logo

иқтисод

СОҲИБКОРИИ ЗАНОН ҚОБИЛИ ДАСТГИРИСТ

Занони соҳибкор ҳамчун қисми ҷудонашавандаи ҷомеаи соҳибкорӣ дар амалӣ намудани ҳадафҳои сиёсию иҷтимоии Ҳукумати Ҷумҳурии Тоҷикистон саҳмгузор буда, ҳалли масоили гендерӣ, дастгирии иқдомҳои соҳибкорзанон, ба роҳ мондани мубодилаи таҷриба, тақвияти ҳамкории байни ташкилотҳои қарзӣ ва созмонҳои занони соҳибкор, беҳбудсозии маблағгузории занони соҳибкор, баланд бардоштани маърифати молиявӣ ва ҳимояи ҳуқуқи онҳо аз тадбирҳои саривақтӣ арзёбӣ мегарданд.
Дар натиҷаи гузарондани ислоҳоти пай дар пайи соҳаи иқтисодиёт сол ба сол шумораи занони соҳибкор мефзояд. Мувофиқи маълумоти оморӣ, то октябри соли ҷорӣ шумораи онҳо ба беш аз 90 ҳазор ( аз 286 ҳазору 627 соҳибкор) расидааст, ки  31 дарсади субъектҳои соҳибкории мамлакатро ташкил медиҳад.
- Тибқи таҳлилҳо корхонаҳои хурду миёна, ки роҳбаронашон занон мебошанд, 15 дарсади ширкатҳои бахши хусусиро ташкил медиҳанд. Вале 96 дарсади занони соҳибкор ҳамчун соҳибкорони инфиродӣ сабти ном шудаанд, ки даромади солонаи онҳо на зиёда аз 100 ҳазор сомонӣ мувофиқи патент ва 500 ҳазор тибқи шаҳодатнома мебошад. Ин аз он шаҳодат медиҳад, ки занон ба захираҳои молӣ дастрасии кофӣ надоранд ва таҷрибаи онҳо барои пешбурди соҳибкорӣ кам аст, - гуфт Нигина Анварӣ, муовини раиси Кумитаи давлатии сармоягузорӣ  ва идораи амволи  давлатии  Ҷумҳурии Тоҷикистон, дар нишасти вижа.
Мувофиқи омори расмӣ, тайи даҳ соли охир ба ҳисоби миёна тақрибан 28 миллиард сомонӣ қарзҳои хурд ҷудо гардидаанд, ки 7 миллиард сомонӣ ё 25 дарсади он ба занони соҳибкор рост меояд.
Ба андешаи коршиносон, дастрасӣ ба захираҳои молӣ яке аз масъалаҳои мубрам ба ҳисоб меравад. Зеро имрӯз маблағгузорӣ мушкили асосӣ барои оғоз ва пешбурди фаъолияти соҳибкорист. Сабаби асосии маҳдудияти дастрасии занон ба воситаҳои молӣ уҳдадориҳои андозӣ, баландии фоиз ва муҳлати кӯтоҳи бозпардохти қарзҳо арзёбӣ мегардад. Илова бар ин, сатҳи пасти донишҳои ҳуқуқӣ ва иқтисодии занон маҳдудияти захираҳои молиявиро бештар мегардонад. Зеро ҳангоми  пешниҳоди кредитҳо аз ҷониби ташкилотҳои молиявӣ бизнес – нақшаи дуруст таҳияшуда ва мувозинати хароҷоту даромад талаб карда мешавад. Тавре мутахассисон иброз медоранд, яке аз роҳҳои муҳими дастрасии баробар ба захираҳои молӣ ин иттилоотонии занон дар бораи мавҷудияти чунин ташкилотҳо мебошад.
Дар бисёр кишварҳои ҷаҳон барои фаъолияти соҳибкории занон созмону агентиҳои махсус таъсис ёфтаанд, ки занони соҳибкорро дасгирӣ менамоянд. Масалан, дар Қирғизистон бонки «Бай – Тушум» таъсис ёфтааст, ки соҳибкории занонро дастгирӣ менамояд. Қазоқистон тавассути фонди «Даму» соҳибкории занонро рушд мебахшад. Бо мақсади фаъолгардонии соҳибкории занон, бавуҷудоварии лоиҳаҳои густардаи муваффақи занони соҳибкор дар доираи фаъолияти  созмони ҷамъиятии умумирусиягии соҳибкории хурду миёна - «Такягоҳи Русия» кумитаи нав оид ба рушди соҳибкории занон таъсис дода шуд.
Гуфтан ба маврид аст, ки баланд бардоштани мақом ва эътибори зан дар ҷомеа яке аз масъалаҳои муҳим дар сиёсати Президенти мамлакат мебошад. Хушбахтона, бо саъю кӯшиш ва ташаббусҳои пайвастаи Президенти кишвар муҳтарам Эмомалӣ Раҳмон дар мавриди устувор намудани мавқеи занон дар ҷомеа кафолатҳои ҳуқуқии баробарҳуқуқии занону мардон ба иштироки фаъоли занон дар соҳаҳои ҳаёти ҷамъиятиву давлатӣ мусоидат карданд. Маҳз дар давраи соҳибистиқлолӣ бо қарори Ҳукумати ҷумҳурӣ аз соли 2006 инҷониб грантҳои президентӣ таъсис ёфтаанд. То соли ҷорӣ ҳаҷми умумии грантҳои ҷудошуда 12 миллиону 300 ҳазор сомониро ташкил медиҳад.
Натиҷаи амалигардонии лоиҳаҳо гувоҳӣ медиҳад, ки бонувони тоҷик дар самти эҳёи ҳунарҳои миллӣ, таъсиси коргоҳҳои хурди қолинбофӣ, парвариши паранда, моҳӣ, коркарди меваҳои хушк, рушди соҳаҳои кишоварзӣ малакаҳои хуби кориро доро мебошанд.
Ташкили шароити муносиби молиявӣ, ки ба рушди соҳибкории хурду миёна, бахусус барои занон, мусоидат мекунад, дар боло бурдани сатҳи зиндагии мардуми кишвар нақши муҳим дорад. Ҳукумати ҷумҳурӣ, бахусус Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ба ин масъала аҳамияти ҷиддӣ медиҳанд. Пешвои миллат зимни суханронии худ соли 2015 аз афзоиши шумораи заноне, ки ба соҳибкории хусусӣ машғуланд, изҳори қаноатмандӣ карда, нақши низоми бонкиро дар маблағгузории онҳо муҳим арзёбӣ намуданд.
Ш. ҚУРБОН, «Ҷумҳурият»


Баёни ақида (0)    Санаи нашр: 23.12.2016    №: 253    Мутолиа карданд: 1865

18.01.2019


Таҳдидҳои асосӣ ба иқтисоди ҷаҳонӣ номбар шуданд

Гумонбари омодасозии ҳамла ба Қасри сафед ба даст афтод

Дар Чин қаллобонро барои фиреб ҳабси абад карданд

29 миллион сом зарари собиқадорони сохта

Ҷаҳон дар як сатр

17.01.2019


Тамдиди шартномаи ФФТ бо "Сомон Эйр"

60 ДАРАҶА ХУНУКӢ ВА ДАВИ 50 - КИЛОМЕТРАИ ЭКСТРЕМАЛИ МОЛДАВӢ

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар

РӮШОН. Ифтитоҳи маркази дуошёнаи савдо

Муҳаммад Салоҳ – беҳтарин футболбози Африқо

ҶАҲОН ДАР ЯК САТР

Самарқанд мизбони нахустмулоқоти «Ҳиндустон – Осиёи Марказӣ»

Баргардондани 47 шаҳрванди Қазоқистон аз Сурия

Остона ба гузарондани Ҳамоиши ҷаҳонии туризми шаҳрӣ омодагӣ мегирад

Дар Беларус бори нахуст ҳукми қатл содир шуд

09.01.2019


Таҷлили 110 - солагии аллома Бобоҷон Ғафуров


Дар сомонаҳои дигари Тоҷикистон хонед