logo

порлумон

ТОҶИКИСТОН БА МАМЛАКАТИ ИНДУСТРИАЛӢ - АГРАРӢ ТАБДИЛ МЕЁБАД

Президенти Ҷумҳурии Тоҷикистон, Пешвои миллат  муҳтарам Эмомалӣ Раҳмон дар Паёми имсолаашон ба Маҷлиси Олӣ иброз намуданд, ки яке аз ҳадафҳои стратегии кишвар ин саноатикунонии мамлакат мебошад, яъне аз кишвари аграрӣ - саноатӣ ба кишвари индустриалӣ - аграрӣ табдил додани Тоҷикистон аст.  Ҳамаи мо шоҳиди ҳол ҳастем, ки ба истифода додани корхонаҳои саноатӣ, неругоҳҳои барқи обӣ бо нақшаи стратегии Пешвои миллат зина ба зина амалӣ шуда истодааст ва он рӯз дур нест, ки Тоҷикистони азизи мо пурра ба мамлакати индустриалӣ - аграрӣ табдил меёбад.

Ин матлабро Акрамшо Фелалиев, муовини Раиси Маҷлиси намояндагони Маҷлиси Олӣ, зимни баррасии «Иҷрои Буҷети давлатии Ҷумҳурии Тоҷикистон ҷиҳати маблағгузории «Барномаи давлатии рушди соҳаи геологияи Ҷумҳурии Тоҷикистон барои солҳои 2012  - 2020» ва ҳисоботи ташаббуси шаффофият дар соҳаи истихроҷ дар Ҷумҳурии Тоҷикистон»  дар ҷаласаи муҳокимаи ошкорои парлумонӣ ироа дошт. Зикр гардид, ки ҷиҳати рушди соҳаҳои саноат дар заминаи истифодаи захираҳои маъдани маҳаллӣ оид ба корҳои ҷустуҷӯию иктишофии сарватҳои зеризаминӣ барномаи мазкур таҳия гардидааст.  Дар ин самт Саридораи геология сиёсати давлатиро дар идора ва танзими омӯзиши геологияи қаъри замин, истифодаи самаранок ва аз нав барқароркунии захираҳои ашёи минералиро татбиқ намуда, фонди давлатии иттилоотии геологӣ оид ба қаъри замини Тоҷикистонро пеш мебарад.
Садриддин Шарифов,  раиси кумитаи Маҷлиси намояндагон оид ба энергетика, саноат, сохтмон ва коммуникатсия, иброз дошт, ки айни замон дар зери замини кишвар беш аз 600 кон ва 800 зуҳуроти канданиҳои фоиданок кашф ва омӯхта  шудаанд. Ин конҳо ангишт, сурб, руҳ, мис, висмут, сурма, симоб ва дигар металлҳои асил буда, зиёда аз 50 намудро ташкил медиҳанд. Ҳадафи асосоии «Барномаи давлатии рушди соҳаи геологияи Ҷумҳурии Тоҷикистон барои солҳои 2012  - 2020»  афзун гардондани заминаи ашёи минералӣ ҷиҳати мунтазам фаъолият намудани корхонаҳои амалкунанда, бунёдшаванда ва банақшагирифташуда буда, ба таъмини талаботи саноати кишвар ба захираҳои ашёи минералӣ ва кам кардани вобастагии иқтисодиёти ҷумҳурӣ аз воридоти ашёи маъданӣ вобастагӣ дорад. Омӯзиши кон ва зуҳуроти тилло метавонад ҷумҳуриро ба кишвари дорои захираҳои бойи тиллодошта табдил диҳад. 
Дар муҳокимаи парлумонӣ зикр шуд, ки яке аз маъданҳои асосӣ ҷиҳати истеҳсоли гилхок, ки барои ширкати «ТАЛКО» зарур аст, ин боксит буда, захирааш дар ҷаҳон кам шуда истодааст. Боксити баландсифат асосан дар кишварҳои Австралия, Гвинея, Бразилия (71,2 дарсад  истихроҷи боксит дар ҷаҳон) ва Ямайка, Суринам, Гайана (15,5 дарсад)  истеҳсол мешавад, ки ворид намудани он ба ҷумҳурӣ кори осон нест. Аз ин рӯ, тақозои замон аст, ки дар Тоҷикистон маъдани хокаи алюминийдор омӯзиш, кашф ва мавриди истифода қарор дода шавад. Дар ин росто, ҷустуҷӯи ашёи дорои алюминий дар се минтақаи алоҳида - Бодомдара, Зонг ва Курговати  (Дарвоз)  Помири Ғарбӣ  гузаронда шуд. Аз ин минтақаи Курговат ояндадор арзёбӣ мегардад. Солҳои 2012 - 2013 тадқиқоти озмоишӣ бо мақсади ҳосил кардани алюминий аз маъданҳои кони Курговат дар озмоишгоҳи марказии Саридораи геологияи назди Ҳукумати Ҷумҳурии Тоҷикистон  гузаронда шуд, ки дар натиҷа аз ин маъданҳо окиси алюминий ба даст омада, схемаи ҷудокунии алюминий коркард гашт.
Мунаввари САФАР,  «Ҷумҳурият»


Баёни ақида (0)    Санаи нашр: 28.12.2016    №: 256-257    Мутолиа карданд: 6850

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар

РӮШОН. Ифтитоҳи маркази дуошёнаи савдо

Муҳаммад Салоҳ – беҳтарин футболбози Африқо

ҶАҲОН ДАР ЯК САТР

Самарқанд мизбони нахустмулоқоти «Ҳиндустон – Осиёи Марказӣ»

Баргардондани 47 шаҳрванди Қазоқистон аз Сурия

Остона ба гузарондани Ҳамоиши ҷаҳонии туризми шаҳрӣ омодагӣ мегирад

Дар Беларус бори нахуст ҳукми қатл содир шуд

09.01.2019


Таҷлили 110 - солагии аллома Бобоҷон Ғафуров

GLOBE SOCCER AWARDS. Беҳтаринҳоро муайян кард

ҶАҲОН ДАР ЯК САТР

Дар Пекин музокироти тиҷоратии ИМА ва Чин мегузарад

Эрдуғон пирӯзӣ бар террористони «Давлати исломӣ» - ро эълом дошт

Разведкаи Сурия дар ҳафт сол 80 саркардаи исломиро нест кард

Сарвари ҶХД Корея ба Чин бо ташрифи серӯза омад

Танзими нархи дорудар Қазоқистон


Дар сомонаҳои дигари Тоҷикистон хонед