logo

иқтисод

СУҒД. СОЗАНДАГӢ ВУСЪАТ МЕЁБАД

Имрӯзҳо сохтмончиёни вилояти Суғд амалисозии дастуру супоришҳои Пешвои миллат муҳтарам Эмомалӣ Раҳмонро оид ба вусъат додани корҳои ободонию созандагӣ сармашқи фаъолияти худ қарор дода, баҳри иҷрои рисолати пуршарафи хеш – ободониву бунёдкорӣ талош доранд. Дар оғози сол бинокорон дар деҳаи Хиштхонаи ноҳияи Ашт бинои мактаби замонавиро бунёд карданд. Мактаби нав аз 3 ошёна, 18 синфхона, се ҳуҷраи корӣ, толори варзиш бо 220 ҷойи нишаст ва китобхона иборат буда, дар он барои таҳсили 540 хонанда шароити арзанда фароҳам оварда шудааст.

Чунин як бинои таълимӣ дар деҳаи Андарвашти Ҷамоати деҳоти Оббурдони ноҳияи Мастчоҳ низ мавриди баҳрабардорӣ қарор дода шуд. Мактаби мазкур аз ду ошёна ва таҳхона иборат буда, барои 240 нафар хонанда дар як баст пешбинӣ шудааст. Бино дорои 15 синфхона, аз ҷумла синфхонаи компютерӣ бо тахтаи электронӣ ва синфхонаи физикаю биология бо навтарин аёниятҳои таълимӣ муҷаҳҳаз мебошад. Соли 2016 барои сокинони вилоят бо назардошти дастовардҳои бузург хотирмон аст. Ин ҷо баробари мактабу марказҳои хизматрасонӣ, ҳамчунин як иншооти фарҳангии ду ошёна бо 800 ҷойи нишаст, ҳуҷраҳои корӣ, толорҳои хурди варзишӣ, толори маҷлис ва таҳхона ба истифода дода шуд. Бино бо санъати меъмории миллӣ сохта шуда, кори сохтмончиён аз ҷониби Сарвари давлат баҳои баланд гирифт. Ғайр аз ин, дар маркази шаҳраки Бӯстони ноҳияи Мастчоҳ аз ҷониби бинокорон хиёбони марказӣ ва боғи фарҳангию фароғатӣ навсозӣ гардида, он ба як мавзеи дилфиребу маҳали сайру гашти сокинону меҳмонони ноҳия табдил ёфт.
Чанд соли ахир дар вилояти Суғд дар фазои орому осудагии кишвар сохтмони шаҳракҳои наву замонавӣ вусъати тоза пайдо намуд. Президенти мамлакат муҳтарам Эмомалӣ Раҳмон ба бунёди шаҳракҳои замонавии Сайҳун ва Баҳористон санги асос гузошта буданд. Ҳоло сокинон дар ин ҷо ба сохтмони манзилҳои истиқоматӣ машғуланд. Беш аз 1000 нафар одамони касбу кори гуногун барои бунёди манзили истиқоматӣ дар ин мавзеъ соҳиби қитъаи замин шуданд.
Дар масоҳати 330 гектар дар ҳудуди Ҷамоати деҳоти Суғдиён низ як шаҳраки наву замонавии Меҳробод бунёд мегардад, ки аз рӯйи нақша дар он бояд 18 километр дуртар аз маркази ноҳияи Мастчоҳ 220 манзили дуқабата ва 2500 манзили зисти якқабата сохта шавад. Бо заҳматҳои сохтмончиён дар шаҳрак аллакай беш аз 1,5 километр роҳ мумфарш гардида, хатҳои интиқоли барқ ва лӯлаҳои об кашида шуданд. Айни замон, дар шаҳракҳои нав корҳои ободонию созандагӣ бомаром ҷараён доранд.
ҶДММ «Суғдшаҳрофар» дар давоми ду - се соли охир аз ҷумлаи муваффақтарин дар соҳаи меъмориву лоиҳакашии вилоят ба ҳисоб рафта, ғолибияти  мутахассисонаш дар чандин озмуну музоядаҳо тақвиятбахши гуфтаҳои болоянд.
Муъминҷон Бобоев, сардори  корхона, аз он изҳори қаноатмандӣ менамояд, ки теъдоди муроҷиаткунандагон-муштариён барои таҳияи лоиҳаҳои иншооти гуногун дар вилоят сол то сол меафзояд. Танҳо дар 11 моҳи соли равон ба  маблағи 1 миллиону 800 ҳазор сомонӣ корҳои тарҳсозӣ анҷом дода шуд. Нақши меъморони «Суғдшаҳрофар» дар тарҳи иншооти ҷашнии Маҷмааи таърихиву фарҳангии «Истиқлол» дар маркази шаҳри Хуҷанд, мактабҳои замонавӣ дар навоҳии Кӯҳистони Мастчоҳу Спитамен, биноҳои истиқоматӣ дар шаҳраки навбунёди Сайҳун, азнавсозии фурудгоҳи байналмилалии Хуҷанд, хати оби нӯшидании Деҳмой-Хуҷанд, омодасозии лоиҳа бо фармоиши Бонки рушди Аврупо оид ба беҳтар кардани хати обу ташноби маркази вилоят ва биноҳои зиёди маъмурӣ хеле назаррас аст, - иброз дошт Муъминҷон Бобоев.
   - Соле, ки сипарӣ мешавад, воқеан ҳам бо файзу баракат буд, -  гуфт  Тоҳирҷон Қудратов, сардори идораи сохтмони асосии вилоят. -  То моҳи декабри соли равон аз ҷониби сохтмончиён ба маблағи зиёда аз 23,5 миллион сомонӣ корҳои сохтмонӣ, бунёдкорӣ, таъмиру тармим анҷом дода шуданд, ки нишондиҳандаи баланд дар солҳои охир маҳсуб меёбад.
Ҷовиди АШТӢ, «Ҷумҳурият»


Баёни ақида (0)    Санаи нашр: 28.12.2016    №: 256-257    Мутолиа карданд: 1885

19.02.2019


МАКТАБИ ДАВЛАТДОРИИ ЭМОМАЛӢ РАҲМОН. ЯК ҲАМОИШИ МУҲИМ

Баррасии масъалаҳои рушди сайёҳӣ

Вохӯрии Низомиддин Зоҳидӣ бо Мазен Шамия

Дурнамои рушди муносибатҳо матраҳ гардид

ҶОМИ КУШОДАИ АВРУПО. Муҳаммадризо Қувватов медали биринҷӣ ба даст овард

Авҷи ниҳолшинонӣ

Саҳми соҳибкорон дар ободии деҳот

Ҳамкории тиҷоратию иқтисодии Чин ва Россия густурдатар мегардад

Сарвар Дониш: «Музокироти сулҳ бидуни ҳукумат қурбе надорад»

«Туҳфаи шоҳона» - и Арабистони Саудӣ ба шаҳрвандони Покистон

Дар Қазоқистон маркази амнияти иттилоотӣ ифтитоҳ меёбад

Сокини навраси Шимкент ду нафарро аз сӯхтор наҷот дод

Ҷаҳон дар як сатр

18.02.2019


Боздиди Азим Иброҳим аз ҷараёни корҳои сохтмонӣ

ВКД Ҷиноятҳо 83,6 дарсад ошкор шуданд

Вазорати молия. Барои дастгирии буҷет маблағи бештар ҷалб хоҳад гашт

«BISHKEK OPEN – 2019». Дурахши каратэ-дочиёни навраси тоҷик

«МОҲИЯТ ВА ТАЪЙИНОТИ МАТБУОТИ МАҲАЛЛӢ»

РОҒУН. Ободонӣ вусъат меёбад

АНДОЗ. Нақша 100, 6 дарсад иҷро гардид

ТОҶИКИСТОНУ ӮЗБЕКИСТОН. Гардиши савдо ду баробар афзуд

Тоҷикистон миёни кишварҳои ИДМ ба афзоиши баландтарини ММД муваффақ гашт

Дар Тошканд конфронси байналмилалӣ оид ба Осиёи Марказӣ баргузор мегардад

Қасри сафед: "Музокироти тиҷоратӣ дар Пекин ба пешравӣ мусоидат кард"

Трамп мехоҳад ҷангиёни «Давлати исломӣ» - ро ба Аврупо барои суд кардан баргардонад

Кумитаи амнияти иттилоотии Қазоқистон беш аз 90 сомонаи хавфнокро ошкор сохт

Ҷаҳон дар як сатр

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд


Дар сомонаҳои дигари Тоҷикистон хонед