logo

иҷтимоиёт

СИПОСНОМА

Дар ин айёми сароғози фасли зимистон саросари водиҳои Вилояти Мухтори Кӯҳистони Бадахшон аз қисмати ғарбии Боми Ҷаҳони - водии Вахё сар карда, то дуриҳои музофоти Ванҷи Боло, Бартанг, Ғунду Шоҳдара ва Вахон, инчунин чорсӯи Помири Шарқӣ ҳама ҷо дар ҳукми сармо мебошанд. Баъди солиёни тӯлонӣ аввалин маротиба дар даҳрӯзаи охирини моҳи ноябр дар ҳамаи минтақаҳои вилоят барфи зиёд борид.
Аҳли заҳмати ноҳияи Дарвоз дастуру ҳидоятҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро дар рушди самтҳои афзалиятнок - кишоварзӣ, чорводорӣ ва занбӯриасалпарварӣ, ки зимни сафарҳои кориашон ба  шаҳру навоҳии  вилоят, аз  ҷумла водии Вахё,   баён карда буданд, бо сарбаландӣ ба ҷо оварда истодаанд.   
Тибқи иттилои раиси деҳоти Сағирдашт Бегиҷон Алиев,  баъди сафарҳои кории анҷомдодаи Пешвои миллат Эмомалӣ Раҳмон  ба деҳоти мазкур дар ин минтақаи  баландкӯҳ 24 муассисаи нави хизматрасонӣ сохта,  ба кор дароварда шуда, ба ҷои  иншоот ва хонаҳои истиқоматии гилини бадсифати дар ҳолати садамавӣ қарордоштаи солҳои панҷоҳуму шастуми асри гузашта манзилҳои нави зисти бисёрошёнаи ҷавобгӯи талаботи меъморӣ ва шаҳрсозии ҳозиразамон  сохта  шудаанд.
Боиси сарфарозии ҷавонони ин минтақаи баландкӯҳ  мебошад, ки бо иштироки Пешвои миллат дар маркази деҳот  варзишгоҳ барои 400 ҷои нишаст сохта, мавриди истифода қарор гирифт, ки баландкӯҳтарин иншооти варзишӣ дар Осиёи Марказӣ ба шумор меравад.      
Мутобиқи дастуру супоришҳои Президенти мамлакат Вазорати нақлиёти ҷумҳурӣ ду муассисаи давлатии нигаҳдории роҳҳои автомобилгарди ноҳияи Дарвозро бо техникаи роҳсозӣ таъмин кард. Дар деҳаи Сағирдашт  корхонаи дӯзандагӣ барои 50 нафар духтарони маҳаллӣ мавриди истифода қарор гирифт.    
Яке аз куҳансолтарин сокини деҳоти Сағирдашт Ҳукум Муҳаббатов, ки солҳои зиёде дар мансабҳои гуногун адои вазифа карда, баҳри ободии ин диёр саҳми муносиб гузоштаанд, бо ифтихор  гуфт, ки ба хотири ободии кӯҳистон, торафт беҳбудӣ ёфтани дараҷаи зисту зиндагонии сокинони он  дар даврони истиқлолият корҳои зиёде ба ҷо оварда шуданд. Аз ин хотир, хурду калони  водии  Вахё ба Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон  аз дилу ҷон изҳори сипос менамоянд.
Аз фаромадани сел дар деҳаи Барсеми водии Ғунди ноҳияи Шуғнон  вақти зиёд нагузаштааст. Аҳли ин деҳа соатҳои дидорро бо Пешвои миллат, ки зимни сафари кориашон ба ин минтақа калидҳои манзилҳои  нави истиқоматиро тақдимашон намуда буданд, ёд меоранд. Онҳо ҳоло дар деҳаи Раҳмонобод, ки беҳтарин шароити зист барояшон муҳайё гаштааст, зиндагонӣ мекунанд. Дар шафати ин деҳа корхонаи  истеҳсоли орд бунёд гаштааст ва рустонишинон дигар ба бозорҳои шаҳри Хоруғ намераванд.Сокинони деҳоти Басид, Савноб, Рошорв, Ғӯдара ва Пасори домони кӯли Сарез низ дар ин айёми фарорасии соли нави 2017 дар хонаҳои навбунёди  нисбат ба   манзилҳои куҳнаи фарсудаашон даҳҳо маротиба беҳтар ба сар мебаранд. Ҳамагон шукронаи ғамхориҳои Пешвои миллат, шукронаи даврони соҳибистиқлолии мамлакат ва ваҳдати миллиро мекунанд.
Сироншоҳи ДИЛОВАР, «Ҷумҳурият».


Баёни ақида (0)    Санаи нашр: 21.12.2016    №: 250-251    Мутолиа карданд: 2957

18.01.2019


Таҳдидҳои асосӣ ба иқтисоди ҷаҳонӣ номбар шуданд

Гумонбари омодасозии ҳамла ба Қасри сафед ба даст афтод

Дар Чин қаллобонро барои фиреб ҳабси абад карданд

29 миллион сом зарари собиқадорони сохта

Ҷаҳон дар як сатр

17.01.2019


Тамдиди шартномаи ФФТ бо "Сомон Эйр"

60 ДАРАҶА ХУНУКӢ ВА ДАВИ 50 - КИЛОМЕТРАИ ЭКСТРЕМАЛИ МОЛДАВӢ

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар

РӮШОН. Ифтитоҳи маркази дуошёнаи савдо

Муҳаммад Салоҳ – беҳтарин футболбози Африқо

ҶАҲОН ДАР ЯК САТР

Самарқанд мизбони нахустмулоқоти «Ҳиндустон – Осиёи Марказӣ»

Баргардондани 47 шаҳрванди Қазоқистон аз Сурия

Остона ба гузарондани Ҳамоиши ҷаҳонии туризми шаҳрӣ омодагӣ мегирад

Дар Беларус бори нахуст ҳукми қатл содир шуд

09.01.2019


Таҷлили 110 - солагии аллома Бобоҷон Ғафуров


Дар сомонаҳои дигари Тоҷикистон хонед