дар сомонаҳои дигари Тоҷикистон хонед