logo

иқтисод

РӮДАКӢ. ФАРДО БОЯД АЗ ИМРӮЗ БЕҲТАР БОШАД

Симои ноҳияи Рӯдакӣ бо қомат афрохтани биноҳои хуштарҳи замонавии истиқоматӣ,  муассисаҳои хизматрасонии табобату фароғат, таълимгоҳҳо  ва   марказҳои савдо  шаҳреро мемонад. Аз ҳусни он пешрафти соҳаҳо ҳувайдост.  Ҳаҷми истеҳсоли маҳсулоти кишоварзӣ ва саноатӣ низ назаррас мебошад. Роҳандозии барномаҳои вижа доир ба роҳсозӣ, обёрии заминҳои кишт, таъмини обӣ ошомиданӣ, беҳсозии соҳаҳои тандурустӣ, шуғли аҳолӣ ва ғайра ба беҳбудии чашмраси ҳаёти мардуми он мусоидат намуд. Авҷи  бунёдкорию созандагӣ дар ноҳия  аз сиёсати Асосгузори сулҳу ваҳдати миллӣ - Пешвои миллат, Президенти кишвар  муҳтарам Эмомалӣ Раҳмон бармеояд.  Бо иҷрои нуктаҳои Паёми  Президенти ҷумҳурӣ  ба Маҷлиси Олии ҷумҳурӣ , инчунин бо шарофати ташрифи ҳамасолаи Сарвари давлат ба диёри Рӯдакӣ рушди қариб ҳамаи бахшҳо ва  афзоиши воқеии нишондиҳандаҳои иҷтимоию иқтисодӣ дар ноҳия таъмин гардид. Юсуфӣ Муҳаммадраҳим, раиси ноҳия, дар ин хусус чунин изҳор дошт:
- Давоми соли равон  маҷмӯи   истеҳсоли маҳсулот дар ноҳия  қариб 800 миллион  сомониро  ташкил  дод, ки  нисбат ба  соли  гузашта беш аз 27 миллион  зиёд мебошад. Аз он 17,3 дарсадро ҳиссаи бахши  саноат, 68 дарсадро  кишоварзӣ ва   14,7 дарсадро соҳаҳои дигар  ташкил медиҳанд.  
Соли  2016 бо ҷалби соҳибкорони ноҳия  дар самтҳои истеҳсолоту   хизматрасонӣ ва савдо 52  корхонаи нав сохта ба истифода дода шуд. Барои  нигоҳдории роҳҳои маҳаллӣ  зиёда аз  638 ҳазор сомонӣ ва беҳтар намудани вазъи мелиоративии заминҳои кишоварзии ноҳия  230 ҳазор сомонӣ  маблағгузорӣ сурат гирифт. Ҷиҳати  гармидиҳӣ, харидани ангишт, маводи сӯхту  ашёи дигар баҳри зимистонгузаронии муътадил  қариб 1, 5  миллион сомонӣ пешбинӣ  гардид,  ки  нисбат ба  соли гузашта  беш 4, 5  ҳазор сомонӣ зиёд аст. 
Аз рӯйи тасҳеҳи Нақшаи генералии маркази ноҳия - шаҳраки Сомониён, ки  аз ҷониби пажӯҳишгоҳи лоиҳакашии «Шаҳрофар»   таҳия гардидааст, сохтмони 9 бинои истиқоматии баландошёна бо нуқтаҳои савдо ва маркази хизматрасонӣ таҳрезӣ гардид. Айни замон  корҳои сохтмонию  лоиҳакашӣ бо маром идома доранд.  Дар заминаи  нақшаи кулл маҷмаи боҳашамати фарҳангию фароғатӣ, варзишию солимгардонӣ бо нуқтаҳои савдо ва хизматрасонӣ, ки  санги   асоси он аз ҷониби Сарвари давлат гузошта шуд, дар майдони 5,3 гектар  бунёд меёбад.  Дар ин бино  кӯдакистон барои 200 нафар, корхонаи дӯзандагӣ иборат аз  300 ҷойи кор,  толори варзиш барои машқи 120 нафар дар як баст,  маркази савдои дорои  400  ҷой ба фаъолият мепардозанд. 
Сохтмони муассисаҳои таълимии баландошёна бо тарҳи нав  дар  минтақаи Султонобод барои 360 хонанда,  деҳоти Чимтеппа барои 500 ва   Сарикиштӣ барои  640  хонанда, инчунин бунёди корхонаҳои коркарди қуму сангреза барои тавлиди бетон дар деҳоти Зайнабобод, истеҳсоли хишти сохтмонии “Хишти сабук” ва коллеҷи  тиббӣ дар шаҳраки М. Турсунзода, хати таъмини оби ошомидании деҳаҳои Чавлибоӣ, Ғиждалобод ва Чоряккорон, маҷмааи  “Нури тиб”дар шаҳраки М. Турсунзода ва бозори фурӯши нақлиёт дар деҳоти Лоҳур  бо ҷӯшу хурӯш идома дорад. Корҳои созандагӣ мисолҳои барҷастаи рушду тараққиёти беқиёс дар ноҳия мебошанд, ки  хусусан  ба муносибати Ҷашни бузурги  25 - солагии Истиқлолияти давлатии Тоҷикистон сурат гирифтанд.
12 ва 14-уми майи соли равон   аз сабаби боришоти зиёд сатҳи дарёи Элок баланд шуда,   маҷрои он тағйир ёфт ва боиси фаромадани  сел дар деҳоти мавзеи Зайнабобод ва шаҳраки Мирзо Турсунзода гардид. Аз офати табиат  дар ноҳия дар умум 44 хона пурра  ва 75 – то  қисман зарар диданд, ба амволи шаҳрвандон,  киштзори хоҷагии халқ  осеби  ҷиддӣ расид. Хушбахтона, бо кумаку дастгириҳои Ҳукумати ҷумҳурӣ  оқибатҳои офати табиат  дар муҳлати кӯтоҳ бартараф ва барои сокинон манзилҳои нави  кушоду барҳаво сохта шуда, бо ашёву лавозимоти  рӯзгор таъмин гардиданд. 
 Татбиқи барномаю  лоиҳаҳои сармоягузорӣ низ дар ноҳия назаррас мебошад.  Ҳоло дар ноҳия 5  лоиҳаи давлатии сармоягузорӣ - лоиҳаҳои «Обтаъминкунии шаҳрҳои марказии Тоҷикистон», “Беҳтар намудани ҳолати роҳи минтақавии Душанбе – Турсунзода - сарҳади Ӯзбекистон”,  «Таъмини шуғли  аҳолӣ барои устувории хоҷагии     қишлоқ ва идоракунии  захираҳои обӣ», “Фонди шарикии глобалӣ дар соҳаи маориф” ва «Дастрасӣ ба маблағгузории сабз ва маблағҳои рушди деҳот» мавриди амал қарор доранд.     
Кишоварзон бо истифодаи самараноки замин дар  таъмини амнияти озуқавории аҳолии кишвар саҳми назаррас гузоштанд. Соли 2016 ҳаҷми истеҳсоли маҳсулоти соҳа  беш аз 530 миллион  сомониро ташкил дод, ки нисбат  ба соли гузашта  3 дарсад зиёд мебошад.  Тайи ду соли охир дар ноҳия 358 гектар боғу токзор бунёд гардид. Ҷиҳати нигоҳдории хуби меваю сабзавот дар ноҳия дар ҳаҷми 7770 метри мураббаъ яхдону сардхонаҳо барои захираи беш аз 2300 тонна маҳсулот бунёд ёфтанд.  
 Иштироки  беш аз 1500 толибилм дар олимпиадаҳои фаннӣ ва соҳиби медали тилло  гардидани  зиёда аз 40 хонанда дар озмунҳои минтақавию ҷумҳуриявӣ аз шароити мусоиди таҳсил шаҳодат медиҳад.
 Айни  замон дар ноҳия  45 коргоҳи дӯзандагӣ, 2 омӯзишгоҳи қолинбофӣ ва  филиали «Маркази таълими калонсолон»  амал мекунанд. Давоми  соли ҷорӣ қариб   ба 100  нафар, ки  хоҳиши  ташкили фаъолияти соҳибкорӣ доштанд, кумаки молиявӣ  расонда шуд.
Мақомоти иҷроияи маҳаллии ҳокимияти давлатии ноҳияи Рӯдакӣ дар доираи дастуру супоришҳои Асосгузори сулҳу ваҳдати миллӣ - Пешвои миллат,  Президенти Ҷумҳурии Тоҷикистон муҳтарам  Эмомалӣ Раҳмон баҳри ғанӣ сохтани буҷети давлат, афзоиши истеҳсоли маҳсулоти содиротӣ ва воридотивазкунанда, таъмини шаҳрвандон бо ҷойи кор, тарбияи насли наврас дар рӯҳияи ватанпарастию  хештаншиносӣ  ва дар умум ба як гӯшаи  ободу зебои мамлакат мубаддал сохтани ноҳия минбаъд саъю талоши бештар ба харҷ медиҳад. 
С. Ташрифулло, «Ҷумҳурият»


Баёни ақида (0)    Санаи нашр: 21.12.2016    №: 250-251    Мутолиа карданд: 1717

15.11.2018


Ҳамоиш бахшида ба Рӯзи Президент

Нурдинҷон Исмоилов ба Тоҷикистон меояд

Мулоқоти Зубайдулло Зубайдзода бо Амал Муҷрин ал - Ҳамад

Конференсияи гиромидошти Бобоҷон Ғафуров

Путин ва Абэ дар асоси қатъномаи соли 1956 гуфтушунид хоҳанд кард

Таҳлилгарони Nomura сустшавии суръати рушди иқтисоди ҷаҳониро пешгӯӣ намуданд

Frontex: ба Аврупо омадани гурезаҳо 31 дарсад коҳиш ёфт

Назарбоев соли 2019-ро Соли ҷавонон эълом дошт

Ҷаҳон дар як сатр

14.11.2018


Вусъати корҳои ободонӣ дар ноҳияи Восеъ

Ҷамъоварии $482 миллион ба ёрии мардуми Ироқ

Назарбоев ташкили Созмони амнияти дастаҷамъии Осиёро пешниҳод дорад

Ҷонибдории Ангела Меркел аз ташкили артиши ягонаи аврупоӣ

Дар Тошканд Ҳафтаи соҳибкории глобалӣ шурӯъ шуд

Ҷаҳон дар як сатр

ЧЕМПИОНАТИ ҶАҲОН – 2018. Иштироки се бонуи муштзани тоҷик

БОНКИ МИЛЛӢ. Иқдоми наҷиб

13.11.2018


Мулоқоти Сироҷиддин Муҳриддин ва Юе Бин

Баимзорасии ёддошти тафоҳум

Нақшаи чорабиниҳои амалӣ намудани корҳои ободонию бунёдкорӣ дар давраи солҳои 2019 – 2021 тасдиқ гардид

БӮСТОН. Таҷдиди шуъбаи урология

ВАҲДАТ. 5 иншооти ҷашнӣ ба истифода дода шуд

ЁВОН СИМОИ ТОЗА МЕГИРАД

НОҲИЯИ ШАМСИДДИНИ ШОҲИН. Кӯшишҳо самар медиҳанд

"Дар ин дунё Карим Девонае буд"

Ҳузури бераводиди тоҷикистониён дар Туркия 3 баробар дароз шуд

Аврупо дар бозёбии партовҳои уран дар Тоҷикистон саҳм мегирад

Москва аз ҷумлаи даҳ шаҳри беҳтарини дунёст

Гунаҳгорони ҳалокати 52 ӯзбекистонӣ зиндонӣ шуданд

Чин дар ҷаҳон калонтарин воридкунандаи газ

Ҷаҳон дар як сатр

ҚУБОДИЁН. 48 медали варзишгарон дар нуҳ моҳ

12.11.2018


Дар Париж ҳамоиши сулҳ ифтитоҳ ёфт

Бо эҳтимоми ҳукумати Ҳиндустон нархи сӯзишворӣ арзон мешавад


Дар сомонаҳои дигари Тоҷикистон хонед