logo

иқтисод

САНГВОР. 2016 СОЛИ БОБАРОР БУД

- 2016 - ро барои ноҳияи Сангвор соли барори соҳаи кишоварзӣ метавон арзёбӣ намуд. Ба шарофати таҷлили Ҷашни 25 - солагии Истиқлолияти давлатии Ҷумҳурии Тоҷикистон ва файзи қадами Асосгузори сулҳу ваҳдати миллӣ - Пешвои миллат муҳтарам Эмомалӣ Раҳмон зимни сафари кориашон ба ноҳияҳои водии Рашт тамоми соҳаҳои гуногуни хоҷагии халқ, бахусус соҳаи кишоварзӣ, босуръат рушд ёфт, - гуфт Нурмуҳаммад Хушвақтов, сардори раёсати кишоварзии ноҳия.

Бино ба иттилои ӯ, дар натиҷаи заҳмати меҳнаткашони ноҳия ва дастгириҳои пайвастаи Ҳукумати кишвар маҷмӯи маҳсулоти дохилӣ ба 129,1 миллион сомонӣ баробар гардид. Кишоварзӣ дар рушди иқтисодиёти ноҳия нақши муҳим мебозад. Маҷмӯи маҳсулоти ин бахш дар соҳаи рустанипарварӣ 36,9 миллион сомонӣ ва дар соҳаи чорвопарварӣ 36,9 миллион сомонӣ афзуд, ки ин нишондиҳанда нисбат ба ҳамин давраи соли гузашта 13 миллиону 900 ҳазор сомонӣ зиёд мебошад.
   Кишоварзон аз ҳисоби зиёд кардани заминҳои бекорхобидаи талу теппаҳо дар майдони 2435 гектар кишт гузаронда, 28,7 гектар боғи нав бунёд намуданд.  
Бо мақсади пурраву оқилона ва самаранок истифода бурдани замин, афзун намудани истеҳсоли маҳсулоти кишоварзӣ дар асоси Қарори Ҳукумати Ҷумҳурии Тоҷикистон аз 3.04.2012, № 162 аз ҳисоби заминҳои хоҷагиҳои деҳқонӣ, фонди захиравии ноҳия ба масоҳати 170 гектар замин ҷудо гардида, аз ин ҳисоб дар маҷмӯъ ба 391 оилаи эҳтиёҷманд 60,7 гектар замин барои сохтмони манзили зист ҷудо карда дода шуд.
Дар хоҷагии ҷангали ноҳия дар майдони 23 гектар ба миқдори 2 ҳазору 300 бех ниҳоли мевадиҳанда ва сояафкан шинонда, 7 гектар боғи куҳнаро барқарор намуданд. Ҳамчунин, хоҷагии мазкур 35 тонна хошок ва 300 килограмм гиёҳҳои доруворӣ ҷамъоварӣ ва 360 метри мукааб ҳезум тайёр намудааст. Дар хоҷагӣ дар маҷмӯъ дар майдони 65 гектар зиёда аз 21 ҳазору 830 бех дарахтони мевадиҳанда, ороишӣ ва сояафкан шинондаанд. Ҳолати сабзиши ниҳолҳо ба 85 дарсад баробар аст.   Дар назди муассиса хоҷагии ёрирасон амал намуда, дар он 12 сар асп, 493 сар моли майда ва 120 оилаи занбӯри асал парвариш меёбад.
Филиали Парки миллии Ҷумҳурии Тоҷикистон дар ноҳия низ дар ихтиёраш 306 ҳазору 613 гектар замин дошта, ҷиҳати аз сӯхтор эмин нигоҳ доштани ҷангалзор, пешгирии нестшавии ҳайвонҳои нодир ва риояи реҷаи ҳудудҳои табиии махсус муҳофизатшаванда дар байни аҳолии ин минтақа вохӯрӣ ва корҳои фаҳмондадиҳиро ба роҳ мондааст.
Худодод ЗАЙНИДДИН, “Ҷумҳурият”


Баёни ақида (0)    Санаи нашр: 29.12.2016    №: 258    Мутолиа карданд: 1863

19.04.2019


Вохӯрии Сироҷиддин Муҳриддин бо Жан - Батист Лемуан

Пойтахт ба таҷлили Рӯзи Ғалаба омодагӣ мебинад

Масоили рушди соҳаи маориф матраҳ гардид

Дар Донишгоҳи давлатии Данғара конфронси ҷумҳуриявӣ доир мешавад

Душанбе варзишгарони 15 кишварро ба ҳам меорад

Ҷаҳон дар як сатр

18.04.2019


ҶОМИ АФК. Пирӯзии "Хуҷанд" ва мусовии "Истиқлол"

МУЪМИНОБОД. 221 иншоот дар се сол

РАШТ. Боғистон доман паҳн мекунад

17.04.2019


БУҶЕТИ ДАВЛАТӢ . Ба қонун иловаҳо ворид шуданд

ДМТ. Як нишасти муҳим

Хонандагони Душанбе пешсафи олимпиадаҳои ҷумҳуриявӣ

Армуғон барои дӯстдорони ҷуғрофия

ҶОМИ ОСИЁ. Паҳлавонони тоҷик соҳиби 5 медал

Ҷаҳон дар як сатр

16.04.2019


Вохӯрии Саидзода Зоҳир Озод бо Аскар Таҷибаев

Баррасии масоили мубрам

Ҳамоиш бахшида ба оғози расмии Солҳои рушди деҳот, сайёҳӣ ва ҳунарҳои мардумӣ

Калонтарин тайёра дар дунё ба ҳаво хест

Дар Қазоқистон онлайн-қаллобон фаъол мешаванд

Дар СММ аз манфиати лоиҳаи «Камарбандҳо ва роҳҳо» сухан рафт

Аз таркиш дар Афғонистон ҳафт кӯдак ҳалок гашт

Филмҳои ду коргардони тоҷик барои Фестивали кинои мусалмонӣ интихоб шуданд

Ҷаҳон дар як сатр

БОКС. Иштироки варзишгарони тоҷик дар Чемпионати Осиё

12.04.2019


Бо иштироки Сарвазири мамлакат дар шаҳри Кӯлоб як қатор иншоот ба истифода дода шуд

Ҷаласаи Шӯрои ҳамоҳангсозони миллии давлатҳои аъзои СҲШ

Форуми байналмилалии рушди сармояи инсонӣ доир мегардад

ЧЕМПИОНАТИ ОСИЁ – 2019 ОИД БА ФУТЗАЛ. Рақибони Тоҷикистон муайян гаштанд

"Кашшофи падидаҳои наврас"

НОҲИЯИ РӮДАКӢ . Сафи соҳибкорони ватандӯст меафзояд

НУРОБОД . Эҳтиром ба шахсиятҳои таърихӣ

Ҷаҳон дар як сатр

11.04.2019


"Тоҷикон" ба забони ӯзбекӣ нашр шуд


Дар сомонаҳои дигари Тоҷикистон хонед