logo

сиёсат

ДАСТУРАМАЛИ ФАРДОИ ДУРАХШОН

Паёми Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олӣ, ки 22 декабри соли ҷорӣ ироа гардид, самтҳои асосии сиёсати дохилӣ ва хориҷии мамлакатро матраҳ ва дар навбати худ фаъолияти ниҳодҳои давлатӣ ва умуман, ҷомеаи моро барои як марҳалаи томи оянда муайян намуд. Дар робита ба арзишҳои меҳварии Паём ва нақши он дар рушди минбаъдаи ҷомеаи Тоҷикистон хабарнигорамон бо Худобердӣ Холиқназар, директори Маркази тадқиқоти стратегии назди Президенти Ҷумҳурии Тоҷикистон, суҳбат намуд:   
- Чун Паёми имсолаи Пешвои миллат дар як соли муҳими таърихӣ, яъне 25-умин солгарди Истиқлолияти давлатии Ҷумҳурии Тоҷикистон ироа гардид, Пешвои миллат дар оғоз ба дастовардҳои асосии давлат ва миллати мо дар ин марҳала як нигоҳи ҷамъбастӣ намуда, бори дигар ба моҳият ва аҳамияти онҳо таъкид намуданд. Дар ин росто Сарвари давлат таъкид намуданд, ки маҳз истиқлолият ва озодӣ арзишҳои асосие ҳастанд, ки тамоми дастовардҳои дигар бар пояи он устувор мебошад.
Таҳлили дастовардҳои ин давра, ки дар Паёми Пешвои миллат ироа шуданд, нишон медиҳад, ки дар ҳақиқат Ҷумҳурии Тоҷикистон роҳи душвор, вале  созандаро тай намуда, имрӯз ба як кишвари устувор ва узви баробарҳуқуқи ҷомеаи ҷаҳонӣ табдил шудааст. Бешубҳа, ин дастоварди таърихӣ ва усулии давлат ва мардуми мост. Яке аз хусусиятҳои асосии Паёми имсола дар маркази таваҷҷуҳ қарор гирифтани масъалаҳои рушди иҷтимоии ҷомеа мебошад. Дар ин росто, сиёсати давлатӣ дар соҳаҳои занон, ҷавонон, маориф, сайёҳӣ, ҳифзи иҷтимоӣ, тандурустӣ ва ғайра бори дигар мавриди таваҷҷуҳ қарор гирифта, дурнамои ин соҳаҳо мушаххас карда шуданд.
Президент ба масъалаи ҷавонон ҳамчун насли ояндасози кишвар мисли ҳамеша аҳамияти махсус зоҳир намуда, соли 2017-ро Соли ҷавонон эълон карданд. Табиист, ки ниҳодҳои дахлдори давлатӣ дар партави ин пешниҳоди Пешвои миллат Нақша - чорабиниҳои васееро дар самти рушди сиёсати давлатӣ нисбат ба ҷавонон тартиб дода, татбиқ менамоянд. Дар натиҷа, бо ҳамоҳанг шудани тамоми зарфиятҳо ва талошҳои ниҳодҳои давлативу ҷамъиятӣ сиёсати давлат дар ин самт ба марҳалаи сифатан нав хоҳад расид. Бояд зикр кард, ки сиёсати давлатӣ дар самти ҷавонон фақат як бахши соҳавии сиёсати давлат нест. Зеро, ҷавонон худ беш аз 70 дарсади аҳолии ҷумҳуриро ташкил намуда, дар тамоми бахшҳои ҳаёти кишвар фаъолият доранд. Илова бар ин, тавре ки дар Паём низ таъкид шуд, мақсади асосии талошҳои давлат тарбияи наслест, ки дар оянда Ватан ва кишвари худро ҳимоя ва соҳибӣ карда тавонанд. Бахши дигари Паём вазифаҳои асосиеро, ки дар «Стратегияи миллии рушди Ҷумҳурии Тоҷикистон барои давраи то соли 2030» ба миён гузошта шудаанд, дар бар гирифта, роҳҳои татбиқи онҳо таъкид гаштаанд. Ин Стратегия ҳуҷҷати усулиест, ки самтҳои асосии рушди кишвар дар ҳамаи соҳаҳоро, ҳамзамон, пешбинӣ мекунад. Бинобар ин, Паёми имсола, ки нақшаву чорабиниҳо барои соли аввали татбиқи ин ҳуҷҷатро низ дар бар мегирад, саршор аз фикру мулоҳиза ва пешниҳоду дастурҳои мушаххас мебошад.
Барои расидан ба ҳадафҳои олии кишвар Пешвои миллат ба рушди омили инсонӣ махсусан таъкид намуда, онро дар маркази таваҷҷуҳ қарор доданд. Зеро рушди ҳамаи соҳаҳои иҷтимоӣ ва иқтисодии кишвар, дар ниҳоят таъмини зиндагии сазовор барои шаҳрвандонро дар назар доранд. Аз ҷумла, рушди соҳаи маориф, тандурустӣ, фарҳанг, соҳибкорӣ ва сайёҳӣ, ки бевосита беҳбуд ёфтани вазъи моддӣ ва сифатии зиндагии аҳолиро таъмин мекунанд, аз ҷониби давлат ҳамаҷониба дастгирӣ меёбанд. Бинобар ин, Пешвои миллат бо мақсади боз ҳам тавсеа бахшидани соҳаи сайёҳӣ, истифодаи самараноки имкониятҳои мавҷуда, инкишофи инфрасохтори сайёҳӣ, беҳтар кардани сифати хизматрасонӣ, густариши раванди танзими давлатӣ ва дастгирии сайёҳии дохиливу хориҷӣ, ҷалби ҳарчи бештари сармоя дар ин самт ва омода кардани кадрҳои болаёқат пешниҳод намуданд, ки соли 2017 дар назди Ҳукумати Ҷумҳурии Тоҷикистон сохтори алоҳида оид ба соҳаи сайёҳӣ таъсис дода шавад, ки бисёр муҳим ва саривақтӣ мебошад. Зеро, аз назари тамоми коршиносони соҳавӣ сайёҳӣ яке аз самтҳои афзалиятноки рушди кишвари мо ба ҳисоб меравад.
Нуктаи бисёр муҳими Паёми имсола таъкиди Сарвари давлат ба рушди илм ва ба даст овардани самаранокии он буд. Дар ин бахш хусусан, масъалаи пайвасти бевоситаи илм ба истеҳсолот ва рушди технологияҳои инноватсионӣ нақши муҳим ва ояндасоз доранд. Дар Паём бисёр бамаврид зикр шуд, ки дар шароити имрӯза рушди илмҳои бунёдӣ муҳим ва афзалиятнок буда, пешбурди корҳои илмӣ ва тадқиқотӣ вазифаи аввалиндараҷаи олимони соҳа маҳсуб меёбад. Бо мақсади рушди ин соҳаи самараноки илм пешниҳод шуд, ки дар сохтори Академияи илмҳои Ҷумҳурии Тоҷикистон Маркази таҳқиқоти технологияи инноватсионӣ таъсис дода шуда, донишмандони техникаву технология, ҷавонони болаёқат ва ихтироъкор ба корҳои илмӣ ва пажӯҳишӣ ҷалб карда шаванд.
Мехостам ба як пешниҳоди дигари Паём низ таъкид намоям, ки он ворид намудани омӯзиши ҳатмии Конститутсия ва қонунҳои Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон» ва «Дар бораи масъулияти падару модар дар таълиму тарбияи фарзанд» дар барномаҳои муассисаҳои таълимии кишвар мебошад. Татбиқи ин пешниҳоди муҳим боиси баланд рафтани маърифати ҳуқуқии насли наврас гашта, дар рушди сифатии ҷавонон таъсири бисёр нек мегузорад. Илова бар ин, маърифати баланди ҳуқуқӣ имкон медиҳад, ки ҷавонони мо аз хатарҳои глобалии имрӯза, хусусан, аз гароиш ба гурӯҳҳои террористиву экстремистии муосир эмин монанд. Зеро, пажӯҳишҳо нишон медиҳанд, ки маҳз набудани тафаккури солими ҷамъиятӣ ва маърифати зарурии ҳуқуқӣ яке аз сабабҳои ба доми чунин гурӯҳҳои гумроҳ афтодани баъзе аз ҷавонон мегардад.
Додоҷон РӮЗИЕВ, "Ҷумҳурият"


Баёни ақида (0)    Санаи нашр: 23.12.2016    №: 253    Мутолиа карданд: 2061

19.02.2019


МАКТАБИ ДАВЛАТДОРИИ ЭМОМАЛӢ РАҲМОН. ЯК ҲАМОИШИ МУҲИМ

Баррасии масъалаҳои рушди сайёҳӣ

Вохӯрии Низомиддин Зоҳидӣ бо Мазен Шамия

Дурнамои рушди муносибатҳо матраҳ гардид

ҶОМИ КУШОДАИ АВРУПО. Муҳаммадризо Қувватов медали биринҷӣ ба даст овард

Авҷи ниҳолшинонӣ

Саҳми соҳибкорон дар ободии деҳот

Ҳамкории тиҷоратию иқтисодии Чин ва Россия густурдатар мегардад

Сарвар Дониш: «Музокироти сулҳ бидуни ҳукумат қурбе надорад»

«Туҳфаи шоҳона» - и Арабистони Саудӣ ба шаҳрвандони Покистон

Дар Қазоқистон маркази амнияти иттилоотӣ ифтитоҳ меёбад

Сокини навраси Шимкент ду нафарро аз сӯхтор наҷот дод

Ҷаҳон дар як сатр

18.02.2019


Боздиди Азим Иброҳим аз ҷараёни корҳои сохтмонӣ

ВКД Ҷиноятҳо 83,6 дарсад ошкор шуданд

Вазорати молия. Барои дастгирии буҷет маблағи бештар ҷалб хоҳад гашт

«BISHKEK OPEN – 2019». Дурахши каратэ-дочиёни навраси тоҷик

«МОҲИЯТ ВА ТАЪЙИНОТИ МАТБУОТИ МАҲАЛЛӢ»

РОҒУН. Ободонӣ вусъат меёбад

АНДОЗ. Нақша 100, 6 дарсад иҷро гардид

ТОҶИКИСТОНУ ӮЗБЕКИСТОН. Гардиши савдо ду баробар афзуд

Тоҷикистон миёни кишварҳои ИДМ ба афзоиши баландтарини ММД муваффақ гашт

Дар Тошканд конфронси байналмилалӣ оид ба Осиёи Марказӣ баргузор мегардад

Қасри сафед: "Музокироти тиҷоратӣ дар Пекин ба пешравӣ мусоидат кард"

Трамп мехоҳад ҷангиёни «Давлати исломӣ» - ро ба Аврупо барои суд кардан баргардонад

Кумитаи амнияти иттилоотии Қазоқистон беш аз 90 сомонаи хавфнокро ошкор сохт

Ҷаҳон дар як сатр

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд


Дар сомонаҳои дигари Тоҷикистон хонед