logo

туризм

Экспедитсия қуллаҳои Исмоили Сомонӣ ва Озодиро ба ҷаҳон муаррифӣ мекунад

Таҷриба нишон медиҳад, ки рушди туризм дар ин ё он кишвари сайёра ба баланд гардидани сатҳи иқтисодӣ ва дар ҳоли рушд қарор гирифтани дигар бахшҳои муҳими ҷомеа мусоидат мекунад. Агар ба таври сунъӣ фароҳам овардани шароити сайёҳӣ дар баъзе аз мамолики пешрафтаи ҷаҳон ба назар расад, чунин имкониятҳои табиӣ дар Тоҷикистон ба ибораи маъмул худодод аст. Аз ин рӯ истифодаи босамар аз захираҳои туристӣ ва тарғиби дурусти он дар минтақа ва ҷаҳон ҳар сол метавонад ба буҷети кишвари мо даромади чашмрасеро ворид созад.
Бо назардошти чунин омилҳои вусъатбахши иқтисодӣ Ҳукумати Ҷумҳурии Тоҷикистон ба манзури ҷалби ҳарчи бештари сайёҳони хориҷӣ рушди туризмро дар маркази таваҷҷӯҳи худ қарор додааст. Аз ин ҷиҳат барои фаъолияти ширкату корхонаҳои сайёҳӣ фазои мусоиде фароҳам оварда шудааст, ки метавонад яке аз омилҳои таконбахши соҳа гардад.
Корхонаи воҳиди давлатии «Сайёҳ» аз қабили ширкатҳои сайёҳиест, ки бо ҷонибдорӣ аз сиёсати давлатии рушди туризм дар доираи ваколату имкониятҳои мавҷудаи худ содиқона талош меварзад. Дар мавриди тарғибу ташвиқи захираҳои туристии кишвар корхона бо ширкату созмонҳои бонуфузи сайёҳӣ ва мамолики дорои афзалиятҳои хуби туристӣ равобит ва ҳамкориҳои судмандро ба роҳ мондааст.
Ҳар сол дар доираи татбиқи Қарори Ҳукумати Ҷумҳурии Тоҷикистон аз  4 марти соли 2005 «Дар бораи дастгирии масъалаҳои туризми экологӣ, кӯҳӣ-варзишӣ ва кӯҳнавардӣ дар Тоҷикистон» баргузории экспедитсияи  байналмилалии кӯҳнавардӣ, ки бахшида ба даҳсолагии амалиёти «Об барои ҳаёт» пешбинӣ шудааст, ҷараён мегирад.
Соли ҷорӣ дар сатҳи баланд ташкил намудан ва гузаронидани ин чорабинии муҳимро Корхонаи воҳиди давлатии «Сайёҳ» ба ӯҳда дорад. Феълан дар доираи омодагӣ ба экспедитсия корҳои таблиғотиву ташвиқотӣ анҷом ёфта, зиёда аз 100 нафар кӯҳнавард аз кишварҳои Русия, Белорус, Қазоқистон, Қирғизистон, Эрон, Туркия, Латвия, Чехия, Испания ва Бразилия ҷалб шуд, ки ташрифи онҳо ба Тоҷикистон аз 15 июни соли равон оғоз гардидааст. Ҳамчунин бо назардошти қабули Қарори Ҳукумати Ҷумҳурии Тоҷикистон «Дар бораи қуллаи Озодӣ номгузорӣ шудани қуллаи беноми баландиаш 6230 метра, воқеъ дар шохаи шимолу ғарбии қаторкӯҳҳои Акадимияи илмҳо» баргузории экспедитсияи байналмилалии  кӯҳнавардӣ дар назар аст.
Тибқи барномаи пешбинишуда, иштирокдорони он ба минтақаи баргузории чорабинӣ то ноҳияи Ҷиргатол ба воситаи нақлиёти заминӣ рафта, аз он ҷо то лагери базавии экспедитсия - майдончаи пиряхи «Москвина» (шимолу ғарби ВМКБ) як гурӯҳ тавассути чархбол ва гурӯҳи дигар пиёда фатҳи қуллаҳои номбурдаро анҷом медиҳанд.
Соли ҷорӣ нахустин маротиба дар чорабинии мазкур кӯҳнавардони ватанӣ иштирок менамоянд ва тасмим гирифтаанд, ки аввалин шуда, парчами Тоҷикистонро дар қуллаҳои Исмоили Сомонӣ ва Озодӣ бармеафрозанд.
Дар робита ба ин гуфтан мумкин аст, ки баргузории экспедитсияи байналмилалии кӯҳнавардӣ барои тарғибу ташвиқи захираҳои бойи туристии кишвар ва баланд бардоштани нуфузи он дар сатҳи давлатҳои ҳамсуд заминаи устуворе ба миён хоҳад гузошт.

Фирӯзи РАҲМОНИЁН,
«Ҷумҳурият»


Баёни ақида (0)    Санаи нашр:    №:    Мутолиа карданд: 993

18.01.2019


Таҳдидҳои асосӣ ба иқтисоди ҷаҳонӣ номбар шуданд

Гумонбари омодасозии ҳамла ба Қасри сафед ба даст афтод

Дар Чин қаллобонро барои фиреб ҳабси абад карданд

29 миллион сом зарари собиқадорони сохта

Ҷаҳон дар як сатр

17.01.2019


Тамдиди шартномаи ФФТ бо "Сомон Эйр"

60 ДАРАҶА ХУНУКӢ ВА ДАВИ 50 - КИЛОМЕТРАИ ЭКСТРЕМАЛИ МОЛДАВӢ

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар

РӮШОН. Ифтитоҳи маркази дуошёнаи савдо

Муҳаммад Салоҳ – беҳтарин футболбози Африқо

ҶАҲОН ДАР ЯК САТР

Самарқанд мизбони нахустмулоқоти «Ҳиндустон – Осиёи Марказӣ»

Баргардондани 47 шаҳрванди Қазоқистон аз Сурия

Остона ба гузарондани Ҳамоиши ҷаҳонии туризми шаҳрӣ омодагӣ мегирад

Дар Беларус бори нахуст ҳукми қатл содир шуд

09.01.2019


Таҷлили 110 - солагии аллома Бобоҷон Ғафуров


Дар сомонаҳои дигари Тоҷикистон хонед