logo

иқтисод

ПАЁМ. СОҲИБКОРӢ СОҲИБНОМӢ НИЗ ҲАСТ

Паёми Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии мамлакат, аз 20 январи соли 2016, барҳақ ҳуҷҷати раҳнамунсоз, дастури рӯимизӣ ва ҳидоятгари нек дар фаъолияти ҳаррӯзаи ҳар як фарди соҳибдилу некбин, худогоҳу дурандеш маҳсуб меёбад. 
  
Латиф Шоҳзодаев, сардори Раёсати рушди иқтисод ва савдои Вилояти Мухтори Кӯҳистони Бадахшон, зикр намуд, ки дар Паёми Сарвари давлат нақшаҳои дурнамо ва вазифаҳои афзалиятноки сол барои ҳамаи соҳаҳои хоҷагии халқи мамлакат возеҳу равшан баён шудаанд. Сафари кории Пешвои миллат муҳтарам Эмомалӣ Раҳмон ба вилоят, баргузории ҷашни ҷумҳуриявии Ваҳдати миллӣ дар шаҳри Хоруғ ба раванди рушди иҷтимоию иқтисодии вилоят такони ҷиддӣ бахшиданд. Дар ин давра маҷмӯи маҳсулоти минтақавӣ дар вилоят ба 771 миллион сомонӣ расид, ки нисбат ба соли сипаригардида 7 дарсад зиёд мебошад. Иҷрои нақшаи қисми даромади буҷети вилоят дар соли равон ба андозаи 108,7 дарсад (нақша 124255661 сомонӣ, иҷро 135016877 сомонӣ) таъмин гардид.
Тавре дар Паёми Президенти мамлакат омадааст, фароҳам овардани шароити мусоид барои фаъолияти соҳибкорӣ яке аз вазифаҳои афзалиятноки Ҳукумат ба ҳисоб меравад. Аз ин рӯ, мақомоти иҷроияи ҳокимияти давлатии вилоят ба ин масъала таваҷҷуҳи махсус зоҳир менамояд. Масалан, соли равон шумораи онҳое, ки ба соҳибкорӣ машғуланд, ба 2858 нафар расида, онҳо дар давоми сол ба буҷети вилоят 4,254 миллион сомонӣ ворид намуданд. Дар ин давра аз ҳисоби 237 кироякор ба буҷет 205 ҳазор сомонӣ дохил шуд, ки нисбат ба соли гузашта зиёд мебошад. Пешрафти иқтисодиёт, пеш аз ҳама, ба ҳаҷми сармоягузорӣ вобаста аст. Соли равон аз ҷониби Муассисаи давлатии «Фонди дастгирии соҳибкорӣ» - и назди Ҳукумати Ҷумҳурии Тоҷикистон 5 лоиҳаи самти истеҳсолии вилоят ба маблағи қариб 2 миллион сомонӣ маблағгузорӣ гардид, ки нисбат ба соли гузашта 549 ҳазор сомонӣ зиёд аст.
Барои рушди устувори соҳаи саноат дар вилоят тадбирҳои муассир андешида шуданд. Дар соли равон ҳаҷми истеҳсоли маҳсулоти корхонаву коргоҳҳои саноатӣ 110354,5 ҳазор сомониро ташкил дод, ки дар муқоиса ба соли гузашта 23559 ҳазор сомонӣ ё худ 30 дарсад зиёд мебошад. Дар ин давра дар вилоят 23 иншоот, аз ҷумла коргоҳҳои истеҳсоли маҳсулоти консервӣ, блоки пенополестрол, блоки сементӣ, мебелтайёркунӣ, ресандагӣ, корхонаҳои дӯзандагӣ, коркарди мармар, меваи хушк, истеҳсоли маҳсулоти қаннодӣ, дару тирезаи пластикӣ мавриди истифода қарор гирифтанд. То охири сол боз 3 корхонаи дигар бо таъсиси 30 ҷойи нави корӣ ба истифода дода мешавад.
Бо иштироки Сарвари муаззами кишвар моҳи июни соли равон як қатор иншооти муҳими иҷтимоӣ - иқтисодӣ мавриди баҳрабардорӣ қарор гирифтанд. Толори варзиш дар маҳаллаи Тем, бинои маъмурии Ассотсиатсияи экофарҳангии сайёҳӣ ва рушди соҳибкории вилоят, хати обгузари Боғевдара - Хоруғ, Парчами давлатии Тоҷикистон дар маркази шаҳри Хоруғ, мактаби замонавӣ барои 464 хонанда дар ноҳияи Шуғнон, биноҳои маъмурии МИМҲД - и ноҳияҳои Рӯшон ва Ишкошим, бинои нави нозироти андоз дар ноҳияи Рӯшон (ҳамагӣ 90 иншоот бо харҷи беш аз 220 миллион сомонӣ) аз ин ҷумла мебошанд. Дар давоми сол ҳаҷми умумии маблағгузории асосӣ аз ҳисоби ҳамаи сарчашмаҳо ба 281,5 миллион сомонӣ расид, ки нисбат ба соли гузашта 30 дарсад ё 64 миллион сомонӣ зиёд мебошад. Ҳамаи дастовардҳое, ки дар соҳаҳои гуногуни хоҷагии халқи вилоят ба даст овардем, маҳз аз Паёми Президенти мамлакат ба Маҷлиси Олӣ сарчашма гирифтаанд.
Раҳмони ГУЛЗОР, “Ҷумҳурият”


Баёни ақида (0)    Санаи нашр: 21.12.2016    №: 250-251    Мутолиа карданд: 1976

22.02.2019


Ҷаласаи Комиссияи сетарафаи танзими муносибатҳои иҷтимоию меҳнатӣ

Забони тоҷикӣ таърихи зиёда аз чорҳазорсолаи хату алифбо дорад

ББТ барои фаъолияти оператори низоми пардохтии “Осон” иҷозатнома гирифт

МАВСИМИ НАВИ ЛИГАИ ОЛӢ МОҲИ АПРЕЛ ОҒОЗ МЕГАРДАД

Путин самтҳои асосии сиёсати хориҷии Россияро тавзеҳ дод

Хадамоти вижаи 7 кишвари ИДМ машқи "Арарат-Антитеррор" мегузаронанд

Чин дар кайҳон неругоҳи барқи офтобӣ месозад

21.02.2019


ХУҶАНД. Оғози сохтмони бинои нави «Тоҷикстандарт»

ФУТБОЛ. Тақвими бозиҳои тими мунтахаби олимпии кишвар муайян гардид

Табибон аз Тотористон бо ҳампешаҳои тоҷики худ мубодилаи таҷриба мекунанд

Роҳандозии лоиҳаҳои инноватсионӣ дар Қазоқистон

Дар Ҳиндустон 13 иштирокдори тӯй зери чархи мошини боркаш монд

Сӯхтор сабабгори марги ҳафт кӯдак дар Канада

Ҷаҳон дар як сатр

19.02.2019


МАКТАБИ ДАВЛАТДОРИИ ЭМОМАЛӢ РАҲМОН. ЯК ҲАМОИШИ МУҲИМ

Баррасии масъалаҳои рушди сайёҳӣ

Вохӯрии Низомиддин Зоҳидӣ бо Мазен Шамия

Дурнамои рушди муносибатҳо матраҳ гардид

ҶОМИ КУШОДАИ АВРУПО. Муҳаммадризо Қувватов медали биринҷӣ ба даст овард

Авҷи ниҳолшинонӣ

Саҳми соҳибкорон дар ободии деҳот

Ҳамкории тиҷоратию иқтисодии Чин ва Россия густурдатар мегардад

Сарвар Дониш: «Музокироти сулҳ бидуни ҳукумат қурбе надорад»

«Туҳфаи шоҳона» - и Арабистони Саудӣ ба шаҳрвандони Покистон

Дар Қазоқистон маркази амнияти иттилоотӣ ифтитоҳ меёбад

Сокини навраси Шимкент ду нафарро аз сӯхтор наҷот дод

Ҷаҳон дар як сатр

18.02.2019


Боздиди Азим Иброҳим аз ҷараёни корҳои сохтмонӣ

ВКД Ҷиноятҳо 83,6 дарсад ошкор шуданд

Вазорати молия. Барои дастгирии буҷет маблағи бештар ҷалб хоҳад гашт

«BISHKEK OPEN – 2019». Дурахши каратэ-дочиёни навраси тоҷик

«МОҲИЯТ ВА ТАЪЙИНОТИ МАТБУОТИ МАҲАЛЛӢ»

РОҒУН. Ободонӣ вусъат меёбад

АНДОЗ. Нақша 100, 6 дарсад иҷро гардид


Дар сомонаҳои дигари Тоҷикистон хонед