logo

фарҳанг

ФАРҲОД РАҲИМӢ: "МУТААССИФОНА, МУШКИЛОТИ ҲАЛТАЛАБ КАМ НЕСТАНД"

Фарҳод Раҳимӣ, президенти Академияи илмҳои Тоҷикистон, зимни баргузории ҷаласаи  солона иброз намуд, олимони соҳаи астрофизика  ҷирмҳои нави  осмонӣ ва объектҳоеро, ки ба замин наздик мешаванд, аксбардорӣ ва астероиди динамикиеро кашф намуданд. Кормандони  Институти  геология майдонҳои нави маъдандорро пайдо карданд. Пойгоҳи баландкӯҳи илмие, ки дар мавзеи Ҷелондии ноҳияи  Шуғнон, дар баландии 3400 метр аз сатҳи баҳр ҷойгир аст, пурра таъмир гардид. Кормандони  Институти физика бо истифода аз нитрогени моеъ дастгоҳи наве сохтанд, ки он барои ҷарроҳӣ  истифода мешавад. Дастгоҳ аз ҷониби табибони кишвар мавриди истифода қарор гирифт. Бо истифода аз  он то имрӯз 51 ҷарроҳӣ  бо натиҷаи хуб анҷом дода шуд.
Президенти академия  натиҷаи корҳои олимони соҳаи кимиёро низ хуб арзёбӣ намуд. Олимони соҳа барои ҳамгироии илм бо истеҳсолот корҳои назаррас  анҷом дода истодаанд. Яке аз онҳо коркарди нуриҳои минералии фосфордор аз конҳои маҳаллӣ мебошад. Ояндаи наздик хоҷагиҳои кишоварзӣ бо чунин нурӣ таъмин хоҳанд шуд.
Дар ҷаласа тадбиқи дастовардҳои илмӣ мушкили асосӣ арзёбӣ гардид. «Дар робита ба ин масъала давоми сол ба корхонаҳои саноатӣ, идораву коргоҳҳои истеҳсолӣ ду маротиба  мактуб ирсол намудем. Гуфтем, ки интизори фармоиши шумоем. Дар кадом самт мехоҳед, ки олимон саҳм гузоранд?  Мутаассифона, аз ҳеҷ вазорат, идора ва корхона  фармоиш ё супориш нагирифтем. Ба хулосае омадем, ки роҳи тадбиқи дастовардҳои илмиро бояд худамон пайдо кунем. Пеш аз ҳама, механизми тадбиқи  дастовардро коркард намоем. Ин яке аз вазифаҳои асосии мо дар соли  2017  хоҳад буд», - гуфт Фарҳод Раҳимӣ.
Дар масъалаи ҷалби ҷавонон ба корҳои илмию - таҳқиқотӣ зикр шуд, ки ҳоло дар заминаи магистратура ва аспирантураи академия зиёда аз 800 нафар ҷавон таҳсил мекунад. Зиёда аз 400 ҷавони то 35 - сола  дар сохтори гуногуни илмӣ кору фаъолият дорад. Ҷойи таассуф аст, ки академия барои чунин нафарон ҳатто хобгоҳ надорад ва наметавонад онҳоро бо манзили зист таъмин намояд. Аз хобгоҳи муштараки аспирантон танҳо 30 дарсадаш барои онҳо пешбинӣ гардидааст, ки  кифоя нест. Аз ин рӯ, таъмини аспирантон бо ҷойи зист ҳамоно аз мушкилии ҳалношуда аст.
Сифати корҳои илмӣ - таҳқиқотии олимон низ на ҳамеша хуб аст. Ҳоло олимон аз рӯйи 338 мавзӯи фармоишӣ корҳои илмӣ - таҳқиқотӣ мебаранд. Аз ин 96 мавзӯъ дар  академия,  боқӣ дар вазорату идораҳое амалӣ шуда истодаанд, ки дар сохторашон муассисаҳои илмӣ доранд.
 «Мутаассифона,  сифати иҷрои корҳо ғайриқаноатбахш аст. Чанде пеш аз як вазорат мавриди иҷрои 7 мавзӯи илмию таҳқиқотӣ ҳисобот гирифтем. Маълум шуд, ки бар ивази 400 - 500 ҳазор сомонӣ, ки ин пули кам нест ва он аз буҷети давлат ҷудо мегардад, натиҷаи кор - як барномаи таълимӣ, 1 силабус ва 1 рисолаи магистрӣ аст.  Ин на кори илмию таҳқиқотӣ, балки сарбории фаъолияти  як устоди донишгоҳ буда метавонад. Маблағҳои ҷудогардидаро бояд, ки мақсаднок истифода барем. Ин маблағҳо бояд барои омӯзиши мавзӯъҳое равона гарданд, ки дар иқтисодиёти кишвар аҳамияти амалӣ доранд», -  таъкид намуд  Фарҳод Раҳимӣ.
Фарзона ФАЙЗАЛӢ, «Ҷумҳурият»


Баёни ақида (0)    Санаи нашр: 20.12.2016    №: 249    Мутолиа карданд: 1828

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд

11.07.2019


Шиносоии Қоҳир Расулзода бо сохтмон ва навсозии шоҳроҳи Душанбе – Бохтар

10.07.2019


Нодиртарин "Девон" - и Навоӣ дар Хуҷанд

Бунёди нахустин пойгоҳи ҷаҳонии шабакаи атмосферии Тоҷикистон дар Осиёи Марказӣ

Иттиҳоди Аврупо барои кишварҳои Осиёи Марказӣ 72 миллион евро ҷудо мекунад

Матвиенко: "Дар бозори Россия қариб тамоми об қалбакӣ будааст"


Дар сомонаҳои дигари Тоҷикистон хонед