logo

иҷтимоиёт

ТЕРРОРИСТ. НА ДИН, НА МАЗҲАБ, НА МИЛЛАТ

Имрӯз дар ҷаҳони муосир ҳар гуна равияву ҷараён ва созмонҳои ифротгарою террористӣ ба миён омаданд, ки ба ҳаёти осоиштаи сокинони сайёра таҳдид мекунанд. Аз ин рӯ, Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Паёми навбатии худ ба Маҷлиси Олӣ иброз доштанд, ки: «Афзоиши ҷиноятҳои хусусияти экстремистӣ ва террористидошта ба вусъат ёфтани терроризми байналмилалӣ, фаъолшавии унсурҳои тундраву ифротгаро, ҷалби ҷавонон ба сафи созмонҳои экстремистиву террористӣ ва иштироки онҳо дар низоъҳои мусаллаҳонаи давлатҳои хориҷӣ мусоидат менамояд».

Террористон баҳри пиёда кардани ҳадафҳои нопоки худ аз таълимоти дини мубини ислом мунҳарифона суистифода намуда, исломро ба сиёсат омезиш медиҳанд ва ба амалҳои нопок даст мезананд. Ҳол он ки дин ҳамчун ойини муқаддасу пок набояд ба сиёсат вобаста ва ё омехта бошад.
Амалҳои террористие, ки дар Сурия, Ироқ, Туркия, Олмон, Фаронса ва дигар кишварҳо сурат гирифтанд, боиси нигаронии ҷомеаи ҷаҳонӣ гардидааст. Хавфноктарин силоҳи террористон ҷоҳилони худкушанд, ки бо маводи таркандаи зери либос худро дар байни анбӯҳи одамон, ҳатто дар масҷидҳои ҷомеъ тарконда, занону кӯдакон ва одамони бегуноҳро ба ҳалокат мерасонанд. Ин гурӯҳҳои террористӣ имрӯз бо номи Салафия, Ваҳобия, Ҳизб - ут - таҳрир, Ансоруллоҳ, Ал - қоида, ҳаракати «Толибон», Ҷабҳа - ан - нусра, Бародарони мусулмон, гурӯҳи «Давлати исломӣ» ва амсоли инҳо бо номи ислом фаъолият бурда, ба суботу амнияти минтақаҳои гуногун таҳдид мекунанд. Ин ифротгароён бо кирдорҳои муғризонаи худ ба дини мубини ислом иснод меоранд ва ҳар лаҳза тайёранд ба амалҳои террористӣ даст бизананд ва одамони бегуноҳро ҳадафи «ҷиҳод» - и навбатии худ қарор диҳанд.
Мутафаккири бузург Носири Хусрав дар китоби «Ваҷҳи дин» он шахсонеро, ки аз дин манфиати шахсии худро ҷуста, онро ба мақсади носолимию нопокӣ истифода мебаранд, интиқод карда, менависад: «Ва ҳар кӣ ба муроди хеш андар дин сухан гуфт, ӯ деви ронда бувад». Ҳаким Фирдавсии Тӯсӣ ба ин маъно фармуда:
Зиёни касон аз пайи суди хеш,
Биҷӯянду дин андар оранд пеш.
Яке аз олимони шинохтаи олами ислом Муҳаммад Тоҳир - ал - Қадрӣ мегӯяд, ки: «Назарияи дини ислом терроризмро маҳкум мекунад ва террористони худкушро огоҳ менамояд, ки онҳоро дӯзах интизор аст ва ҳаракати онҳо ҳеҷ гоҳ ҷиҳод ҳисобида намешавад».
Боиси нигаронист, ки солҳои охир баъзе шахсони сода ва зудбовар фирефтаи суханони дурӯғини чунин бадхоҳону бадандешон шуда, ба ҷараёнҳои ифротгаро, гурӯҳҳои террористӣ ва равияҳои номатлуб мепайванданд. Имрӯз ҷавонону наврасони бонангу номус, ватандору дурандеши кишвари соҳибистиқлоли моро лозим аст, ки аз ин панди бузургон баҳра гирифта, аз ҳар гуна корҳои ношоям, мисли гаравидан ба ҳизбу ҳаракатҳои ифротиву террористӣ дурӣ ҷӯянд, фирефтаи суханони дурӯғини шахсони манфиатҷӯ нашаванд.

Муҳаммадшариф ШАРИФОВ,
муовини мудири шуъбаи тарҷума, таҳрир ва нашри дастгоҳи Маҷлиси
намояндагони Маҷлиси Олии Ҷумҳурии Тоҷикистон


Баёни ақида (0)    Санаи нашр: 27.12.2016    №: 255    Мутолиа карданд: 2539

19.09.2018


ТОҶИКИСТОН ВА ӮЗБЕКИСТОН. Аввалин тамринҳои муштараки низомӣ

Таъсиси 57 корхонаи нав

Намоиши дастовардҳо ба муносибати Рӯзи шаҳри Хуҷанд

Зуҳро Саидова – соҳиби шоҳҷоиза

Таҳаммул аз амалҳои террористӣ норавост

Баргузории ҳамоиши маъмурони роҳи оҳани кишварҳои СҲШ дар Ӯзбекистон

Дар Ироқ 27 ҳазор нафар аз об заҳролуд гашт

Тӯли 40 соли ислоҳот дар Чин ҷои кор 346 дарсад афзуд

Остона ҳамоиши ҳаштуми глобалии туризми шаҳриро пазироӣ мекунад

Ҷаҳон дар як сатр

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД

МАРЗ. Боздошти қочоқбарон

КӮЛОБ. ИФТИТОҲИ БОҒЧАИ НАВ

05.09.2018


БӮСТОН. Бунёди чор иншооти нав

ФУТБОЛ. Дар Тоҷикистон мусобиқаҳои байналмилалӣ доир мегарданд

Ориф Алвӣ 13-умин президенти Покистон интихоб гашт

Дар Арабистони Саудӣ барои маводи тахрибӣ дар интернет зиндонӣ мекунанд

Дар Гуҷарат сохтмони баландтарин ҳайкали дунё анҷом меёбад

Ҳиндустон барномаи нави кайҳониро амалӣ месозад

04.09.2018


Боздиди Сарвазири мамлакат аз иншооти гармидиҳии шаҳри Душанбе


Дар сомонаҳои дигари Тоҷикистон хонед