logo

иҷтимоиёт

РӮЗГОРЕ БАРОИ ИБРАТ

Амиршо Миралиев сиёсатмадорест, ки ӯро ба шарофати фаъолияти пурсамараш мардум чун ходими давлатӣ ва ҳамзамон шахсияти кордон ва мушфиқу ғамхор шинохт.

Солҳои зиёд дар вазифаҳои комсомолӣ ва ҳизбӣ кор кард. Раиси ноҳияи Мир Сайид Алии Ҳамадонӣ (собиқ Москва), раиси вилояти Хатлон, мушовири давлатии Президенти Ҷумҳурии Тоҷикистон оид ба масъалаҳои сиёсати кадрҳо, вакил, раиси комиссияи Маҷлиси намояндагони Маҷлиси Олии Ҷумҳурии Тоҷикистон оид ба одоби вакилон, роҳбари Дастгоҳи иҷроияи Президенти Ҷумҳурии Тоҷикистон, муовини якуми Раиси Маҷлиси намояндагони Маҷлиси Олии Ҷумҳурии Тоҷикистон, раиси шӯрои нозирони ҶСК «Соҳибкорбонк» буд. Алҳол раиси Ассотсиатсияи бонкҳои Тоҷикистон мебошад.
Маҳз ҳалолкорияш буд, ки дар ин муддат ҳам ба некӣ шуҳрат ёфт ва ҳам маҳбубият касб кард.Хизматҳояшро бо унвони Корманди шоистаи Тоҷикистон, ордени ба номи Исмоили Сомонӣ, дараҷаи II, ордени «Содружество» (мукофоти олитарини Ассамблеяи байнипорлумонии ИДМ), медалҳои «Барои меҳнати шоён», «10 – солагии Иҷлосияи XVI Шӯрои Олии Ҷумҳурии Тоҷикистон» қадр намуданд.
Хоксорӣ беҳтарин сифати ходимони давлатӣ ва роҳбарон маҳсуб мешавад. Аз ин сифат Амиршо Миралиев аз оғоз бархӯрдор буд ва як умр он бо ӯ монд. Мардум ба ин хотир бештар дӯсташ дошт ва дӯсташ медорад. Ҳамкорону дӯстон ҳам бештар аз ҳама ин сифати ӯро тавсиф кардаанд ва низ аз он барои намунаи дигарон ёдовар мешаванд.
Дониши васеъ, ҷаҳонбинии фарох ва таҷрибаи зиёди корӣ ва зиндагӣ дорад. Роҳи ҳалли мушкилотро ба осонӣ меёбад. Маслиҳати дуруст дода метавонад.
Ҳама корро ҳамеша дар сатҳи баланд ва ба ҳамин сифат ба фарҷом расондааст. Аз ҳама имконоти мавҷуда самаранок истифода бурдааст. Фаъолияти пурсамараш ҳамеша шаффоф буд ва муносибаташ низ самимист.
Ӯ аз оғоз то ба имрӯз дар ҳар вазифае, ки буд, як мақсад дошт: саҳм гирифтан дар ободӣ ва рушди кишвар. Аз ӯ боре барои рӯзнома пурсиданд, ки кадом ҷойи коратон писанду манфиатовар буд. Албатта, ҳар нафари дигар дар ин маврид андак меандешид ва ба тавсифи яке, ки бештар дар он ба мардуми кишвар нафъ расондааст, мегузашт. Аммо посухи ӯ ғайричашмдошт мебошад ва дурусту дақиқу ҳадафрас. Мо аз ин посух бори дигар ба донишу маҳорат, садоқат, ҷасорат, зиракӣ ва ҳозирҷавобияш зуд пай бурда метавонем. Посухи ӯ ба ин сурат буд: «Аслан ман ба пешниҳоди суол бо чунин тарз розӣ нестам. Аз лиҳози мантиқ низ чунин саволгузорӣ дуруст нест. Зеро, вақте шахси мансабдор аз он нуқтаи назар, ки кадом вазифа барояш писанд ва манфиатовар аст, хулосабарорӣ ва фаъолият намояд, он гоҳ поквиҷдонӣ, меҳнати софдилона ва садоқат ба миллату меҳан зери суол мемонад.
Дар тамоми зинаҳои фаъолият поквиҷдонӣ ва масъулиятшиносиро шеваи асосии фаъолият қарор додааму ҳаргиз аз он даст намекашам. Бароям муҳим нест, ки дар кадом вазифа қарор дорам, балки муҳим самараи меҳнати ман ва нақши он дар пешрафти мамлакат аст».
Оре, ба ҳақиқати ин суханон на он замон ва на ҳолиё ҳеҷ кас шубҳа накарда ва намекунад. Матбуот ва шахсиятҳои маъруфи сиёсию фарҳангӣ ҳамеша дар ҳаққаш суханони некро бедареғ ба табъ расондаанд.
Аз ҷиддият ва сахтгирии ӯ низ навиштаанду гуфтаанд. Аммо он ҳаргиз маънои манфиро ба худ касб накарда буд. Ба шарҳи он меафзуданд, ки роҳбар бояд дар кор ҷиддӣ ва сахтгир бошад.
Ӯ нафарест, ки аз шумори ҷавонони ватандӯст ва масъулиятшиносу поквиҷдон шогирдони зиёд дорад. Бо ин, албатта, ифтихор низ менамояд. Бархе ба дурустӣ изҳор медоранд, ки ӯ соҳибмактаб аст ва дар он бисёр шогирдон дуруст тарбия ёфтанду ба камол расиданд.
Шахсиятҳои маъруф ва барҷастаи кишвар низ дар ҳаққаш беҳтарин суханонро бо муҳаббат ва садоқат иброз доштаанд. Аз ҷумла: Шукурҷон Зуҳуров, Раиси Маҷлиси намояндагони Маҷлиси Олии Ҷумҳурии Тоҷикистон: «Зиндагиномаи Миралиев намунаи хуби аз коргари одӣ то ба вазифаҳои баланди давлативу ҷамъиятӣ расидани як фарди худогоҳу ватандӯст аст. Ӯ шахсиятест, ки дар кураи зиндагӣ комилан обутоб ёфтааст».
Маҳмудзода Маҳкам Азам, раиси Суди конститутсионии Ҷумҳурии Тоҷикистон, академик: «Дар тӯли солҳое, ки Амиршо Миралиевро мешиносам, хислатҳои накуи инсониаш бароям дар шаклҳои гуногун баръало шудаву дар ин замина эҳтирому ихлосам нисбат ба ин шахс тамоюли афзоишро касб намуд… Ҳамрадиф бо ин омилҳо манфиати давлату миллатро аз ҳама чиз боло мегузорад, аз ҳеҷ гуна душворӣ намеҳаросад ва ғайрати беандоза дорад. Ин шахс, ба маънои томаш қонунмеҳвар буда, ба риояи бечунучарои қонуният бисёр ҷиддӣ ва бо қатъият рафтор мекунад».
Рустам Шоҳмурод, вазири адлияи ҷумҳурӣ: «Ба андешаи ман, Амиршо Миралиев шабеҳи оташ аст. Оташе, ки нур мебахшад, гармӣ медиҳад ва агар нуқсоне ба амал ояд, месӯзонад».
Ҳамин тавр, ин шахсияти маъруфу маҳбуб бо одамияти баланд, донишу таҷриба, заҳмат ва фидокорӣ барои ободию рушди кишвар тавонист, ки дар дилу дидаи мардум ҷой бигирад ва низ кору зиндагияш намунаи ибрати дигарон бошад.
Абдулқодири РАҲИМ, «Ҷумҳурият»


Баёни ақида (0)    Санаи нашр: 19.12.2016    №: 248    Мутолиа карданд: 2877
01.06.2020


ХУШХАБАР. ДАР ТОҶИКИСТОН БЕШ АЗ 2000 СИРОЯТЁФТА ШИФО ЁФТ

РОҶЕР ФЕДЕРЕР. ГАРОНАРЗИШТАРИН ВАРЗИШГАРИ САЙЁРА

29.05.2020


ТОҶИКИСТОН. АЗ COVID - 19 БОЗ 423 НАФАРИ ДИГАР ШИФО ЁФТ

28.05.2020


ТОҶИКИСТОН. БОЗ 385 НАФАР АЗ КОРОНАВИРУС ШИФО ЁФТ

ВМКБ. ҲАМОВОЗӢ БА ИҚДОМИ НЕКИ ПЕШВОИ МУАЗЗАМИ МИЛЛАТ

ХИЗМАТИ ҲАРБӢ. НАҚШАИ ДАЪВАТ ПЕШ АЗ МУҲЛАТ ИҶРО ШУД

ВАРЗОБ. ҶОЙҲОИ КОРӢ БЕШТАР МЕГАРДАНД

БУНДЕСЛИГА. РАҚОБАТИ "БАВАРИЯ" БО "БОРУССИЯ" БАРОИ ПОЙГАИ ҚАҲРАМОНӢ

ШАҲРВАНДОНИ ТОҶИКИСТОН БО ПАРВОЗИ МАХСУС АЗ ДЕҲЛӢ ВА ДУБАЙ БА ВАТАН БАРМЕГАРДАНД

ҶАҲОН ДАР ЯК САТР

27.05.2020


436 НАФАРИ ДИГАР АЗ БЕМОРИИ COVID – 19 ШИФО ЁФТ

ҶАЛАСАИ ШӮРОИ ВАЗИРОНИ КОРҲОИ ХОРИҶИИ СААД

ТАҚВИЯТИ ҲАМКОРИҲОИ ТОҶИКИСТОНУ ӮЗБЕКИСТОН ДАР МУБОРИЗА АЛАЙҲИ COVID – 19

ДАР РӮИ ҒИЗО ЗАРРАҲОИ COVID-19 НЕСТ!

НОҲИЯИ САНГВОР. МУБОРИЗА АЛАЙҲИ COVID-19 БО УСУЛИ “ХОНА БА ХОНА”

ТАШВИҚОТИ ҲИЗБИ ПЕШОҲАНГ ДАР ПАРТАВИ ҲИДОЯТИ ПЕШВОИ МИЛЛАТ

ЛИГАИ ЧЕМПИОНҲО. МУАЛЛИФИ БЕҲТАРИН ГОЛ БЕҲТАРИН МУРАББӢ ШИНОХТА ШУД

ГАРМО МЕТАВОНАД СИРОЯТИ COVID-19-РО ДАР ӮЗБЕКИСТОН КОҲИШ ДИҲАД

ҶАҲОН ДАР ЯК САТР

26.05.2020


ТОҶИКИСТОН. АЗ БЕМОРИИ COVID – 19 1395 НАФАР ШИФО ЁФТ

НОҲИЯИ ЛАХШ. МУБОРИЗА АЛАЙҲИ COVID-19 ТАҲКИМ МЕЁБАД

КУМАКИ ЧИН БАРОИ ПЕШГИРӢ АЗ ПАҲНШАВИИ COVID – 19

БЕЭҲТИЁТИИ МУХЛИСОН - МӮҶИБИ ГИРИФТОРӢ БА КОРОНАВИРУС

ОЛИМОНИ РУС ВАКСИНАИ ЗИДДИ КОРОНАВИРУСРО МУВАФФАҚОНА ОЗМУДАНД

ҶАҲОН ДАР ЯК САТР

22.05.2020


ЁРИИ БАШАРДӮСТОНАИ ТОҶИКИСТОН БА ӮЗБЕКИСТОН

КУМАКИ ПРЕЗИДЕНТ БА ВИЛОЯТИ СУҒД

1008 НАФАР АЗ БЕМОРИИ COVID – 19 ШИФО ЁФТ

ВМКБ. ЁРИИ САРВАРИ ДАВЛАТ ФАЪОЛИЯТИ МУАССИСАҲОИ ТАБОБАТИРО БОЗ ҲАМ БЕҲТАР НАМУД

21.05.2020


ОЛИМИ ТОҶИК БОБОҶОН НАЗАРОВ ДАР БРИТАНИЯ ДОРУИ COVID-19 МЕСОЗАД

МИШУСТИН: «АФЗОИШИ ПАҲНШАВИИ КОРОНАВИРУС ДАР РОССИЯ БОЗДОШТА ШУД»

ЧИН БА КИШВАРҲОИ АЗ КОРОНАВИРУС ЗАРАРДИДА $2 МИЛЛИАРД МЕДИҲАД

МЕРКЕЛ: «ЯГОН ДАВЛАТ БА ТАНҲОӢ ИН ЭПИДЕМИЯРО УҲДА КАРДА НАМЕТАВОНАД»

МУЗОКИРОТИ БРИТАНИЯ ВА ФРАНСИЯ ОИД БА ЛАҒВИ КАРАНТИНИ МУСОФИРОНИ ВОРИДШУДА

ТАЙСОН ВА ҲОЛИФИЛД БА РИНГ БАРМЕГАРДАНД


Дар сомонаҳои дигари Тоҷикистон хонед