logo

ҳуқуқ

САРҲАД. ТИРИ ҚОЧОҚЧИЁН ХОК ХӮРД

Соли 2016 хизматчиёни ҳарбии Қӯшунҳои сарҳадии Кумитаи давлатии амнияти миллии Ҷумҳурии Тоҷикистон дар ҳамдастӣ бо дигар мақомоти қудратии мамлакат аз қочоқчиён ба миқдори 904 килограмму 240 грамм маводи нашъаовар дарёфт ва мусодира намуданд.

Аз Маркази матбуоти Қӯшунҳои сарҳадӣ ба мо хабар доданд, ки соли равон доир ба ҳифзи сарҳади давлатӣ, ки меҳвари фаъолияти  ҳайати шахсӣ ва хизматчиёни ҳарбии ин ниҳод мебошад, корҳои назаррас анҷом дода шуданд. Марзбонони тоҷик дар доираи иҷрои рисолати худ оид ба муҳофизати сарҳади давлатӣ 598 нафар марзшиканро боздошт ва аз 14 ҳолати кӯшиши убури ғайриқонунӣ ҷилавгирӣ карданд.
Бино ба иттилои Муҳаммад Улуғхоҷаев, роҳбари Маркази матбуоти Қӯшунҳои сарҳадӣ, соли равон дар сарҳади давлатӣ бо қочоқчиёни маводи мухаддир 27 маротиба даргирии мусаллаҳона ба амал омада, 14 қочоқчӣ безарар, 6 нафар захмӣ ва 18 тани дигар дастгир шуданд. Дар натиҷаи амалиётҳои анҷомшуда 27 адад яроқи оташфишони тамғаҳои гуногун, 1310 дона тир, 3 адад норинҷаки дастӣ, 296 килограмм маводи тарканда дарёфт ва мусодира гардидааст.
Соли равон аз қочоқчиёни молҳои ниёзи мардум  86,5 тонна сӯзишвории дизелӣ, 36,5 тонна бензин, 30 тонна гази моеъ, 14 тонна ангиштсанг, 15 тонна пиёз, 17,5 тонна меваи хушк, 18,6 тонна орд, 378 сар моли майда ва калони шохдор дарёфту мусодира гашт. Дар ин робита, аз қочоқчиёни молу колои гуногун зиёда аз 140 000 сомонӣ ҷарима ба фоидаи давлат ситонда шуд. 
Ҳушёриву зиракии сарҳадбонони тоҷик дар ҳолест, ки Қӯшунҳои сарҳадӣ сол ба сол иқтидори бештари мудофиавӣ касб намуда, дидбонгоҳҳои наву замонавӣ бунёд ва бо таҷҳизоти муосир таъмин мешаванд. Чунончи, соли 2016 дар Қӯшунҳои сарҳадии Кумитаи давлатии амнияти миллии Ҷумҳурии Тоҷикистон 7 адад дидбонгоҳи нав мавриди истифода қарор гирифт. Дидбонгоҳҳо дорои дафтари корӣ, хобгоҳ, синфхонаҳои таълимиву компютерӣ, китобхона, хонаи фароғатӣ ва ҳаммому майдончаҳои варзишианд. Бино ба таъкиди масъулони Маркази матбуоти Қӯшунҳои сарҳадӣ, сохтмони дидбонгоҳҳо бо дастгирии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон аз тарафи Дирексияи сохтмонии иншоотҳои ҳукуматии Дастгоҳи иҷроияи Президенти Ҷумҳурии Тоҷикистон бунёд гардидаанд.
Ҳамзамон, дар доираи ҳамкориҳои судманди ҳарбию техникӣ миёни Ҷумҳурии Тоҷикистон ва Иёлоти Муттаҳидаи Амрико аз ҷониби Ҳукумати ИМА ба Қӯшунҳои сарҳадӣ 59 адад нақлиёти гуногунтамға, 286 маҷмӯи лавозимоти зарурӣ барои сарҳадбонон, 930 маҷмӯи воситаи алоқа ва дигар таҷҳизоти зарурии хизматӣ - ҳарбӣ тақдим шудааст.
Ҷамъбасти фаъолият нишон медиҳад, ки соли ҷорӣ сатҳи ҷинояткорӣ дар байни хизматчиёни ҳарбии Қӯшунҳои сарҳадӣ коҳиш ёфтааст. Ба гуфтаи Муҳаммад Улуғхоҷаев, тақвияти корҳои инфиродӣ -тарбиявӣ дар байни сарбозону афсарон ба ин омил мусоидат кардааст.
Фирӯзи РАҲМОНИЁН, “Ҷумҳурият”


Баёни ақида (0)    Санаи нашр: 28.12.2016    №: 256-257    Мутолиа карданд: 3014

23.04.2019


ДЗЮ – ДО. Медали нуқраи Темур Раҳимов аз Чемпионати Осиё

Тиб. Муваффақияти камназири ҷарроҳони рус

Пирӯзии Зеленский дар интихоботи Украина

Фоҷиа дар Шри-Ланка Теъдоди қурбониён ба 300 нафар расид

Лукашенко Россияро ҳомии истиқлолияти Беларус номид

Ёрии низомию техникии Қазоқистон ба Тоҷикистон

Ҷаҳон дар як сатр

22.04.2019


НИММАРАФОНИ БАЙНАЛМИЛАЛИИ ДУШАНБЕ. Фенти Тилахан дар мақоми аввал

Ваҳдат ҳусни тоза мегирад

ХОРУҒ. Бунёди бинои шабакаи ёрии таъҷилӣ

19.04.2019


Вохӯрии Сироҷиддин Муҳриддин бо Жан - Батист Лемуан

Пойтахт ба таҷлили Рӯзи Ғалаба омодагӣ мебинад

Масоили рушди соҳаи маориф матраҳ гардид

Дар Донишгоҳи давлатии Данғара конфронси ҷумҳуриявӣ доир мешавад

Душанбе варзишгарони 15 кишварро ба ҳам меорад

Ҷаҳон дар як сатр

18.04.2019


ҶОМИ АФК. Пирӯзии "Хуҷанд" ва мусовии "Истиқлол"

МУЪМИНОБОД. 221 иншоот дар се сол

РАШТ. Боғистон доман паҳн мекунад

17.04.2019


БУҶЕТИ ДАВЛАТӢ . Ба қонун иловаҳо ворид шуданд

ДМТ. Як нишасти муҳим

Хонандагони Душанбе пешсафи олимпиадаҳои ҷумҳуриявӣ

Армуғон барои дӯстдорони ҷуғрофия

ҶОМИ ОСИЁ. Паҳлавонони тоҷик соҳиби 5 медал

Ҷаҳон дар як сатр

16.04.2019


Вохӯрии Саидзода Зоҳир Озод бо Аскар Таҷибаев

Баррасии масоили мубрам

Ҳамоиш бахшида ба оғози расмии Солҳои рушди деҳот, сайёҳӣ ва ҳунарҳои мардумӣ

Калонтарин тайёра дар дунё ба ҳаво хест

Дар Қазоқистон онлайн-қаллобон фаъол мешаванд

Дар СММ аз манфиати лоиҳаи «Камарбандҳо ва роҳҳо» сухан рафт

Аз таркиш дар Афғонистон ҳафт кӯдак ҳалок гашт

Филмҳои ду коргардони тоҷик барои Фестивали кинои мусалмонӣ интихоб шуданд

Ҷаҳон дар як сатр


Дар сомонаҳои дигари Тоҷикистон хонед