logo

сиёсат

ЭМОМАЛӢ РАҲМОН ВА НАҚШИ Ӯ ДАР ГИРОМИДОШТИ АРЗИШҲОИ МИЛЛИВУ ДИНӢ

Таъкид намудан бамаврид аст, ки пазируфтани фарзанди фарзонаи миллат Эмомалӣ Раҳмон ҳамчун Асосгузори сулҳу ваҳдати миллӣ - Пешвои миллат ва Рӯзи Президент яке  аз  дастовардҳои муҳими даврони соҳибистиқлолии Ватани азизамон маҳсуб меёбад. Тамоми халқи шарифи Тоҷикистон шоҳид ва иштирокчии бевоситаи раванди босуръати ҳаёти сиёсӣ, иқтисодӣ, иҷтимоӣ ва фарҳангии ҷомеа буда, роҳи пурпечутобу сангин ва гомҳои устувору қавии Сарвари Тоҷикистонро барои таҳкими ваҳдати миллӣ, беҳдошти зисту зиндагонии мардум ба чашми дилу сар дида, аз ҷавонмарди далеру шуҷоъ ва ҷоннисори Ватан то абармарди арсаи сиёсати ҷаҳон эътироф гардидани Пешвои муаззами худро бо қаноатмандии беандоза ва ифтихору шукргузориҳо қабул намуданд.
Роҳбару раҳнамои миллати тамаддунофари тоҷик аз рӯзҳои аввали ба сари қудрат омадан, дар баробари ғамхориҳои пайвастаю  беш аз пеш,  ба ҳамаи соҳаҳои ҳаёти ҷомеа, аз ҷумла ба рушду такомули фарҳанги миллӣ, гиромидошти арзишҳои волои  милливу динӣ низ таваҷҷуҳи хоса зоҳир намуда истодаанд. Бо ибтикору талошҳои пайгиронаи Президенти Ҷумҳурии Тоҷикистон муҳтарам Эмомалӣ Раҳмон таҷлили ҷашнвораҳои миллӣ ва маросимҳои динии маҳдуд ва мамнӯъ эълонгардида, ба мисли Наврӯз, идҳои Рамазон ва Қурбон эҳё шуда, бозтоби нав пайдо карданд. Ва дар замони истиқлоли Тоҷикистон Наврӯзи хуҷастапайи Аҷам, ки иди бостонии тоҷикон аст, мақоми ҷаҳониро сазовор гашт.
Бузургдошти шахсиятҳои барҷастаи илму адаб дар сиёсати фарҳангии Сарвари давлат мақому манзалати хоса дорад. Дар ин росто, бо ташаббуси Президенти Ҷумҳурии Тоҷикистон таҷлил намудани 800 -  солагии  Мавлоно Ҷалолиддини Балхӣ  (соли 2007),  «Соли бузургдошти Имоми Аъзам» (соли 2009),  «600 - солагии Мавлоно Абдураҳмони Ҷомӣ» (2014), «700 - солагии Мир Сайид Алии Ҳамадонӣ» (2015) ва дигар чорабиниҳои фарҳангӣ аз мақоми шоиста доштани дини мубини ислом дар сиёсати фарҳангсолории Сарвари давлат шаҳодат медиҳанд.
Бамаврид аст иброз намоем, ки бо тарҷума гардидани китоби муқаддаси «Қуръон» дар Ҷумҳурии Тоҷикистон моҳияти дини ислом ҳамчун арзиши бузурги маънавӣ, ахлоқию тарбиявӣ мақому манзалати хоса пайдо намуд.
Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар пуштибонӣ аз арзишҳои дини мубини ислом дар арсаи ҷаҳон саҳми бузург дорад. Дар суханрониҳояшон аз минбари бонуфузи Созмони Милали Муттаҳид борҳо боисрор таъкид доштанд, ки гурӯҳҳои тундраву ифротгаро ба дини поку мубини Ислом ҳеҷ алоқамандӣ надоранд. Зеро дини ислом ба зоти худ сулҳпарвару ваҳдатгаро мебошад.
Хизматҳои пайвастаи Пешвои миллат дар масъалаҳои арҷ гузоштан ба арзишҳои волои миллию динӣ беназиру бузурганд. Дар самтҳои гуногун пуштибонии Президенти Ҷумҳурии Тоҷикистон муҳтарам Эмомалӣ Раҳмон аз дини мубини Ислом, фош ва маҳкум кардани терроризм ва гурӯҳҳои ифротгаро ба бахту сарфарозии мо боиси он шуд, ки Сарвари давлати мо яке аз шахсиятҳои муътабари олами ислом эътироф гардидааст. Ва номи Пешвои миллат ба Феҳристи 500 шахсияти олами ислом сабт шуда, инчунин соли 2010 шаҳри  Душанбе -   пойтахти тоҷикон ҳамчун «Пойтахти исломӣ» эътироф гардид.
 Бояд тазаккур дод, ки барои ҳифз ва нигоҳдории мероси фарҳангию миллӣ, арзишҳои динии миллати  азизамон дар тӯли  давлатдории навини тоҷикон аз ҷониби Сарвари давлат кӯшишҳои зиёд ба анҷом расидааст. Бо Қарори Ҳукумати Тоҷикистон (соли 2006) қабул гардидани «Консепсияи миллии тарбия дар Ҷумҳурии Тоҷикистон» падидаи тозаи ҳуқуқӣ маҳсуб меёбад. Зеро, аввалин маротиба масъалаи тарбияи динӣ ва тааммулпазирӣ дар ин ҳуҷҷати муҳими меъёрию ҳуқуқӣ дар назар дошта шудааст, ки тибқи он дар тарбияи маънавӣ, ахлоқӣ, ватандӯстӣ, худшиносӣ, ваҳдати миллӣ, динии аҳли ҷомеа, аз ҷумла ҷавонону бонувон ба беҳбудию дастовардҳои назаррас ноил гардидаем.
Бо боварии комил метавон гуфт, ки ҷашни 25 - солагии Истиқлолияти давлатии Ҷумҳурии Тоҷикистон дар ҳама шаҳру ноҳияҳои Ватани маҳбубамон бо иштироки Пешвои фарҳангсолори миллат бори дигар ягонагию муттаҳидии халқу ҷомеаро дар атрофи Президенти мардумӣ муҳтарам Эмомалӣ Раҳмон нишон дод.
Миллати  аз азал хирадманду бофарҳанги тоҷик  мутмаин аст, ки бо роҳбарии хирадмандонаи ин абармарди бузург дар давраи  бархӯрди тамаддунҳо ва ҷаҳонишавӣ бо иштироки  уламою удабои фархеҳта асолати худ, арзишҳои суннатии миллию динии худро ҳифз ва боз ҳам ғанитар намуда, ба наслҳои оянда мерос мегузоранд.
Куган ИЗЗАТУЛЛОЕВ,  
Абдулҳай ҚАЛАНДАР,
устодони  Донишгоҳи давлатии Кӯлоб ба номи  Абуабдуллоҳи Рӯдакӣ


Баёни ақида (0)    Санаи нашр: 21.12.2016    №: 250-251    Мутолиа карданд: 2040

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд

11.07.2019


Шиносоии Қоҳир Расулзода бо сохтмон ва навсозии шоҳроҳи Душанбе – Бохтар

10.07.2019


Нодиртарин "Девон" - и Навоӣ дар Хуҷанд

Бунёди нахустин пойгоҳи ҷаҳонии шабакаи атмосферии Тоҷикистон дар Осиёи Марказӣ

Иттиҳоди Аврупо барои кишварҳои Осиёи Марказӣ 72 миллион евро ҷудо мекунад

Матвиенко: "Дар бозори Россия қариб тамоми об қалбакӣ будааст"

Ҷаҳон дар як сатр

08.07.2019


Баррасии ҷараёни иҷрои Барномаи давлатии тарбияи ватандӯстӣ ва таҳкими ҳувияти миллии ҷавонон

"Душанбе - қалби Тоҷикистон"

Ҳамоиш оид ба таҳияи маҳсулоти сайёҳӣ

Россия нахусткайҳоннаварди арабро бо ғизои махсус таъмин месозад

Зиёни иқтисодии Гурҷистон аз коҳиши сайёҳони рус беш аз $700 миллион хоҳад шуд

Дар Қазоқистон то соли 2021 нияти ифтитоҳи 20 мактаби олӣ ва 180 коллеҷро доранд

СММ: "Қирғизистон нахустин кишварест, ки мушкили бешаҳрвандиро ҳал кард"

Зеленский пурра иҷро кардани созишномаи Минскро ваъда дод

Ҷаҳон дар як сатр

04.07.2019


Ҷаласаи Комиссияи муштараки ҳамкории иқтисодию тиҷоратии Тоҷикистону Покистон


Дар сомонаҳои дигари Тоҷикистон хонед