logo

ҳуқуқ

МАРДУМФИРЕБӢ. ҚАЛЛОБОН БА ДАСТ АФТОДАНД

Директори генералии Ҷамъияти дорои масъулияти маҳдуди «Кишвар-2010» Зарифӣ Маҳмадшариф аз рӯи маслиҳати пешакӣ бо дигарон ҷиҳати аз ҳисоби фурӯши машруботи спиртии пастсифат ва ба саломатӣ хатарнок фоидаи калони пулӣ ба даст овардан, даст ба ҷиноят зад.

Номбурда аввалҳои моҳи декабри соли равон дар шароити ғайрисанитарӣ ба миқдори махсусан калон машруботи спиртии намуди арақ ва конякҳои гуногунтамғаро дар зарфҳои шишагӣ ва пластмассии ба меъёрҳои муқарраргашта ҷавобгӯ набуда ҷо карда, бо мақсади минбаъд ба фурӯш гузоштан дар анборҳои ҷамъият нигоҳ доштааст. Кормандони Раёсати минтақавии гумрукӣ дар шаҳри Душанбе, мақомоти прокуратура ва амният зимни гузарондани чорабиниҳои оперативӣ - ҷустуҷӯии муштарак аз анборҳои ҶДММ «Кишвар - 2010» арақҳои тамғаи «Вайбер», «Кишвар», «Хӯшаи гандум», «Тоҷикистон кишвари ман», «Мирная водка», «Зелённый газон», «Секрет фирмы», «Дедушкин запас», «Гандумӣ», «Элит», «Тоҷикистон асрина», «Чистая проба», «Столичная», «Хлебная слеза», «Ашки гандум», «Сарез» ва конякҳои тамғаи «Кремлин», «Белый аист», «Кишвар», «Чёрный элексир», «Чёрный аист», «Жемчуг», «Столичная» ба миқдори зиёда аз 15 000  шишаи гуногунҳаҷм ва беш аз 5 000 литр машруботи спиртии тайёршударо, ки дар зарфҳои махсуси калонҳаҷм нигоҳ дошта мешуданд, мусодира намуданд.
Мувофиқи хулосаҳои Агентии стандартизатсия, метрология, сертификатсия ва нозироти савдои назди Ҳукумати Ҷумҳурии Тоҷикистон ва Хадамоти назорати давлатии санитарию эпидемиологии Вазорати тандурустӣ ва ҳифзи иҷтимоии аҳолии Ҷумҳурии Тоҷикистон дар шаҳри Душанбе машруботи спиртии аз корхона ва анборҳои он дарёфтшуда, ба талаботи стандарти давлатӣ ҷавобгӯ набуда, ба саломатии инсон хатарнок мебошанд.
Тибқи иттилои Маркази матбуоти Хадамоти гумруки назди Ҳукумати Ҷумҳурии Тоҷикистон оид ба ҳолати мазкур бо аломатҳои моддаи 209 ва 294 Кодекси ҷиноятии Ҷумҳурии Тоҷикистон парвандаи ҷиноятӣ оғоз шуда, аз рӯи тобеияти тафтишотӣ ба Прокуратураи шаҳри Душанбе ирсол гардидааст.
Дар ҳолати дигар кормандони Раёсати минтақавии гумрукӣ дар шаҳри Душанбе зимни гузарондани амалиёти вижаи гумрукӣ дар анбори махсусгардондашудаи № 6, воқеъ дар рӯ ба рӯи бозори «Деҳқон»-и шаҳри Душанбе, воридоти ғайриқонунии себ ва ноки истеҳсоли Ҷумҳурии Мардумии Чинро ошкор намуданд. Аз ҷониби шаҳрванд М. Самадов, ки 5340 килограмм себ ва 2097 килограмм ноки ошкоршуда ба ӯ тааллуқ дошт, ягон ҳуҷҷати дахлдор пешниҳод нагардид.
Оид ба ҳолати мазкур бо аломатҳои моддаи 597 Кодекси ҳуқуқвайронкунии маъмурии Ҷумҳурии Тоҷикистон, яъне барои харидан, нигоҳ доштан, ҳамлу нақл, истифодабарӣ, ихтиёрдории мол, мусоидат намудан ба фурӯши мол ё воситаи нақлиёте, ки бидуни назорати гумрукӣ ё пинҳонӣ ба ҳудуди давлат зимни вайрон гардидани қоидаҳои гумрукӣ ворид шудаанд, парвандаи ҳуқуқвайронкунии маъмурӣ оғоз шуда, барои баррасӣ ба суд ирсол гашт.
Додоҷон РӮЗИЕВ,  «Ҷумҳурият»


Баёни ақида (0)    Санаи нашр: 26.12.2016    №: 254    Мутолиа карданд: 3118

23.01.2019


Фестивали байналмилалии «Наврӯз – мероси фарҳангии сайёҳӣ» баргузор хоҳад шуд

"Парасту - 2019" – ҷашнвораи ҷумҳуриявии театрҳои касбӣ

ҶАҲОН ДАР ЯК САТР

Баргузории ҷашнвораи байналмилалии «Рӯзи барф» дар Калуга

Дар Арабистони Саудӣ ҷалби бонувон ба корҳои ҷамъиятӣ меафзояд

Соли 2018 прокуратураи Қазоқистон ба буҷети кишвар $90 миллион талофӣ кард

Дар Тошканд хазинаи қадима ёфт шуд

Дороии 26 шахси сарватмандтарини дунё ба даромади 3,8 миллиард ниёзманд баробар аст

18.01.2019


Таҳдидҳои асосӣ ба иқтисоди ҷаҳонӣ номбар шуданд

Гумонбари омодасозии ҳамла ба Қасри сафед ба даст афтод

Дар Чин қаллобонро барои фиреб ҳабси абад карданд

29 миллион сом зарари собиқадорони сохта

Ҷаҳон дар як сатр

17.01.2019


Тамдиди шартномаи ФФТ бо "Сомон Эйр"

60 ДАРАҶА ХУНУКӢ ВА ДАВИ 50 - КИЛОМЕТРАИ ЭКСТРЕМАЛИ МОЛДАВӢ

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар


Дар сомонаҳои дигари Тоҷикистон хонед