logo

порлумон

УСТУВОРИИ НИЗОМИ БОНКӢ ТАЪМИН МЕГАРДАД

Дар ҷаласаи навбатии иҷлосияи сеюми Маҷлиси намояндагони Маҷлиси Олии Ҷумҳурии Тоҷикистон, ки таҳти раёсати Шукурҷон Зуҳуров,  Раиси Маҷлиси намояндагон, баргузор гардид, пешниҳоди Ҳукумати Ҷумҳурии Тоҷикистон «Дар бораи ба муомилот баровардани коғазҳои қиматноки давлатии Ҷумҳурии Тоҷикистон ҷиҳати сармоякунонии бонкҳо» баррасӣ ва тасдиқ гардид.

Қурбониён Абдусалом, вазири молияи Ҷумҳурии Тоҷикистон, зимни ташреҳи лоиҳа  иброз намуд, ки ин пешниҳод бо мақсади таъмини устувории низоми бонкӣ, коҳиш додани шиддатнокии иҷтимоӣ, ҳимояи ҳуқуқу манфиатҳои пасандоздорону қарздеҳон, нигоҳ доштани эътимоднокӣ ва боварии аҳолӣ ба низоми бонкӣ таҳия шуда, сармоякунии бонкҳоро бо роҳи ба муомилот баровардани коғазҳои қиматноки давлатии Ҷумҳурии Тоҷикистон пешбинӣ менамояд. Ба гуфтаи ӯ, кам гардидани сармоягузории хориҷӣ, коҳиш ёфтани  ҳаҷми интиқоли пулӣ, ноустувории қурби пули миллӣ ва паст шудани пардохтпазирии аҳолӣ боиси он шуд, ки бонкҳои низомсози кишвар ба буҳрони шадиди молиявию қарзӣ рӯ ба рӯ шуда, эътимоди мизоҷон ба бонкҳо коста гардид. Бинобар ин, ҷиҳати сармоякунонии  ҶСК «Тоҷиксодиротбонк», ҶСК «Агроинвестбонк», ҶСП «Тоҷпромбонк» ва ҶСК «Фононбонк» бо роҳи ба муомилот баровардани коғазҳои қиматноки давлатии Ҷумҳурии Тоҷикистон ба муҳлати 5 сол бо меъёри 2 дарсади солона пешбинӣ мегардад. 
Коғазҳои қиматнок дар шакли векселҳои давлатӣ  аз ҷониби  Вазорати молия бароварда шуда, ба бонкҳои зикргардида ба ивази саҳмияҳои иловагии баровардаи онҳо супурда мешаванд. Бонкҳои сармояшаванда векселҳои давлатии бадастомадаро ба Бонки миллии Тоҷикистон бар ивази маблағҳои пулӣ барои таъмини пардохтпазирии худ гузашт мекунанд. Дар натиҷаи амалиёти мазкур дорандаи векселҳои давлатӣ Бонки миллии Тоҷикистон ба ҳисоб рафта, Вазорати молия бо фарорасии муҳлати пешбининамуда векселҳои маблағҳои гирифташударо бо фоизҳои он ба Бонки миллии Тоҷикистон пардохт менамояд.
Шариф Раҳимзода, раиси Кумитаи Маҷлиси намояндагон оид ба иқтисод ва молия, зикр сохт, ки бонкҳои мазкур бо роҳи фурӯши коғазҳои қиматноки давлатӣ ба Бонки миллии Тоҷикистон пардохтпазирии худро таъмин менамоянд. Ба бонкҳо  дар ҳаҷми 3750 миллион сомонӣ, аз ҷумла  ба ҶСК «Тоҷиксодиротбонк» 2250  миллион, ҶСК «Агроинвестбонк» 1070 миллион, ҶСП «Тоҷпромбонк» 450 миллион ва  ҶСК «Фононбонк» 80 миллион сомонӣ аксияҳо аз тарафи Вазорати молия пешниҳод мегардад.
Мунаввари САФАР, «Ҷумҳурият»


Баёни ақида (0)    Санаи нашр: 23.12.2016    №: 253    Мутолиа карданд: 7128

21.11.2018


Аз таркиш дар Кобул беш аз 50 нафар ҳалок шуд

Ӯзбекистон нахустин намоишгоҳ-ярмаркаи байналмилалии содиротӣ мегузаронад

Могерини: «Иттиҳоди Аврупо «артиши аврупоӣ» ташкил карданӣ нест»

Табобати гепатити С дар Беларус аз арзонтарин дар Аврупост

Ҷаҳон дар як сатр

ДУШАНБЕ. Таҷлили нахустин ҷашни занони соҳибкор

ДЕВАШТИЧ. Тантанаи Рӯзи Президент

Иштироки мунтахаби футболи бонувон дар CAFA

20.11.2018


СУҒД. Оғози сохтмони раёсати маориф

ЛЕВАКАНТ. Конфронси илмӣ - назариявӣ ба ифтихори Иҷлосияи XVI

"Парасту" дар Тоҷикобод

Сарони кишварҳои Осиёи Марказӣ барои машварат дар Тошканд ҷамъ меоянд

Финляндия ҷонибдори ҳузури Россия дар Шӯрои Аврупо

Вазорати маорифи Афғонистон 30 ҳазор занро ба кор мегирад

Баррасии рушди инклюзивии иқтисоди қитъа дар Гвинея Папуаи Нав

Ҷаҳон дар як сатр

АНВАР ЮНУСОВ СОҲИБИ КАМАРБАНДИ WBF

"СОРО КОМПАНИЯ" ҒОЛИБИ ЛИГАИ КАСБИИ ФУТЗАЛИ ТОҶИКИСТОН

19.11.2018


ДЕВАШТИЧ. Авҷи созандагиҳо дар Ҷамоати деҳоти Яхтан

Артиши Сурия охирин истеҳкоми «ДИ» дар ҷануби кишварро зери назорат гирифт

Дар ҳама минтақаҳои Ӯзбекистон «мактаби президентӣ» месозанд

Роҳандозии барномаи махсуси давлатии ипотекӣ барои дӯзандагони Қирғизистон

Киштии зериобии «Сан Хуан» - ро дар уқёнуси Атлантика ёфтанд

Ҷаҳон дар як сатр

Кулишов: «Марзҳои ИДМ бо таҷҳизоти муосир таъмин карда мешаванд»

Дар Тоҷикистон омӯзгори забони англисӣ барои таблиғи «ДИ» 19 сол гирифт

Қазоқистон мубориза бо машруботро сахттар мекунад

Фоидаи туризм ба кадом шаҳри дунё бештар аст?

Ҷаҳон дар як сатр

"ИСТИҚЛОЛ" бори аввал барои Ҷоми чемпионҳои КФО мубориза хоҳад бурд

Омодагии тими миллӣ ба марҳилаи интихобии Ҷоми ҷаҳон – 2022

УСМОН ТОШЕВ САРМУРАББИИ НАВИ ДАСТАИ МУНТАХАБ

15.11.2018


Ҳамоиш бахшида ба Рӯзи Президент

Нурдинҷон Исмоилов ба Тоҷикистон меояд


Дар сомонаҳои дигари Тоҷикистон хонед