logo

фарҳанг

"ХАЛҚ ОВОЗИ": ШУМОРАИ 20 000-УМ

Баъди Истиқлолияти давлатӣ дар фазои иттилоотии кишвар воситаҳои ахбори омма хеле рушд карданд. Дар қатори онҳо боз нашрияҳои собиқадоре ҳастанд, ки аз рӯзҳои аввали ташкилшавии Ҷумҳурии Шӯравии Сотсиалистии Тоҷикистон ба нашр мерасанд.   Яке аз онҳо нашрияи Ҳукумати Ҷумҳурии Тоҷикистон - рӯзномаи «Халқ овози» мебошад. 1 декабри соли 2016 «Халқ овози» шумораи 20 000-уми худро ба нашр расонд. Рӯзнома бори аввал моҳи феврали соли 1929 бо номи «Қизил Тожикистон» нашр шудааст ва то соли 1955 бо ҳамин ном аз чоп мебаромад. Баъдан бо қарори Комитети Марказии Ҳизби коммунистии Тоҷикистон номи он ба «Совет Тожикистони» иваз гашт. Дар солҳои аввал нашрия бо ҳуруфи арабӣ, баъдан бо ҳуруфи лотинӣ нашр мешуд. Аз соли 1940 бо алифбои кириллӣ аз нашр мебарояд. Рӯзнома ҳамчун минбари ҳукумати вақт ба майдон омад ва мардумро ба роҳи созандагиву бунёдкорӣ ҳидоят намуд.
Рӯзнома 17 октябри соли 1963 ба муносибати  бо теъдоди 100 000 ба нашр расиданаш  бо ордени Байрақи Сурхи Меҳнат қадр шуд.
Дар ҳамон солҳо хабарнигорони ҷамоатии рӯзнома тақрибан 2 ҳазор нафарро ташкил медод.  Шахсиятҳои таърихӣ дар он фаъолияти пурсамар доштанд. Шумораи аввали «Қизил Тожикистон» бо имзои сармуҳаррир М. Ҳасанов ба нашр расидааст. Баъдан дар вазифаи сармуҳарририи рӯзнома К. Тереғулов, Н. Деҳқонов, С. Ғаффоров, Қаҳрамони Тоҷикистон, академик  Бобоҷон Ғафуров, Т. Ҳайитов, Муҳаммад Муродов, доктори илмҳои таърих Ҳамид Гадоев ва нависандаи машҳур Ҳоҷӣ Содиқ фаъолият бурдаанд. Баъд  аз  онҳо Мухторҷон Баҳриддинов, Музаффар Солиев, Тоштемир Ҷӯрабоев, Абдусаттор Аҳмадалиев, Исмоилҷон Муҳсинов ва Ҳайдар Ҷӯраев рӯзномаро сарварӣ намуданд.
Дар солҳои аввали истиқлолият рӯзнома номи худро ба «Халқ овози» иваз кард. Ва бо ташаббуси Пешвои миллат муҳтарам Эмомалӣ Раҳмон, нашрияи Ҳукумати Ҷумҳурии Тоҷикистон шуд.
Имрӯз «Халқ овози» дар инъикоси  ҳаёти сиёсиву иҷтимоии Ҷумҳурии Тоҷикистон мавқеи алоҳида дорад. Яке аз вазифаҳои асосии рӯзнома тарғиби сиёсати пешгирифтаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Ҳукумати Тоҷикистон буда, инчунин мубаллиғи робитаҳои  дӯстии абадии ду халқ - тоҷику ӯзбек  мебошад. 
Имрӯз дар рӯзнома саҳифаҳои махсус, аз ҷумла «Дунё  сиёсат саҳнасида» («Дунё дар саҳнаи сиёсат»), «Ҳикмат нури» («Нури ҳикмат»), «Сафобахш  Хатлонзамин» («Хатлонзамини сафобахш»), «Зарнисор муждалари» («Муждаҳои Зарнисор»), «Суғд насими» («Насими Суғд»), «Аёл дунёси» («Дунёи зан») нашр мешаванд ва барои хонандагон  хеле  ҷолибанд. Нақши рӯзнома ҳамчун нашрияи Ҳукумати Ҷумҳурии Тоҷикистон дар фазои иттилоотии кишвар хеле чашмрас буда, дар самти ҳимояи манфиатҳои давлатӣ ва ҳифзи амнияти иттилоотӣ дар қатори нашрияҳои дигари бонуфузи ҷумҳурӣ меистад.
Зуҳриддин УМАРОВ,
мухбири махсуси «Халқ овози»


Баёни ақида (0)    Санаи нашр: 19.12.2016    №: 248    Мутолиа карданд: 1852

19.09.2018


ТОҶИКИСТОН ВА ӮЗБЕКИСТОН. Аввалин тамринҳои муштараки низомӣ

Таъсиси 57 корхонаи нав

Намоиши дастовардҳо ба муносибати Рӯзи шаҳри Хуҷанд

Зуҳро Саидова – соҳиби шоҳҷоиза

Таҳаммул аз амалҳои террористӣ норавост

Баргузории ҳамоиши маъмурони роҳи оҳани кишварҳои СҲШ дар Ӯзбекистон

Дар Ироқ 27 ҳазор нафар аз об заҳролуд гашт

Тӯли 40 соли ислоҳот дар Чин ҷои кор 346 дарсад афзуд

Остона ҳамоиши ҳаштуми глобалии туризми шаҳриро пазироӣ мекунад

Ҷаҳон дар як сатр

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД

МАРЗ. Боздошти қочоқбарон

КӮЛОБ. ИФТИТОҲИ БОҒЧАИ НАВ

05.09.2018


БӮСТОН. Бунёди чор иншооти нав

ФУТБОЛ. Дар Тоҷикистон мусобиқаҳои байналмилалӣ доир мегарданд

Ориф Алвӣ 13-умин президенти Покистон интихоб гашт

Дар Арабистони Саудӣ барои маводи тахрибӣ дар интернет зиндонӣ мекунанд

Дар Гуҷарат сохтмони баландтарин ҳайкали дунё анҷом меёбад

Ҳиндустон барномаи нави кайҳониро амалӣ месозад

04.09.2018


Боздиди Сарвазири мамлакат аз иншооти гармидиҳии шаҳри Душанбе


Дар сомонаҳои дигари Тоҷикистон хонед