logo

иҷтимоиёт

ШУҶОАТ. ДАР БОРАИ ШОДӢ ШОКИРОВИ САРБОЗ

Қумандони қисми ҳарбӣ, полковник Виталий Челидий омодагии мошинҳои ҳарбии боркашро санҷида, аз натиҷааш қаноатманд гашт. Ба сержанти хурд Шодӣ Шокиров, ки масъулияти дар ҳолати хуби техникӣ нигоҳ доштани техникаи ҳарбиро ба уҳда дошт, арзи сипос намуд. Шодӣ аз ваҷоҳату ташвиши қумандони қисми ҳарбӣ ҳис кард, ки қатори навбатӣ дар ҳимояти гурӯҳи фаврӣ шабона ё субҳидам ба роҳ мебарояд.
Қисми низомӣ интиқоли бору муҳимотро аз бандари Ҳайратон то шаҳрҳои Кобулу Ҷалолобод, Қандаҳору  Ҳирот ва  Чоряккор ба зимма дошт. Муҳофизати қатори мошинҳои пурбор ҳам бар дӯши ҷанговарони ин қисми низомӣ буд. Дар он рӯзҳо бору муҳимоти ҷангӣ, сӯзишворӣ ва маводи хайрия чунон зиёд буд, ки ҳар рӯз мебоист, садҳо тонна бор беталаф ба ҷойи зарурӣ расонда шавад. Шодӣ ва ҳамсилоҳонаш дар ин роҳи хеле пурхатар равуо намуда, ба ҳамлаҳои ногаҳонии муҷоҳиддин ва чирикҳои навбаромад истодагарӣ мекарданд. Бахусус, дар минтақаи Пули Хумрӣ, болотар аз шаҳри Ҷабал - ус -  Сироҷ, наздикиҳои ағбаи Соланг ва гузаргоҳи нақб ҳамлаҳо бештар рух медоданд.
Моҳи апрели соли 1987. Қатори мошинҳо минтақаи Хайрхонаро убур менамуд. Шодӣ сари чамбари  мошини «Зил-131»  аз қафои  қатор   ҳаракат мекард. Аз чӣ бошад, ки зуд-зуд даст ба автомат мебурд. Дар сафарҳои қаблӣ ҳатто дар кабина вуҷуд доштани силоҳро фаромӯш мекард… Шаҳраки Ҷабал - ус - Сироҷ ҳам паси сар монд. Акнун аз ағбаи Соланг бояд убур мекарданд. Шодӣ аз мухобира садои қумандони қаторро шунид: «Ҳамла!». Яке аз мошинҳо таркид ва алангаи оташ ба осмон печиду роҳ баста шуд.
Бо фармони қумандон Павел Боршаков тавассути БТР-ҳо ба душман зарбаҳои ҷавобӣ зада шуд ва монеаи эҷодшуда бартараф гашт. Бо вуҷуди ин душманон аз снайперҳо оташ мекушоданд. Дар ин амалиёт се нафар ярадор шуд. Шодӣ, гаваккашон ба назди онҳо омад ва ёрии аввалияи тиббӣ расонд. Бо пайдо шудани чархболҳои зарбазан муҷоҳиддин фирор намуданд. Сарбозони маҷрӯҳро тавассути яке аз чархболҳо ба Кобул интиқол доданд. Шодӣ Шокиров онҳоро ҳамроҳӣ намуд.
Рӯзи дигар расонаҳои хабарии собиқ Иттиҳоди Шӯравӣ гузориш пахш карданд, ки як қатор қумандонҳову сарбозони диловар, бо вуҷуди талафоти моддӣ, ба ҳамлагарон зарбаҳои ҷонкоҳ заданд. Дар ин амалиёт қумандони муҷоҳиддин бо исми Носираймоқ ба даст афтод. Корнамоии аксар ҷанговарон бо ордену медалҳои ҷангӣ қадрдонӣ гардид. Аз ҷумла, сержанти хурд Шодӣ Шокиров, барои шуҷоату диловарӣ ва наҷоти ҳамяроқон бо медали ҷангии «Барои шуҷоат» мукофотонида шуд. Баъди аз Афғонистон баргаштан солҳо омӯзгор буд. Ҳоло муовини раиси Кумитаи кор бо ҷанговарони башардӯсти назди мақомоти иҷроияи маҳаллии ҳокимияти давлатии ноҳияи Фирдавсии шаҳри Душанбе мебошад.
Ин ва дигар ҳаводиси даврони сарбозиро Шодӣ Шокиров ҳеҷ вақт аз ёд намебарад. Ҳоло ҳам онҳо мисли навори филм дар пеши назараш намудор мешаванд. Он замон ӯ ҳамагӣ 21 сол дошт.
Муродалӣ СОБИР, рӯзноманигор


Баёни ақида (0)    Санаи нашр: 20.12.2016    №: 249    Мутолиа карданд: 2544

24.06.2019


Президенти Филиппин моҳи октябр ба Россия меояд

Трамп бо Эрон омодаи гуфтушунид буданашро тасдиқ намуд

Дар Ҳиндустон афтидани хайма боиси марги 14 нафар шуд

СУҒД. Оғози мусобиқаи байналмилалӣ

"ФИЛОСОФИЯ ОТДЫХА" имкониятҳои сайёҳии Тоҷикистонро таҳлил намуд

Ҷаҳон дар як сатр

21.06.2019


Мулоқоти Хайринисо Юсуфӣ бо Валериу Кивер

Ҳамоиш бахшида ба таъмини устувории макроиқтисодӣ

Муаррифии натиҷаҳои фаъолият дар самти безараргардонии башардӯстонаи минаҳо

20.06.2019


Гумерова: «Омӯзгорони рус дар Тоҷикистон мондан мехоҳанд»

СММ: «Ҳиндустон дар нуфуси аҳолӣ баъди 8 сол аз Чин мегузарад»

Пекин тавсеаи ёрии иқтисодӣ ва башарӣ ба Сурияро зарур мешуморад

Дар Ҷопон ҷазои ҷисмонии кӯдаконро манъ карданд

Ҷаҳон дар як сатр

19.06.2019


Дар Кӯлоб Фестивали ҷумҳуриявии дӯстии ҷавонон баргузор шуд

Баррасии вазъ ва дурнамои ҳамкориҳо

Боздид аз Муассисаи давлатии «Боғи миллии Ваҳдат”

ПАНҶАКЕНТ. Омодагиҳо ба ҷашни фархунда

Писарбачаи тоҷик дар Хабаровск дӯсташро аз чоҳи оби ҷӯш наҷот дод

Тоҷикистону Беларус: «Муҳокимаи тақвияти ҳамкориҳои низомӣ»

Си Ҷинпин азми сафари Ҷумҳурии Халқии Демократии Корея дорад

Ҷаҳон дар як сатр

12.06.2019


ХУҶАНД. "Зирвеко" ба фаъолият мепардозад

Муаррифии асари Си Ҷинпин «Дар бораи идоракунии давлатӣ»

Баргузории конфронси сайёҳӣ дар Рашт

Масоили низоми бонкӣ матраҳ гардид

Дар Чин аз обхезии тобистона 6,75 миллион нафар зарар дид

Дар Ӯзбекистон рӯйхати идҳои касбиро Рӯзи китобдор афзуд

Дар Ҷопон ба солхӯрдаҳо шаҳодатномаи вижаи ронандагӣ медиҳанд

Сокини Британия дар лотерея Ј123 миллион бурд намуд

Ҷаҳон дар як сатр

11.06.2019


Песков: «Путин ба Тоҷикистон ва Қирғизистон сафар мекунад»

Иштироки роҳбарони 11 кишвар дар ҳамоиши Бишкек

Президенти Қазоқистон аз хусуси роҳҳои ҳалли мушкилоти иҷтимоӣ ҳарф зад


Дар сомонаҳои дигари Тоҷикистон хонед