logo

иқтисод

РОҲИ ОҲАНИ ТОҶИКИСТОН – АФҒОНИСТОН – ТУРКМАНИСТОН. МАСИРИ ПАЙВАСТШАВӢ БА БАНДАРҲОИ БАҲРӢ

Пан Ги Мун, Дабири кулли Созмони Милали Муттаҳид, дар шаҳри  Ашқобод -  пойтахти Туркманистон зимни ҳамоиши  байналмилалӣ оид ба нақлиёти устувор изҳор дошт, ки  пешрафти тиҷорати ҷаҳонӣ ба воситаҳои  байналмилалии коммуникатсионӣ иртиботи ногусастанӣ дорад.  Рушди  бахши нақлиёт,  ҳалли мушкилоти вобаста ба он, хусусан ҳифзи муҳити  зист аз олудагии партову паҳншавии газҳои гармхонаӣ, коҳиш додани садамаҳои марбут ба роҳу нақлиёт ва рушди инфрасохтори соҳаи нақлиёту коммуникатсия, аз ҳадафҳои асосии СММ дар ин ҷода маҳсуб меёбанд. 

Азим Иброҳим, муовини Сарвазири Ҷумҳурии Тоҷикистон, дар чорабинии сатҳи баланд  изҳор дошт, ки бо ташаббуси кишварҳои минтақа Маҷмаи кулли Созмони Милали Муттаҳид моҳи декабри соли 2015  қатънома  оид ба таъмини  фаъолияти муштарак байни тамоми намуди нақлиётро қабул кард.  Он  ба ташкил ва фароҳам овардани долони устувори  транзитии мултимодалӣ нигаронда  шудааст, ки ба иҷрои яке аз ҳадафҳои асосии стратегии Ҷумҳурии Тоҷикистон оид ба рушди иқтидори транзитию нақлиётӣ  мусоидат менамояд.  Ҷумҳурии Тоҷикистон    иштирокчии фаъоли конвенсияҳои байналмилалӣ, ташаббусҳои минтақавию байналмилалист ва ба  бандарҳои баҳрӣ дастрасӣ надорад. Аз ин рӯ, роҳбарияти кишвар  барои  татбиқи ҳадафҳои стратегии худ ҷиҳати рушди устувори ин бахш пайваста талош мекунад.  Ҳукумати мамлакат барои  ноил гардидан  ба  ҳадафҳои стратегӣ мувофиқи талаботи Созишномаи байниҳукуматӣ оид ба шабакаи шоҳроҳи  Осиё  ва низоми роҳи оҳани Транс - Осиё ва дигар санадҳои байналмилалӣ «Барномаи мақсадноки рушди бахши нақлиёт то соли 2025»-ро қабул кард. Дар кишвар марҳила ба марҳила ҳолати  инфрасохтори нақлиётӣ  беҳтар мегардад.  Бунёду барқарорсозии роҳҳои Ҷумҳурии Тоҷикистон, ки ба хатсайри  долонҳои байналмилалӣ,  назири ТРАСЕКА, CAREC ва СҲШ шомиланд, ботадриҷ идома дорад. Соли равон дар Тоҷикистон шохаи нави  роҳи оҳан сохта ба истифода дода шуд, ки он шабакаи марказӣ ва ҷанубии роҳи оҳани мамлакатро  пайваст намуд. Ин дастовард талош ва омодагии кишвари моро  дар самти бунёд ва рушди шабакаи шимоли Афғонистон, ки бо Туркманистон мепайвандад, рӯшан месозад. Татбиқи барномаҳои фаромиллии  соҳа, аз ҷумла дар  самти  сохтмон ва пайвасти роҳҳои оҳани Туркманистон – Афғонистон - Тоҷикистон   ва пайвастшавӣ ба шохаи роҳи оҳани  Чин – Қирғизистон – Тоҷикистон – Афғонистон – Эрон,  аз ҷониби Ҳукумати ҷумҳурӣ чашмрас мебошад.    Роҳбарияти ҷумҳурӣ дар бахши  манфиатҳои мултимодалии ҳамлу нақл, назири интиқол ва бехатарии бор, рақобатпазирӣ дар муқоиса бо воситаҳои алтернативии нақлиёт, арзиши ҳамлу нақл,  кам кардани вақти таҳвили бор,  ҳамзамон ба беҳтар намудани қонунгузорӣ  аҳамияти хоса медиҳад. Барои  мукаммалӣ  ва беҳбудии  бахши ҳавонавардӣ дар  кишвар шумораи хатсайрҳои нави парвоз фарох гардида, сохтмони инфрасохтори  фурудгоҳҳои замонавӣ, терминалҳои нави  мусофиркашонию боркашонӣ босуръат идома дорад.  Гузашта аз ин,  таҳияи муқаррароти  нав  дар бахши  роҳдории Ҷумҳурии Тоҷикистон ва Нақшаи миллии  амал барои баланд бардоштани ҳолати бехатарии роҳ ва танзими ҳаракат дар онҳо ба анҷом мерасад.
 Гурбонгулӣ Бердимуҳаммадов,  Президенти Туркманистон,  дар ҳамоиш изҳор намуд, ки эҷоди шабакаи нақлиётии транзитӣ ва логистикӣ  дар минтақаи Осиёи Марказӣ ва ҳавзаи баҳри Хазар  яке аз бахшҳои муҳими муколама  дар масъалаи  рушди нақлиёти байналмилалӣ  мебошад. Сохтмони   инфрасохтори  маҷмӯию муштарак ва сершохаи нақлиёти қораи Аврупо ва Осиё бо дастрасӣ ба терминалҳои баҳрӣ,  назири баҳри Сиёҳ, минтақаҳои Балтика, Осиёи Ҷанубӣ,  Ҷанубу Шарқӣ,  Шарқи Наздик,  минтақаи Осиё ва ҳавзаи уқёнуси Ором аҳамияти аввалиндараҷа дорад. Ифтитоҳи марҳилаи аввали роҳи оҳани Туркманистон – Афғонистон - Тоҷикистон  оғози таъсиси  долони байналмилалии нақлиёти  қитъаи Осиё, масири пайвастшавии кишварҳои номбурда ба бандарҳои баҳрист.
Марзия САИДЗОДА,
рӯзноманигор, Душанбе – Ашқобод


Баёни ақида (0)    Санаи нашр: 26.12.2016    №: 254    Мутолиа карданд: 1912

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад

МТС. Ҳамкориҳо бо Ӯзбекистон густариш меёбанд

ВМКБ. Гумрукчиён ба буҷет 16,9 миллион сомонӣ ворид карданд

ҲИСОР. Саҳми назарраси соҳибкорон дар ободонии шаҳр

НОҲИЯИ РӮДАКӢ. Ҳаҷми истеҳсоли маҳсулот ба 1 миллиард сомонӣ расид

ВАРЗОБ. Таваҷҷуҳи сайёҳон ба нуқтаҳои истироҳатӣ афзудааст

08.02.2019


Вазорати меҳнат, муҳоҷират ва шуғли аҳолӣ. Музди миёнаи меҳнат - 1220 сомонӣ

КУМИТАИ ТЕЛЕВИЗИОН ВА РАДИО. Сифати кори шабакаҳо беҳтар мешавад

КҲФМГ. Офатҳои табиат 34 миллион самонӣ хисорот овард

Саноатикунонӣ дар Шаҳринав

Меъёри бозтамвил ба 14 дарсад поён фаромад

ШАҲРИ ВАҲДАТ. Иҷрои барзиёди андози иҷтимоӣ

ТАНЗИМ. Қонуншиканӣ коҳиш ёфтааст

СОҲИЛ. Корҳои мустаҳкамсозӣ вусъат меёбанд

ДДСТДТ. Авлавият ба рушди ҳунарҳои мардумӣ


Дар сомонаҳои дигари Тоҷикистон хонед