logo

ҳуқуқ

МИЗИ МУДАВВАР: МАҲБУСОН БА КОР ҶАЛБ МЕШАВАНД

Ба кору омӯзиш фаро гирифтани маҳкумшудагону маҳбусон ва дарёфти роҳи ҳалли мушкилоти мавҷуда аз мавзӯоти меҳварии мизи мудавваре буданд, ки ахиран дар шаҳри Душанбе доир шуд. Дар он наздик ба 60 намояндаи ниҳодҳои иҷрои ҷазои ҷиноятии кишварҳои Осиёи Марказӣ ва коршиносони байналмилалӣ ширкат варзиданд.

Илҳом Маҳмудзода, муовини сардори Сарраёсати иҷрои ҷазои ҷиноятии Вазорати адлияи Ҷумҳурии Тоҷикистон, перомуни мавзӯи мавриди баҳс ибрози назар намуда, зикр сохт, ки баргузории ин ҳамоиш гувоҳи зиндагии мо дар ҷомеаи озод аст. Дар Тоҷикистон маъмурияти муассисаҳои ислоҳӣ маҳбусонро мувофиқи имконияту маҳорат ва касбияташон ба кор ҷалб мекунанд. Иқдоми мазкур саривақтӣ ва хеле муҳим буда, аз муассиртарин тадбирҳои тарбиявӣ шинохта мешавад.
- Ҳукумати Ҷумҳурии Тоҷикистон баҳри беҳсозии шароити нигаҳдории маҳбусон таваҷҷуҳи хос зоҳир намуда, дар пайи ривоҷи имконоти истеҳсолии муассисаҳои ислоҳӣ мебошад, - изҳор дошт Нурулло Ҷалолов, муҳандиси калони Раёсати иҷрои ҷазои ҷиноятӣ дар вилояти Суғд. - Биноан, соли гузашта Ҳукумати мамлакат барномаи шашсолаи таъсиси ҷойи кор ва рушди истеҳсолот дар муассисаҳои ислоҳии кишварро оғоз кард. Дар барнома омӯзиши касб ва кори музднок барои маҳбусон низ пешбинӣ гардида, баҳри амалисозии он дар баробари ҷудо кардани маблағҳои буҷетӣ ҷалби сармояи созмонҳои байналмилалӣ ва шарикони рушд ҳам дар назар аст. Ба гуфтаи ӯ, буҷети барномаи мазкур 1 миллиону 889 ҳазор доллар ҳисоб шудааст.
Азамат Шамбилов, сарвари намояндагии Ислоҳоти байналмилалии маҳбасҳо (PRI) дар Осиёи Марказӣ, бар ин бовар аст, ки бо кор таъмин кардани маҳбусон ва рушди истеҳсолот яке аз василаҳои умдаи ба ҳаёти осоишта баргардондани собиқ маҳкумшудагон аст. Вай афзуд: “Барномаи ду сол пеш қабулкардаи Ҳукумати Тоҷикистон дар Осиёи Марказӣ нахустин маҳсуб меёбад. Дар Қазоқистон дурнамои ҳамсон дар моҳи декабри соли 2016 пазируфта шуда, Қирғизистон дар ҳоли таҳия ва тасвиби он аст. Аз ин рӯ, мо аз чунин ташаббуси Тоҷикистон истиқбол менамоем”.
Ба андешаи ӯ, маҳбасҳои Осиёи Марказӣ, ки мероси замони шӯравӣ ҳастанд, ниёз ба таҷдиди сохтору мудирият доранд. “Мо омодаем, ки ҳар як иқдоми созандаи ба ислоҳоти маҳбасҳо рабтдоштаро дар кишварҳои пасошӯравӣ дастгирӣ кунем”, - изҳор дошт Азамат Шамбилов.
Гуфта шуд, ки дар миқёси олам ҳамасола ҳудуди 10 миллион нафар дар муассисаҳои ислоҳӣ адои ҷазо мекунад. Аз ин шумор наздик ба 700 ҳазораш зан аст. Ҳар сол аз маҳбасҳои Осиёи Марказӣ беш аз 40 ҳазор кас ба озодӣ мебарояд, ки ба ёрию дастгирӣ ниёз доранд. Ба хотири расидагии муассир ба мушкилоти онҳо, ба гуфтаи роҳбари Дафтари барномавии Раёсати мухаддирот ва ҷинояткории СММ дар Тоҷикистон Амелия Ҳаннофорд, ҳамакнун дар кишварҳои Осиёи Марказӣ сар аз соли 2015 то соли 2019 як қатор тадбирҳои муфид амалӣ шуда истодаанд. “Умедворам, ки бо баҳрабардорӣ аз ин ҳамоиши сатҳи баланд дар боби заминагузории ҳаёти муқаррарӣ барои маҳбусон ва ҳалли масъалаҳои марбута мутасаддиёну коршиносони кишварҳои мавриди назар кӯшишҳои бештару беҳтар ба харҷ медиҳанд”, - тазаккур дод хонум Ҳаннофорд.
Дар интиҳо ҷониби Тоҷикистон ва намояндагони сохторҳои зирабти кишварҳои ҳамҷавор хушбинии худро оид ба беҳбуди фароҳамоварии таълиму тадрис ва бо кор таъмин кардани маҳбусону маҳкумшудаҳо баён карданд.
Зокир ҲАСАН, “Ҷумҳурият”


Баёни ақида (0)    Санаи нашр: 28.12.2016    №: 256-257    Мутолиа карданд: 3054

21.08.2019


Путин 4 сентябр бо Сарвазири Ҳиндустон музокирот мегузаронад

Амири Қатар даъвати Путинро ба ФИБП пазируфт

Даҳ ҳазор нафар бинобар сӯхтор дар пойтахти Бангладеш бе сарпаноҳ монд

Токио имкони ба мадор баровардани радифҳои ҳарбиро баррасӣ дорад

Ҷаҳон дар як сатр

ШИНОВАРӢ. Варзишгарони тоҷик ба Чемпионати ҷаҳон рафтанд

19.08.2019


Баррасии асосноккунии техникиву иқтисодии роҳи Қалъаи Хумб – Ванҷ

Баргузории ҳамоиши "Ҷавонони эҷодкор – парчамбардорони миллат ва пайравони Пешвои миллат"

15.08.2019


Муносибатҳои Ҳиндустон ва ҶМЧ бояд суботи ҷаҳонро таъмин созанд

Дар Япония бар асари гармии ҳаво наздики 13 ҳазор кас бистарӣ шуд

Мулоқоти сарони Россия, Эрон ва Туркия моҳи сентябр доир мешавад

Ҷаҳон дар як сатр

05.08.2019


Ҷаҳон дар як сатр

01.08.2019


Вохӯрии Сироҷиддин Муҳриддин бо Кан Ҷе - квон

Масоили муҳоҷират матраҳ гардид

Фестивали яхмос ва обҳои ташнагишикан дар Душанбе

АКАДЕМИЯИ ИЛМҲО. Аз таъсиси маркази тарҷума то ҷашни Саразм

64 дарсади зарари молиявӣ барқарор шуд

ШАҲРИ ТУРСУНЗОДА. Корҳои ободонӣ вусъат мегиранд

ҲИСОР. Саноатикунонӣ дар мадди аввал

ФАЙЗОБОД. Афзоиши истеҳсоли маҳсулоти кишоварзӣ

НОҲИЯИ РӮДАКӢ. Саноат рӯ ба беҳбудӣ дорад

ДДТТ. Нуфузи байналмилалӣ меафзояд

Ҷаҳон дар як сатр

30.07.2019


Фестивали тобистонаи Душанбе доир мешавад

Мулоқоти Шодихон Ҷамшед бо Хуанг Деҳаи

Соҳибкорони ватанию хориҷӣ дар Бадахшон ҷамъ меоянд

БЕҲСОЗИИ ТАЪМИНОТ БО ОБ. Барои он зиёда аз 27 миллион ҷудо гардид

ШАҲРИНАВ. 160 иншооти ҷашнӣ ба истифода дода шуд

Трамп то интихоботи соли 2020 артишашро аз Афғонистон бароварданист

Душанбе 80 шаҳрванди Афғонистонро, ки дар Тоҷикистон ҳукм гирифтааст, ба Кобул истирдод намуд

Ҷаҳон дар як сатр

29.07.2019


ҲИФЗИ ИҶТИМОӢ. Як нишасти муҳим

ДУШАНБЕ. Рушди саноат дар мадди аввал


Дар сомонаҳои дигари Тоҷикистон хонед