logo

фарҳанг

ТАРИҚ ИҚБОЛ СУМРО: «ТОҶИКОН ИҚБОЛРО ҲАМЧУН ШОИРИ ХУД ДӮСТ МЕДОРАНД»

Муҳаммад Иқбол яке аз дилбохтагон ва ошиқони забони тоҷикии форсист. Саид Муҳаммади Акрам-Акрамшоҳ  дар моҳномаи «Ошно» гуфтугӯи яке аз донишмандони урдуро бо Алломаи Иқбол чунин меорад:

- Ашъори Шумо барои мо зиндагибахш ва озодибахш аст, шумо роҳнамои мо ҳастед, мо форсӣ намедонем, шумо ба урду (забони модарии Иқбол) шеър бигӯед. Иқбол ба забони англисӣ чунин посух медиҳад: «Ин ашъор ба ман ба забони форсӣ илҳом мешавад, забони рӯҳияи ман форсӣ аст». Ё дар ҷои дигар ин байти машҳури Иқбол замзама мешавад:
Гарчи ҳиндӣ дар узуббат шаккар аст,
Тарзи гуфтори дарӣ ширинтар аст.

Ин аст, ки қисмати бузурги осори Муҳаммад Иқбол бо забони тоҷикӣ эҷод шуда, бавижа ашъораш барои мардуми Покистон ва Тоҷикистон муштарак аст. Ба ин хотир, Сафорати Ҷумҳурии Исломии Покистон дар Тоҷикистон дар ҳамкорӣ бо донишмандону пажӯҳишгарони тоҷик маҷмӯаи мақолаҳоеро таҳти унвони «Иқболшиносӣ» рӯи чоп оварданд, ки мураттиб ва муҳаррири масъулаш адабиётшинос Алии Муҳаммадии Хуросонист. Маҷмӯа бо чунин суханони Сафири фавқулода ва мухтори Ҷумҳурии Исломии Покистон дар Тоҷикистон Тариқ Иқбол Сумро оғоз меёбад: «Дар ин кишвари шукуфону осоишта – Тоҷикистон, ки инҷониб ба ҳайси сафир фаъолият дорам, Муҳаммад Иқболро ҳамчун шоири худ дӯст медоранд, ашъорашро меписанданд, осорашро пайваста чоп менамоянд ва роҷеъ ба рӯзгору осори ӯ тадқиқотҳои зиёде доранд».
Фаротар равем, хоҳем дарёфт, ки ашъори баландпояи Иқбол дарду доғи кулли мардуми ранҷбари Шарқро тараннум мекунад. Шеърҳояш касро ба озодандешиву озодихоҳӣ, худшиносӣ ва ваҳдату ягонагӣ мехонанд:
Шоир ҳушдор медиҳад, ки Ватан ва сарзамини аҷдодии худро бо қувваву неруи зеҳнии худӣ обод намо, ба умеди дигарон машав, аз хӯю хислати ғуломиву бардагӣ озод бош:
Ай хуш он қавме, ки ҷони ӯ тапид,
Аз гили худ хешро боз офарид.
Аршиёнро субҳи ид он соате,
Чун шавад бедор чашми миллате.

Академик Кароматулло Олимов мегӯяд: «Роҳи озодии Шарқро Иқбол дар муттаҳидӣ мебинад, зеро қавмҳои ин сарзамин аз паркандагӣ ва шероза надоштан ба нокомӣ маҳкум шудаанд. Бинобар ин, Иқбол ба мардуми ин сарзамин нерую қувват хоста, манбаи ин неруро дар ваҳдат мебинад:
Ақли Ҳақро зиндагӣ аз қувват аст,
Қуввати ҳар миллат аз ҷамъият аст».

Бино ба гуфтаи мураттиби маҷмӯа Алии Муҳаммадии Хуросонӣ, Аллома Иқболи Лоҳурӣ меъмор ва суханвари миллии Покистон ва ифтихору рамзи маънавии дӯстии халқҳои Тоҷикистону Покистон аст. Аз ин сабаб, китоби тозаи «Иқболшиносӣ» дар заминаи нашрҳои арзишманди «Куллиёти форсӣ» ва осори дигари ба забони модарияш – урду эҷодкардаи суханвар рӯи кор омадааст.
Ёдовар бояд шавем, ки ҳоло дар Душанбе Маркази омӯзишии Покистон дар Донишгоҳи миллӣ ва Ҷамъияти дӯстии Тоҷикистону Покистон таҳти роҳбарии Кароматулло Олимов дар рушди муносибатҳои гуногун, бавижа робитаҳои фарҳангӣ саҳми арзанда мегузоранд.
Бузургмеҳри БАҲОДУР, «Ҷумҳурият»


Баёни ақида (0)    Санаи нашр: 21.12.2016    №: 250-251    Мутолиа карданд: 2154

19.09.2018


ТОҶИКИСТОН ВА ӮЗБЕКИСТОН. Аввалин тамринҳои муштараки низомӣ

Таъсиси 57 корхонаи нав

Намоиши дастовардҳо ба муносибати Рӯзи шаҳри Хуҷанд

Зуҳро Саидова – соҳиби шоҳҷоиза

Таҳаммул аз амалҳои террористӣ норавост

Баргузории ҳамоиши маъмурони роҳи оҳани кишварҳои СҲШ дар Ӯзбекистон

Дар Ироқ 27 ҳазор нафар аз об заҳролуд гашт

Тӯли 40 соли ислоҳот дар Чин ҷои кор 346 дарсад афзуд

Остона ҳамоиши ҳаштуми глобалии туризми шаҳриро пазироӣ мекунад

Ҷаҳон дар як сатр

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД

МАРЗ. Боздошти қочоқбарон

КӮЛОБ. ИФТИТОҲИ БОҒЧАИ НАВ

05.09.2018


БӮСТОН. Бунёди чор иншооти нав

ФУТБОЛ. Дар Тоҷикистон мусобиқаҳои байналмилалӣ доир мегарданд

Ориф Алвӣ 13-умин президенти Покистон интихоб гашт

Дар Арабистони Саудӣ барои маводи тахрибӣ дар интернет зиндонӣ мекунанд

Дар Гуҷарат сохтмони баландтарин ҳайкали дунё анҷом меёбад

Ҳиндустон барномаи нави кайҳониро амалӣ месозад

04.09.2018


Боздиди Сарвазири мамлакат аз иншооти гармидиҳии шаҳри Душанбе


Дар сомонаҳои дигари Тоҷикистон хонед