logo

сиёсат

ҲУКУМАТИ ЭЛЕКТРОНӢ. ДАР ТОҶИКИСТОН ЗАМИНАИ ОН ГУЗОШТА ШУДААСТ

Ҳукумати электронӣ усули пешниҳоди  иттилоот ва расондани маҷмӯи хизматҳои ташкилшудаи давлатӣ ба шаҳрвандон дар соҳаҳои иҷтимоию иқтисодӣ, дигар шохаҳои ҳокимияти давлатӣ ва хизматчиёни давлатӣ мебошад, ки дар ҷараёни он муомилоти бевоситаи аризадиҳанда ва намояндаи давлат як андоза коҳиш дода шуда, истифода аз васоити технологияи иттилоотӣ васеъ ба роҳ монда мешавад. Ташкили ҳукумати электронӣ бунёди низоми муайяни умумидавлатии идораи ҷамъиятиро пешбинӣ менамояд, ки ҳалли маҷмӯи вазифаҳои вобаста ба идораи аснод ва ҷараёни коркарди онҳоро дар бар мегирад.
Ин система ба баланд бардоштани самаранокии идораи давлатӣ ва коҳиши хароҷоти иҷтимоию коммуникатсионии аҳолии кишвар мусоидат менамояд. Санадҳои меъёрии ҳуқуқии қабулгардида, назири Қарори Ҳукумати Ҷумҳурии Тоҷикистон «Дар бораи тасдиқи Барномаи давлатии рушд ва татбиқи технологияҳои иттилоотию коммуникатсионӣ дар Ҷумҳурии Тоҷикистон» аз 3 декабри соли 2004, Қонуни Ҷумҳурии Тоҷикистон «Дар бораи имзои электронии рақамӣ» ба рушди ҳукумати электронӣ равона гардидаанд. Таваҷҷуҳ ба якчанд истилоҳот, ки дар раванди дарки ҳукумати электронӣ истифода мешаванд, кори шаҳрвандро осон мегардонад. Масалан, сайт, вебсайт, торнамо ва ё сомона ҳама ифодакунандаи як мафҳуманду таҳти суроғае, ба мисли http://www.did.tj/ қарор дошта метавонанд. Сомонаи мазкур ба Донишкадаи идоракунии давлатии назди Президенти Ҷумҳурии Тоҷикистон  тааллуқ дорад. Портал ё “Даромадгоҳи асосӣ”. Мисолаш барномаи ҷустуҷӯии маъруфи Гугл - http://www.google.com/ буда метавонад.
Ҳукумати электронӣ дастрасии хизматрасониҳои давлатӣ ба тамоми субъектҳои он (сохтори давлатию хусусӣ ва ҷомеаи шаҳрвандӣ) мутобиқи принсипи “ҳар замон” ва “аз ҳар макон” мебошад. Иродаи сиёсии мунтазам такмилёбанда, бозсозӣ ва ё такмили раванди фаъолияти мақомоти давлатӣ дар ҷараёни татбиқ, тавонмандии кадрӣ, ҳамкории ҷонибҳои ҳавасманд (шаҳрванд, сохтори хусусӣ, созмонҳои ҷамъиятӣ) омилҳои таҳрикдиҳандаи ин система ба шумор мераванд.
Имрӯз бештари хизматрасониҳои электронии хусусӣ, ба монанди харидани чиптаи электронӣ, пардохтҳои гуногун тавассути терминалҳои бонкӣ, мобилӣ, интиқоли пулӣ, эълонҳои электронӣ, хариду фурӯши мавод тавассути шабакаҳои электронӣ ба як чизи муқаррарӣ табдил ёфтааст. Ва, хушбахтона, бештари муштариёни бозори интернету алоқаи мобилии кишвар ба хубӣ аз ин хизматрасониҳо огоҳ ҳастанду аз онҳо бархӯрдоранд. Ҳоло шаҳрвандон метавонанд аз дилхоҳ гӯшаи кишвар нома, арзу шикоят ва дархости худро нисбат ба хизматрасониҳои гуногуни ҷамъиятию давлатӣ ба сомона ва суроғаҳои электронии мақомоти дахлдор бифиристанд ва ҷавоби худро бигиранд. Дастрасӣ ба чунин хизматрасонӣ дар сомонаи Президенти Ҷумҳурии Тоҷикистон http://www.president.tj ба таври мукаммал ба роҳ монда шудааст.
Дастрасӣ ба хизматрасониҳои коммуналӣ дар сомонаи www.mometavonem.tj дар шаҳри Душанбе низ нишонаи ҳукумати электронист. Хизматрасониҳои хоҷагии коммуналии пойтахт тавассути ин лоиҳа ба роҳ монда шуда, имкон медиҳад, ки сокинони пойтахт дар беҳтар намудани сифати хизматрасонӣ шарики мақомоти давлатӣ бошанд.
Консепсияи ташаккули ҳукумати электронӣ дар Ҷумҳурии Тоҷикистон, бешубҳа, дар рушди фазои иттилоотии кишвар, бахусус ташаккул ва рушди фарҳанги иттилоотӣ дар даврони рақамӣ саҳмгузор мебошад. Санади мазкур аз ҳадафу афзалиятҳои миллӣ иборат мебошад. Аз ҷумла таҳким бахшидани пойдории иҷтимоиву сиёсӣ ва расидан ба рушди иқтисоду беҳдошти иҷтимоии мардуми Тоҷикистон дар фазое, ки ба волоияти принсипҳои иқтисод, озодӣ, шарафи инсон ва таъмини имконоти баробар барои ҳар як шахс баҳри татбиқи тавонмандиаш асос ёфтааст, муҳити технологиро фароҳам меорад. Зеро ислоҳоти идоракунии давлатӣ бо назардошти ташаккул додани низоми рушди миллӣ дар кишвар ва электронӣ кардани коргузориҳо омилҳои асосии шаффофият, масъулиятшиносӣ ва мубориза бо коррупсия мебошанд.
Бо назардошти воқеияти кунунии кишвар, бахусус дастовардҳои технологии бозори мобилии ватанӣ ва такя ба қонеъ гардондани ниёзи шаҳрвандон, бавижа шаҳрвандони хориҷӣ тавассути хизматрасониҳои электронӣ, инкишофи босуръату бобарори ҳукумати электронӣ имконпазир аст. Ҳамин тавр, ҳамкории ҷонибҳо (Ҳукумат ва шаҳрванд) Тоҷикистонро дар самти бунёди ҳукумати электронӣ таҳрик бахшида,  ба як кишвари транзитии коммуникатсионӣ мубаддал хоҳад кард.
Силмон МАВЛОНАЗАРОВ,
устоди Донишкадаи идоракунии давлатии назди Президенти Ҷумҳурии Тоҷикистон


Баёни ақида (0)    Санаи нашр: 28.12.2016    №: 256-257    Мутолиа карданд: 1867

15.11.2018


Ҳамоиш бахшида ба Рӯзи Президент

Нурдинҷон Исмоилов ба Тоҷикистон меояд

Мулоқоти Зубайдулло Зубайдзода бо Амал Муҷрин ал - Ҳамад

Конференсияи гиромидошти Бобоҷон Ғафуров

Путин ва Абэ дар асоси қатъномаи соли 1956 гуфтушунид хоҳанд кард

Таҳлилгарони Nomura сустшавии суръати рушди иқтисоди ҷаҳониро пешгӯӣ намуданд

Frontex: ба Аврупо омадани гурезаҳо 31 дарсад коҳиш ёфт

Назарбоев соли 2019-ро Соли ҷавонон эълом дошт

Ҷаҳон дар як сатр

14.11.2018


Вусъати корҳои ободонӣ дар ноҳияи Восеъ

Ҷамъоварии $482 миллион ба ёрии мардуми Ироқ

Назарбоев ташкили Созмони амнияти дастаҷамъии Осиёро пешниҳод дорад

Ҷонибдории Ангела Меркел аз ташкили артиши ягонаи аврупоӣ

Дар Тошканд Ҳафтаи соҳибкории глобалӣ шурӯъ шуд

Ҷаҳон дар як сатр

ЧЕМПИОНАТИ ҶАҲОН – 2018. Иштироки се бонуи муштзани тоҷик

БОНКИ МИЛЛӢ. Иқдоми наҷиб

13.11.2018


Мулоқоти Сироҷиддин Муҳриддин ва Юе Бин

Баимзорасии ёддошти тафоҳум

Нақшаи чорабиниҳои амалӣ намудани корҳои ободонию бунёдкорӣ дар давраи солҳои 2019 – 2021 тасдиқ гардид

БӮСТОН. Таҷдиди шуъбаи урология

ВАҲДАТ. 5 иншооти ҷашнӣ ба истифода дода шуд

ЁВОН СИМОИ ТОЗА МЕГИРАД

НОҲИЯИ ШАМСИДДИНИ ШОҲИН. Кӯшишҳо самар медиҳанд

"Дар ин дунё Карим Девонае буд"

Ҳузури бераводиди тоҷикистониён дар Туркия 3 баробар дароз шуд

Аврупо дар бозёбии партовҳои уран дар Тоҷикистон саҳм мегирад

Москва аз ҷумлаи даҳ шаҳри беҳтарини дунёст

Гунаҳгорони ҳалокати 52 ӯзбекистонӣ зиндонӣ шуданд

Чин дар ҷаҳон калонтарин воридкунандаи газ

Ҷаҳон дар як сатр

ҚУБОДИЁН. 48 медали варзишгарон дар нуҳ моҳ

12.11.2018


Дар Париж ҳамоиши сулҳ ифтитоҳ ёфт

Бо эҳтимоми ҳукумати Ҳиндустон нархи сӯзишворӣ арзон мешавад


Дар сомонаҳои дигари Тоҷикистон хонед