logo

иқтисод

СОҲИБКОРӢ ВА НАҚШИ ОН ДАР РУШДИ ИҚТИСОДИЁТ

Аз ҷониби Фонди дастгирии соҳибкорӣ то аввали моҳи ноябри соли ҷорӣ беш аз 120 миллион сомонӣ қарзҳои имтиёзнок ҷудо шудаанд.
Тибқи иттилои Кумитаи давлатии сармоягузорӣ ва идораи амволи давлатии ҷумҳурӣ, маблағи муқарраршуда барои амалисозии 132 лоиҳаи гуногун, аз ҷумла дастгирии иқтидорҳои хурди истеҳсолӣ дар минтақаҳои кишвар, равона гаштааст.
Ёдрас месозем, ки фонди мазкур дар доираи амалисозии Барномаи давлатии дастгирии соҳибкорӣ барои солҳои 2012-2020 бо мақсади рушди соҳибкории хурду миёна ва дастрасии соҳибкорон ба захираҳои қарзии имтиёзнок таъсис ёфт. То соли 2020 маблағи он бояд ба 1 миллиард сомонӣ расонда шавад.
Фаъолияти соҳибкорӣ дар беҳбудбахшии сатҳу сифати зандагии аҳолӣ муҳим арзёбӣ мегардад. Ҳамзамон соҳибкорон ба навовариҳои илму техника, тағйироти талабот ва вазъи бозори минтақавиву ҷаҳонӣ ба хубӣ мутобиқ шуда, дар ин замина ба роҳ мондани маҳсулоти рақобатпазири ватаниро таъмин менамоянд.
Бо дарки амиқи ҳамаи ин омилҳо Ҳукумати ҷумҳурӣ рушди соҳибкориро яке аз самтҳои афзалиятнок қарор додааст. Ин буд, ки солҳои охир дар ин самт як қатор беҳбудиҳо ҷараён гирифтанд. Ислоҳоти низоми иҷозатдиҳӣ, ки аз ҷониби Ҳукумати Тоҷикистон гузаронда шуд, яке аз ислоҳоти муҳим маҳсуб меёбад. Кам кардани шумораи иҷозатҳо аз 605 то 86 адад намунаи беназир буда, ба ақидаи коршиносони байналмилалӣ, нишондиҳандаи баланди муваффақ будани ислоҳот арзёбӣ гардидааст.
Ҷиҳати мусоидат ба пешрафти минбаъдаи соҳибкорӣ лоиҳаҳои тағйиру иловаҳо ба Кодекси андоз ва қарорҳои Ҳукумати ҷумҳурӣ оид ба такмили низоми андозбандии субъектони ба коркарди сарватҳои зеризаминӣ машғулбуда ва соҳибкорони инфиродӣ таҳия гашта, барои баррасӣ ба вазорату идораҳои дахлдор фиристода шудаанд. Лоиҳаҳои санадҳои мазкур пешниҳодҳои беҳтарсозии маъмурикунонии андоз, сатҳу сифати хизматрасонӣ ба шаҳрвандон ва соҳибкоронро ҳам пешбинӣ намудаанд.  Ғайр аз ин, дар гузориши Гурӯҳи Бонки ҷаҳонӣ оид ба «Пешбурди соҳибкорӣ - 2017: имкониятҳои баробар барои ҳама» Тоҷикистон аз зинаи  130 ба 128 баромад. Ин ба шарофати содагардонии тартиби пардохти андоз муяссар гашт.
Мувофиқи иттилои сомонаи Кумитаи сармоягузорӣ ва идораи амволи давлатии ҷумҳурӣ, пардохтҳои андозӣ аз 31 ба 29 номгӯй кам шуд. Мувофиқи моддаи 51 – и Кодекси андоз аз 1 июли соли 2015 низоми электронии пешниҳоди эъломияҳои андозӣ дар реҷаи он-лайн ва пардохти андозҳо тавассути «Амонатбонк» ҷорӣ гардид. Ин пеш аз ҳама ба кӯтоҳ кардани вақти пардохти андозҳо мусоидат намуд. Тибқи моддаи 252 Кодекси андоз аз 1 январи соли 2015, меъёри андоз аз истифодабарандагони роҳҳои автомобилгард ба андозаи 50 фоиз паст карда, аз аввали соли 2017 пурра хориҷ мешавад. Илова бар ин, бо мақсади иҷрои дастурҳои Роҳбари давлат шумораи эъломияҳои андоз то 41 фоиз, шумораи ҳисоботҳои андозӣ то 86 фоиз ва шумораи умумии пардохтҳои андозӣ то 43 фоиз кам карда шуданд.
Тибқи таҳлилҳои мутахассисон, 90 дарсади субъектҳои хоҷагидор ба бахши хусусӣ рост меояд. Аз онҳо 13,8 дарсадро шахсони ҳуқуқӣ, 49,3 дарсадро соҳибкорони инфиродӣ ва 36,7 дарсадро хоҷагиҳои деҳқонӣ ташкил медиҳанд. Саноати кӯҳӣ, кимиё, сохтмон ва масолеҳи сохтмонӣ, саноати сабук, хӯрокворӣ, кишоварзӣ, коркарди маҳсулоти кишоварзӣ, нақлиёт, иртиботу иттилоот, сайёҳӣ самтҳои самарабахши соҳибкорӣ дар мамлакат маҳсуб меёбанд. Ва барои пешбурди ин навъҳои соҳибкорӣ дар мамлакат имтиёзҳои гуногуни гумрукиву андозӣ пешбинӣ шудаанд ва минбаъд низ дар ин самт сабукиҳо ҷорӣ хоҳанд гашт.
Ш. ҚУРБОН, «Ҷумҳурият»


Баёни ақида (0)    Санаи нашр: 28.12.2016    №: 256-257    Мутолиа карданд: 1850

15.11.2018


Ҳамоиш бахшида ба Рӯзи Президент

Нурдинҷон Исмоилов ба Тоҷикистон меояд

Мулоқоти Зубайдулло Зубайдзода бо Амал Муҷрин ал - Ҳамад

Конференсияи гиромидошти Бобоҷон Ғафуров

Путин ва Абэ дар асоси қатъномаи соли 1956 гуфтушунид хоҳанд кард

Таҳлилгарони Nomura сустшавии суръати рушди иқтисоди ҷаҳониро пешгӯӣ намуданд

Frontex: ба Аврупо омадани гурезаҳо 31 дарсад коҳиш ёфт

Назарбоев соли 2019-ро Соли ҷавонон эълом дошт

Ҷаҳон дар як сатр

14.11.2018


Вусъати корҳои ободонӣ дар ноҳияи Восеъ

Ҷамъоварии $482 миллион ба ёрии мардуми Ироқ

Назарбоев ташкили Созмони амнияти дастаҷамъии Осиёро пешниҳод дорад

Ҷонибдории Ангела Меркел аз ташкили артиши ягонаи аврупоӣ

Дар Тошканд Ҳафтаи соҳибкории глобалӣ шурӯъ шуд

Ҷаҳон дар як сатр

ЧЕМПИОНАТИ ҶАҲОН – 2018. Иштироки се бонуи муштзани тоҷик

БОНКИ МИЛЛӢ. Иқдоми наҷиб

13.11.2018


Мулоқоти Сироҷиддин Муҳриддин ва Юе Бин

Баимзорасии ёддошти тафоҳум

Нақшаи чорабиниҳои амалӣ намудани корҳои ободонию бунёдкорӣ дар давраи солҳои 2019 – 2021 тасдиқ гардид

БӮСТОН. Таҷдиди шуъбаи урология

ВАҲДАТ. 5 иншооти ҷашнӣ ба истифода дода шуд

ЁВОН СИМОИ ТОЗА МЕГИРАД

НОҲИЯИ ШАМСИДДИНИ ШОҲИН. Кӯшишҳо самар медиҳанд

"Дар ин дунё Карим Девонае буд"

Ҳузури бераводиди тоҷикистониён дар Туркия 3 баробар дароз шуд

Аврупо дар бозёбии партовҳои уран дар Тоҷикистон саҳм мегирад

Москва аз ҷумлаи даҳ шаҳри беҳтарини дунёст

Гунаҳгорони ҳалокати 52 ӯзбекистонӣ зиндонӣ шуданд

Чин дар ҷаҳон калонтарин воридкунандаи газ

Ҷаҳон дар як сатр

ҚУБОДИЁН. 48 медали варзишгарон дар нуҳ моҳ

12.11.2018


Дар Париж ҳамоиши сулҳ ифтитоҳ ёфт

Бо эҳтимоми ҳукумати Ҳиндустон нархи сӯзишворӣ арзон мешавад


Дар сомонаҳои дигари Тоҷикистон хонед