logo

порлумон

ҚОЧОҚ. АЗ ҶАЗОИ МАЪМУРӢ ТО ҶАВОБГАРИИ ҶИНОЯТӢ

Прокуратураи генералии  Ҷумҳурии Тоҷикистон якҷо бо мақомоти ҳифзи ҳуқуқи кишвар аз 14 апрели соли равон гурӯҳи кории муштарак вобаста ба назорати иҷрои қонунгузории гумрук созмон дода, ба вилояти Суғд сафарбар намуд.  Дар натиҷаи фаъолияти гурӯҳ танҳо дар 20 рӯзи корӣ 102 ҳолати қочоқи молу маҳсулоти ниёзи мардум ба маблағи 1920 ҳазор сомонӣ ошкор гардида, нисбат ба 71 нафар парвандаҳои ҳуқуқвайронкунии маъмурӣ оғоз ва барои дида баромадан ба судҳо ирсол шуд.
Ин нукта аз ҷониби Назарзода Ҳотам, муовини аввали Прокурори генералии Ҷумҳурии Тоҷикистон, зимни баррасии лоиҳаи Қонуни Ҷумҳурии Тоҷикистон «Дар бораи ворид намудани тағйирот ба Кодекси ҷиноятии Ҷумҳурии Тоҷикистон»  ироа гардид. Назар ба гуфтаи ӯ, агар ба иҷро нашудани пардохтҳои гумрукӣ аз як тараф таъсири буҳрони шадиди молиявию  иқтисодии ҷаҳонӣ, кам шудани  содироти молу маҳсулот ба ҷумҳурӣ сабаб  шуда бошад, аз ҷониби дигар бениҳоят зиёд будани қочоқи молу маҳсулот мусоидат намудааст.  Санҷишҳои прокурорӣ нишон медиҳанд, ки арзиши молу маҳсулоти аксари шахсони барои қочоқ дастгиршуда то 200 ҳазор сомониро ташкил намуда, бар замми ин, онҳо якчанд маротиба  барои ин амалашон ба ҷавобгарии маъмурӣ кашида шудаанд. Кодекси ҷиноятии Ҷумҳурии  Тоҷикистон барои такроран содир намудани чунин қонунвайронкунӣ, баъди ба ҷавобгарии маъмурӣ кашидан, ҷавобгарии ҷиноятиро пешбинӣ накардааст.
Ин ҳолат мақомоти прокуратураро водор намуд, ки ба моддаи 289 Кодекси ҷиноятии Ҷумҳурии Тоҷикистон тағйиру иловаҳо пешниҳод намояд. Бо ворид намудани тағйиру иловаҳо ҷавобгарии ҷиноятӣ барои қочоқи молу маҳсулот, агар дар давоми сол баъд аз додани ҷазои маъмурӣ содир шуда бошад, ҷорӣ мегардад. Меъёри ҷаримаи арзиши молу маҳсулоти ба таври қочоқ ба миқдори калон воридшуда аз 5 ҳазор нишондиҳанда барои ҳисобҳо то 2500  нишондиҳанда барои ҳисобҳо кам карда мешавад, ки бешубҳа ба пешгирии қочоқ мусоидат менамояд.
 Шукурҷон Зуҳуров, Раиси Маҷлиси намояндагони Маҷлиси Олӣ, иброз дошт, ки мувофиқи тағйироти воридгардида ҷазоҳо хеле пурзӯр мешаванд. Масалан, шахсоне, ки муташаккилона ба қочоқ машғул мешаванд, аз 15 то 20 сол аз озодӣ маҳрум мегарданд. Зикр гардид, ки лоиҳаи қонуни мазкур  ба пешгирии қочоқи молу маҳсулот тавассути сарҳади давлатӣ, таҳкими рақобати солим дар бозори дохилӣ, баланд бардоштани иқтидори истеҳсоли ватанӣ, мувофиқ намудани меъёрҳои қонунгузории ҷиноятӣ ба кирдорҳои шахсони бо қочоқи молу маҳсулот машғулбуда, инчунин зиёд намудани воридоти маблағҳо ба буҷет мусоидат хоҳад кард.
Мунаввари САФАР, «Ҷумҳурият»


Баёни ақида (0)    Санаи нашр: 21.12.2016    №: 250-251    Мутолиа карданд: 7159

19.09.2018


ТОҶИКИСТОН ВА ӮЗБЕКИСТОН. Аввалин тамринҳои муштараки низомӣ

Таъсиси 57 корхонаи нав

Намоиши дастовардҳо ба муносибати Рӯзи шаҳри Хуҷанд

Зуҳро Саидова – соҳиби шоҳҷоиза

Таҳаммул аз амалҳои террористӣ норавост

Баргузории ҳамоиши маъмурони роҳи оҳани кишварҳои СҲШ дар Ӯзбекистон

Дар Ироқ 27 ҳазор нафар аз об заҳролуд гашт

Тӯли 40 соли ислоҳот дар Чин ҷои кор 346 дарсад афзуд

Остона ҳамоиши ҳаштуми глобалии туризми шаҳриро пазироӣ мекунад

Ҷаҳон дар як сатр

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД

МАРЗ. Боздошти қочоқбарон

КӮЛОБ. ИФТИТОҲИ БОҒЧАИ НАВ

05.09.2018


БӮСТОН. Бунёди чор иншооти нав

ФУТБОЛ. Дар Тоҷикистон мусобиқаҳои байналмилалӣ доир мегарданд

Ориф Алвӣ 13-умин президенти Покистон интихоб гашт

Дар Арабистони Саудӣ барои маводи тахрибӣ дар интернет зиндонӣ мекунанд

Дар Гуҷарат сохтмони баландтарин ҳайкали дунё анҷом меёбад

Ҳиндустон барномаи нави кайҳониро амалӣ месозад

04.09.2018


Боздиди Сарвазири мамлакат аз иншооти гармидиҳии шаҳри Душанбе


Дар сомонаҳои дигари Тоҷикистон хонед