logo

иқтисод

КИШТИ БАҲОРӢ ДАР ВАНҶУ ДАРВОЗ

Дар минтақаҳои қисмати ғарбии Вилояти Мухтори Кӯҳистони Бадахшон - ноҳияҳои Дарвозу Ванҷ  баъди борону барфрезиҳои зиёд кишоварзон аз рӯзҳои бебориши арафаи соли нави 2017 истифода бурда, як қатор корҳои омодагӣ ба фасли баҳорро аллакай оғоз кардаанд. Онҳо аз ҳадяҳои табиати кӯҳистон - рӯзҳои офтобии зимистон самаранок истифода мебаранд.

Бино ба гуфтаи Содиқ Абдусамадов, сардори идораи кишоварзии ноҳияи Ванҷ,  аҳли заҳмати ин ноҳия то оғози  хунукиҳои шадид тавонистанд, ки  дар майдони бештар аз  340 гектар зироатҳои ғалладона кишт намоянд. Ин нисбат ба ҳамин давраи соли гузашта  26 гектар зиёдтар мебошад. Ҳамчунин, бештар аз 760  гектар замин хушсифат шудгор шуд. Боғдорон ҳам баъди ҷамъоварии ҳосили фаровон таҷрибаи солҳои  гузаштаро идома дода, дар охирин рӯзҳои фасли тирамоҳ бештар аз  2 ҳазор бех ниҳол, асосан себу нок  ва зардолу шинонданд. Дар   хоҷагиҳои деҳқонӣ ва инфиродии ҷамоатҳои деҳоти Водхуд, Язгулом ва ба номи  Муҳаммадулло Абдуллоев кишт ва шудгори тирамоҳӣ пурра ба анҷом расидааст. Инчунин, дар хоҷагиҳои деҳқонӣ ва хусусии водии баландкӯҳи Ванҷи Боло низ то саросар барфпӯш гаштани ин минтақаи баландкӯҳ  қисми зиёди заминҳо хушсифат шудгор шудаанд.
Ҳамзамон сарвари идораи кишоварзӣ гуфт, ки аҳли деҳот тамоми фасли сол аз пайи иҷрои корҳои хоҷагӣ мебошанд. Дар қисматҳои поёнии ноҳия ба сари заминҳо садҳо тонна пору кашонда мешавад. Ба боғистонҳо, ки дар ноҳияи Ванҷ зиёда аз 820 гектарро ташкил медиҳанд, яхоб мемонанд. Кишоварзон  пешакӣ тухмии хушсифатро  омода кардаанд, механизаторон трактору плугҳо ва дигар техникаи кишткунандаро  таъмир, сӯзишворӣ ва қисмҳои эҳтиётиро захира карда, ба кишту кори баҳорӣ омодагӣ мегиранд.
    Тибқи иттилои Нурмуҳаммад Додов, сардори идораи кишоварзии ноҳияи Дарвоз, аз рӯи анъана фарорасии фасли баҳоронро аҳли деҳот интизорӣ намекашанд. Чунки ин минтақаи Бадахшон  табиати нарм ва гарм  дорад.  Аз ин ҷост, ки имрӯзҳо дар деҳоти қисматҳои поёнии ноҳия, ба истиснои 17 деҳаи ҳудуди Ҷамоати деҳоти Сағирдашт, ки он ҷо фасли сармо 6 моҳ тӯл мекашад, кишоварзони хоҷагиҳои деҳқонии ҷамоатҳои деҳоти Қалъаи Хумб, Нулванд ва Вишхарв    аз рӯзҳои бебориши арафаи соли нави 2017  истифода мебаранд ва роҳи  саҳроро дар рӯзҳои бебориш пеш мегиранд. 
Сироншоҳи ДИЛОВАР, «Ҷумҳурият»


Баёни ақида (0)    Санаи нашр: 28.12.2016    №: 256-257    Мутолиа карданд: 1955

21.02.2019


ХУҶАНД. Оғози сохтмони бинои нави «Тоҷикстандарт»

ФУТБОЛ. Тақвими бозиҳои тими мунтахаби олимпии кишвар муайян гардид

Табибон аз Тотористон бо ҳампешаҳои тоҷики худ мубодилаи таҷриба мекунанд

Роҳандозии лоиҳаҳои инноватсионӣ дар Қазоқистон

Дар Ҳиндустон 13 иштирокдори тӯй зери чархи мошини боркаш монд

Сӯхтор сабабгори марги ҳафт кӯдак дар Канада

Ҷаҳон дар як сатр

19.02.2019


МАКТАБИ ДАВЛАТДОРИИ ЭМОМАЛӢ РАҲМОН. ЯК ҲАМОИШИ МУҲИМ

Баррасии масъалаҳои рушди сайёҳӣ

Вохӯрии Низомиддин Зоҳидӣ бо Мазен Шамия

Дурнамои рушди муносибатҳо матраҳ гардид

ҶОМИ КУШОДАИ АВРУПО. Муҳаммадризо Қувватов медали биринҷӣ ба даст овард

Авҷи ниҳолшинонӣ

Саҳми соҳибкорон дар ободии деҳот

Ҳамкории тиҷоратию иқтисодии Чин ва Россия густурдатар мегардад

Сарвар Дониш: «Музокироти сулҳ бидуни ҳукумат қурбе надорад»

«Туҳфаи шоҳона» - и Арабистони Саудӣ ба шаҳрвандони Покистон

Дар Қазоқистон маркази амнияти иттилоотӣ ифтитоҳ меёбад

Сокини навраси Шимкент ду нафарро аз сӯхтор наҷот дод

Ҷаҳон дар як сатр

18.02.2019


Боздиди Азим Иброҳим аз ҷараёни корҳои сохтмонӣ

ВКД Ҷиноятҳо 83,6 дарсад ошкор шуданд

Вазорати молия. Барои дастгирии буҷет маблағи бештар ҷалб хоҳад гашт

«BISHKEK OPEN – 2019». Дурахши каратэ-дочиёни навраси тоҷик

«МОҲИЯТ ВА ТАЪЙИНОТИ МАТБУОТИ МАҲАЛЛӢ»

РОҒУН. Ободонӣ вусъат меёбад

АНДОЗ. Нақша 100, 6 дарсад иҷро гардид

ТОҶИКИСТОНУ ӮЗБЕКИСТОН. Гардиши савдо ду баробар афзуд

Тоҷикистон миёни кишварҳои ИДМ ба афзоиши баландтарини ММД муваффақ гашт

Дар Тошканд конфронси байналмилалӣ оид ба Осиёи Марказӣ баргузор мегардад

Қасри сафед: "Музокироти тиҷоратӣ дар Пекин ба пешравӣ мусоидат кард"

Трамп мехоҳад ҷангиёни «Давлати исломӣ» - ро ба Аврупо барои суд кардан баргардонад

Кумитаи амнияти иттилоотии Қазоқистон беш аз 90 сомонаи хавфнокро ошкор сохт

Ҷаҳон дар як сатр


Дар сомонаҳои дигари Тоҷикистон хонед