logo

ҳуқуқ

ПЕШГИРӢ АЗ ХАТАР. БЕШ АЗ 368 КИЛОГРАММ МАВОДИ НАШЪАОВАР СӮЗОНДА ШУД

Кормандони Агентии назорати маводи нашъаовари назди Президенти Ҷумҳурии Тоҷикистон 21 декабр дар ҳузури комиссияи махсус, ки аз ҳисоби намояндагони мақомоти прокуратура, суд, сохторҳои ҳифзи ҳуқуқ ва воситаҳои ахбори омма созмон ёфта буд, 368 килограмму 271 грамм маводи нашъаоварро оташ заданд.

Аз маҷмӯи маводи сӯзондашуда, ки дар робита ба он 17 парвандаи ҷиноятӣ боз гардида, ҳукми суд низ содир шудааст, 7 килограмму 984 грамм героин, 110 килограмму 910 грамм афюн, 111 килограмму 425 грамм ҳашиш, 136 килограмму 700 грамм бангдона ва 1 килограмму 250 граммро ҳаби маводи нашъаовари синтетикии экстазӣ ташкил медиҳад.
Ин миқдор маводи нашъаовар, ки дар сурати ҷилавгирӣ нашудан метавонист, ҳаёти садҳо нафарро зери хатар гузорад, аз тарафи кормандони агентӣ, Кумитаи давлатии амнияти миллӣ, Хадамоти гумруки назди Ҳукумати Ҷумҳурии Тоҷикистон дар пайи амалиётҳои оперативӣ-ҷустуҷӯӣ мусодира гардидааст. Бо ҳамин, ҷамъи маводи нашъаовари дар бухории махсуси агентӣ сӯзондашуда ба 17,5 тонна расид, ки дар зарфи ҳабдаҳ соли охир мусодира шудааст.
Маросими сӯзондани беш аз 368 килограмм маводи нашъаовар дар ҳолест, ки чанд рӯз қабл аз он, кормандони Агентии назорати маводи нашъаовари назди Президенти Ҷумҳурии Тоҷикистон дар чаҳорчӯби амалиёти «Кӯкнор - 2016» як гурӯҳи қоҷоқбарро боздошт ва аз онҳо ба миқдори калон-208 килограмм маводи нашъаовари навъи ҳашиш дарёфт ва мусодира карданд. Бар пояи иттилои дафтари матбуоти агентӣ ин гурӯҳи муташаккили байналмилалии ҷиноятпеша ба муомилоти ғайриқонунии маводи нашъаовар даст зада, интиқоли онро аз Афғонистон ба Тоҷикистон ва аз Тоҷикистон ба кишварҳои Осиёи Марказӣ ва Федератсияи Русия ба роҳ монда буданд.
Зимни тафсилоти хабар ба мо иттилоъ доданд, ки рӯзи 13 декабри соли ҷорӣ кормандони агентӣ ҳангоми амалӣ намудани чорабиниҳои оперативӣ-ҷустуҷӯӣ дар ҳудуди шаҳри Душанбе автомашинаи “Опел-Астра”- ро, ки онро сокини шаҳри Кобул, шаҳрванди 30 - солаи Ҷумҳурии Исломии Афғонистон Сиддиқи Муҳаммад Зирак идора мекард, боздошт ва ин миқдор маводи нашъаоварро аз дохили нақлиёти таҳти идораи ӯ мусодира карданд. Дар идомаи амалиёт бо гумони даст доштан ба ин ҷиноят сокини 48 - солаи шаҳри Душанбе Бобоев Нуралӣ Давлатович бо тахаллуси “Нури Қарағоч” низ боздошт гардидааст. Тафтишоти пешакӣ муайян намуд, ки боздоштшуда автомашинаи худро ба шаҳрванди Афғонистон бо мақсади дастрас намудани маводи нашъаовар дода будааст. Аз рӯи ин ҳодиса парвандаи ҷиноятӣ оғоз гардида, тафтишот идома дорад ва барои муайяну боздошт намудани аъзои боқимондаи ин гурӯҳи муташаккили ҷиноятӣ чораҳои зарурӣ ба роҳ монда шудааст.
Фирӯзи РАҲМОНИЁН, «Ҷумҳурият»


Баёни ақида (0)    Санаи нашр: 23.12.2016    №: 253    Мутолиа карданд: 3201

19.09.2018


ТОҶИКИСТОН ВА ӮЗБЕКИСТОН. Аввалин тамринҳои муштараки низомӣ

Таъсиси 57 корхонаи нав

Намоиши дастовардҳо ба муносибати Рӯзи шаҳри Хуҷанд

Зуҳро Саидова – соҳиби шоҳҷоиза

Таҳаммул аз амалҳои террористӣ норавост

Баргузории ҳамоиши маъмурони роҳи оҳани кишварҳои СҲШ дар Ӯзбекистон

Дар Ироқ 27 ҳазор нафар аз об заҳролуд гашт

Тӯли 40 соли ислоҳот дар Чин ҷои кор 346 дарсад афзуд

Остона ҳамоиши ҳаштуми глобалии туризми шаҳриро пазироӣ мекунад

Ҷаҳон дар як сатр

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД

МАРЗ. Боздошти қочоқбарон

КӮЛОБ. ИФТИТОҲИ БОҒЧАИ НАВ

05.09.2018


БӮСТОН. Бунёди чор иншооти нав

ФУТБОЛ. Дар Тоҷикистон мусобиқаҳои байналмилалӣ доир мегарданд

Ориф Алвӣ 13-умин президенти Покистон интихоб гашт

Дар Арабистони Саудӣ барои маводи тахрибӣ дар интернет зиндонӣ мекунанд

Дар Гуҷарат сохтмони баландтарин ҳайкали дунё анҷом меёбад

Ҳиндустон барномаи нави кайҳониро амалӣ месозад

04.09.2018


Боздиди Сарвазири мамлакат аз иншооти гармидиҳии шаҳри Душанбе


Дар сомонаҳои дигари Тоҷикистон хонед