logo

иқтисод

НОН БОШАД, СУРУД ҲАМ МЕШАВАД. ДАР БОРАИ ФАРОВОНИИ МАҲСУЛОТИ ҒИЗОӢ ДАР ВОДИИ РАШТ

Истеҳсол ва фурӯши маҳсулоти озуқа бо нархҳои дастрас аз ҷониби Агентии захираҳои моддии давлатии назди Ҳукумати ҷумҳурӣ дар шаҳру навоҳӣ самари  дастурҳои хирадмандонаи Пешвои миллат, Президенти кишвар муҳтарам Эмомалӣ Раҳмон аст,  ки солҳои охир  ба фаровонию арзонии маводи ғизоӣ мусоидат намуд. Дар фурӯшгоҳҳои  гӯшаю  канори кишвар орду равған, биринҷ,  макарон, шакар, нахӯд,  лӯбиёву анвои дигари маҳсулоти хӯрдании баландсифат ба савдо гузошта шудаанд.
Намояндагии Агентии захираҳои моддии давлатӣ дар водии   Рашт якҷо бо мақомоти иҷроияи маҳаллии ҳокимияти давлатӣ  дар шаҳраки Ғарм корхонаи истеҳсоли орд таъсис дода, давоми зиёда аз ду сол боз  аҳолии минтақаро  бо орди баландсифати ватанӣ таъмин менамояд. То таъсиси корхона воридоти орд аз минтақаҳои дурдаст мӯҷиби камчинӣ ва  гаронии нархи он мегашт. Сифати баъзе маҳсулот низ ба талабот ҷавобгӯ набуд.
Ба гуфтаи Тоҷиддин Хушбахтов, намояндаи Агентии захираҳои моддии давлатӣ дар водии Рашт, бо ғамхории Асосгузори сулҳу ваҳдати миллӣ – Пешвои миллат Эмомалӣ Раҳмон ҷиҳати таъмини фазои рақобати солим ва ба василаи он ғанӣ гардондани бозори истеъмолии кишвар дар ноҳияҳои минтақа мағозаҳои хуштарҳу замонавии фурӯши озуқаворӣ ташкил карда шудаанд. Дар ноҳияи Сангвор 4, Нуробод 3, Рашт қариб 10 , Тоҷикобод 3, Лахш 5 ва Ҷамоати деҳоти Сағирдашти ноҳияи Дарвоз 1 нуқтаи фурӯши маҳсулоти ниёзи аввалия фаъолият доранд. Арзиши маводи ғизоии мағозаҳои мазкур нисбат ба бозор 10 – 15 дарсад арзон буда, сифати он мувофиқи талабот мебошад. Сокинон ҳар рӯз аз нуқтаҳои фурӯши ташкилёфта ба ҳисоби миёна 15 тонна орд мехаранд.  Агентии захираҳои моддии давлатӣ дар навоҳии водии Рашт  баробари роҳандозии истеҳсолу фурӯши маҳсулоти ғизоӣ барои зимистонгузаронии муътадили  солҳои 2016 – 2017 - ум  3 ҳазор тонна гандум,  қариб 600  тонна орд, 300 тонна картошка ва сӯзишворию масолеҳи сохтмон захира намуд. Дар ояндаи наздик  барои хуб нигоҳ доштани меваю сабзавот сардхонаҳои замонавӣ низ ташкил меёбанд. Зери таваҷҷуҳи пайвастаи Сарвари давлат дар гӯшаю канори кишвар ба роҳ мондани истеҳсолу фурӯши маводи ғизоии баландсифат бо нархҳои дастрас яке аз самтҳои асосии фаъолияти масъулони соҳа мебошад. Афзоиш додани ҳаҷми маҳсулоти фурӯхташаванда ва зиёд намудани нуқтаҳои савдо аз ҳадафҳои асосии агентӣ буда, вобаста ба ин тадбирҳои зарурӣ андешида шудаанд.
Густариши фаъолияти бахшҳои агентӣ дар минтақаҳои кишвар баҳри афзун сохтани маҳсулоти аълосифату арзон дар таъмини амнияти озуқаворӣ ва фаровонии бозори истеъмолӣ нақши муҳим дорад. Вобаста ба ин, зарурати вусъати ҳамкории Агентии захираҳои моддии давлатӣ бо хоҷагиҳои деҳқонию чорводорӣ ҷиҳати дастрасии корхонаҳои фаръии истеҳсолӣ бо ашёи хом ба миён омадааст. Тавре Президенти мамлакат зимни Паём ба Маҷлиси Олӣ (20 январи соли 2016) изҳор доштанд:
«Мо шароити бисёр мусоиди табиӣ ва захираву имкониятҳои зарурие дорем, ки дар сурати истифодаи пурра ва самараноки онҳо метавонем аҳолии кишварро бо маҳсулоти ғизоӣ таъмин кунем, яъне масъалаи амнияти озуқаворӣ – яке аз ҳадафҳои миллиамонро ҳал намоем».
Ташрифулло САЪДУЛЛОЕВ,  «Ҷумҳурият»


Баёни ақида (0)    Санаи нашр: 21.12.2016    №: 250-251    Мутолиа карданд: 1755

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад

МТС. Ҳамкориҳо бо Ӯзбекистон густариш меёбанд

ВМКБ. Гумрукчиён ба буҷет 16,9 миллион сомонӣ ворид карданд

ҲИСОР. Саҳми назарраси соҳибкорон дар ободонии шаҳр

НОҲИЯИ РӮДАКӢ. Ҳаҷми истеҳсоли маҳсулот ба 1 миллиард сомонӣ расид

ВАРЗОБ. Таваҷҷуҳи сайёҳон ба нуқтаҳои истироҳатӣ афзудааст

08.02.2019


Вазорати меҳнат, муҳоҷират ва шуғли аҳолӣ. Музди миёнаи меҳнат - 1220 сомонӣ

КУМИТАИ ТЕЛЕВИЗИОН ВА РАДИО. Сифати кори шабакаҳо беҳтар мешавад

КҲФМГ. Офатҳои табиат 34 миллион самонӣ хисорот овард

Саноатикунонӣ дар Шаҳринав

Меъёри бозтамвил ба 14 дарсад поён фаромад

ШАҲРИ ВАҲДАТ. Иҷрои барзиёди андози иҷтимоӣ

ТАНЗИМ. Қонуншиканӣ коҳиш ёфтааст

СОҲИЛ. Корҳои мустаҳкамсозӣ вусъат меёбанд

ДДСТДТ. Авлавият ба рушди ҳунарҳои мардумӣ


Дар сомонаҳои дигари Тоҷикистон хонед