logo

иқтисод

АМНИЯТИ ОЗУҚАВОРӢ. ДАР ТАЪМИНИ ОН КИШОВАРЗОН САҲМИ БЕШТАР ДОРАНД

Яке аз се ҳадафи стратегии кишварро Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ  Раҳмон таъмини амнияти озуқаворӣ номидаанд. Рушди соҳаи агросаноатӣ, яъне таъмини пурраи аҳолӣ бо маҳсулоти рустанӣ ва чорво мебошад, ки дар ин самт тадбирҳои муҳим роҳандозӣ гашта истодааст.
Ин вазифаи фахрӣ ба зиммаи барзгарону чорводорон вогузор шудааст, ки мебояд аз дастовардҳои навтарини илму техника, тухмиҳо, навъҳо ва зотҳо пурмаҳсул истифода баранд.
Мафҳуми амнияти озуқаворӣ аз истеъмоли даҳ анвои асосии хӯрокворӣ иборат буда, солимии инсон ва таъмини корхонаҳои саноатии коркарди маҳсулоти кишоварзӣ ба он тавъам аст.
Агар деҳқонон ғалладона, сабзавоту полизиҳо, картошка, меваю ангур ва равғани рустанӣ истеҳсол намоянд, кормандони бахши чорводорӣ аҳолиро бо гӯшт ва маҳсулоти гӯштӣ, шир ва маҳсулоти он, тухм, асал ва моҳӣ таъмин менамоянд.
Дар баровардани ниёзи мардум саҳми кишоварзон бештар аст. Зеро маҳсулоти истеҳсолкардаи онҳо баробари ҳаштод дарсади таъминоти солонаи аҳолии мамлакат мебошад. Дар сурати боз ҳам беҳтару самараноктар истифода бурдани обу замин, тухмиҳо, техника ва дигар воситаҳо кишоварзон аз уҳдаи таъминоти аҳолӣ бо маводи хӯрокворӣ баромада, ҷойҳои нави корӣ таъсис медиҳанд.
Омили тақвиятдиҳандаи рушди чорводорӣ беҳтар кардани зот, мустаҳкам намудани базаи хӯрок, бордорсозии сунъӣ, ташкили хоҷагиҳои зотпарварӣ, таъмини соҳа бо мутахассисони варзида ва дигарҳо мебошад. Аллакай дар ҳар минтақаи кишвар хоҷагиҳои махсуси чорвопарварие фаъолият доранд, ки бо ҳайвоноти хушзоти сермаҳсул таъмин буда, тавассути дар асоси қоидаҳои баланди зооветеринарӣ нигоҳубин кардан маҳсулнокии баланд доранд. Маҳз чунин корхонаҳои истеҳсоли гӯшту шир боиси фаровон гаштани маҳсулоти чорво гаштааст, ки онро дар бозору муассисаҳои савдо мебинем.
Дар таъмини амнияти озуқаворӣ саҳми хоҷагиҳои деҳқонӣ (фермерӣ) ва инфиродӣ назаррас мебошад. Чунончи, аз 5 миллиону 440 ҳазор сар гӯсфанду буз зиёда аз 4 миллион сар ва аз 2 миллиону 220 ҳазор сар чорвои калон 1 миллион сараш дар хоҷагиҳои фермерию инфиродӣ  парвариш карда мешаванд.
Дар соҳаи чорводории ҷумҳурӣ парвариши гӯсфанду буз мавқеи калон дорад. Аз зоти ҳисории номдор, ки калонҷуссатарин гӯсфанди дунё маҳсуб мешавад, то зотҳои қароқулӣ, тоҷикӣ, дарвозии маҳинпашм ва ҷойдорӣ дар минтақаҳои мутобиқшудаашон нигоҳубин карда мешаванд.
Тавре дар боло зикр гардид, бордорсозии сунъӣ яке аз омилҳои пешрафти соҳа мебошад. Ҳоло тавассути бунгоҳҳои бордорсозии сунъии Хадамоти байтории ҷумҳурӣ ҳар сол зиёда аз 50 дарсади чорвои ҷамъиятӣ ва шахсӣ бордор карда мешавад. Ин омил боиси афзоиши маҳсулнокӣ ва беҳ гардидани зоти чорвои калон ва моли майда гаштааст.
Таҷрибаи андӯхтаи субъектҳои зотпарвари хоҷагиҳои гӯсфандпарварии “Қубодиён” -и ноҳияи Қубодиён, ба номи Гагарини ноҳияи Шаҳритуз, “Данғара” - и ноҳияи Данғара, “Ҳисор” – и ноҳияи Фархор, “Тебалай”- и ноҳияи Муъминобод ва парваришкунандаи чорвои калон, амсоли “Баракати Ёвон”- и ноҳияи Ёвон, ба номи Латиф Муродови ноҳияи Ҳисор шаҳодати гуфтаҳои болоянд. Дар хоҷагиҳои пешқадами ҷумҳурӣ аз як сар меши бо роҳи сунъӣ бордорсохта аз 2,5 то 5 килограмм пашм ва аз як гови дӯшо аз 4,8 то 5 ҳазор литр шир медӯшанд.
Аз ин ҷиҳат, олимону мутахассисони соҳаи чорводориро лозим аст, ки барои пурра фаро гирифтани чорвои ҳама шаклҳои хоҷагидорӣ ба бордорсозии сунъӣ тадбирҳо ҷӯянд ва ҷиҳати расидан ба амнияти озуқавории мамлакат саҳм гиранд. Барои ин дар ҷумҳурии мо шароиту имконият, таҷрибаю маҳорат, захираҳо ва мутахассисон мерасанд. Фақат онҳоро дастгирӣ карда, шароит муҳайё намудан ба манфиати кор аст.
Мирзои ФИРӮЗ, «Ҷумҳурият»


Баёни ақида (0)    Санаи нашр: 21.12.2016    №: 250-251    Мутолиа карданд: 1838

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад

МТС. Ҳамкориҳо бо Ӯзбекистон густариш меёбанд

ВМКБ. Гумрукчиён ба буҷет 16,9 миллион сомонӣ ворид карданд

ҲИСОР. Саҳми назарраси соҳибкорон дар ободонии шаҳр

НОҲИЯИ РӮДАКӢ. Ҳаҷми истеҳсоли маҳсулот ба 1 миллиард сомонӣ расид

ВАРЗОБ. Таваҷҷуҳи сайёҳон ба нуқтаҳои истироҳатӣ афзудааст

08.02.2019


Вазорати меҳнат, муҳоҷират ва шуғли аҳолӣ. Музди миёнаи меҳнат - 1220 сомонӣ

КУМИТАИ ТЕЛЕВИЗИОН ВА РАДИО. Сифати кори шабакаҳо беҳтар мешавад

КҲФМГ. Офатҳои табиат 34 миллион самонӣ хисорот овард

Саноатикунонӣ дар Шаҳринав

Меъёри бозтамвил ба 14 дарсад поён фаромад

ШАҲРИ ВАҲДАТ. Иҷрои барзиёди андози иҷтимоӣ

ТАНЗИМ. Қонуншиканӣ коҳиш ёфтааст

СОҲИЛ. Корҳои мустаҳкамсозӣ вусъат меёбанд

ДДСТДТ. Авлавият ба рушди ҳунарҳои мардумӣ


Дар сомонаҳои дигари Тоҷикистон хонед