logo

сиёсат

ПАЁМ ВА ТАҲКИМИ МАЪРИФАТИ ҲУҚУҚӢ

Таҷриба нишон медиҳад, ки ҳар як Паёми Президенти мамлакат ба мақоми олии қонунгузори кишвар, ҳамчун ҳуҷҷати барномавӣ роҳҳои ташаккули равандҳои иқтисодиву иҷтимоӣ, сиёсиву ҳуқуқӣ ва фарҳангию идеологиро муайян менамояд.

Пешвои миллат, зимни ироаи Паёми худ ба Маҷлиси Олӣ бори дигар ба рушди низоми ҳуқуқӣ, аз ҷумла фаъолияти мақомоти судии кишвар таваҷҷуҳ зоҳир намуда, ҷиҳати таҳкими адолати судӣ, кори бенуқсони судяҳо, таъмини ҳуқуқу озодиҳои инсон ва шаҳрванд дастуру супоришҳои мушаххас доданд. Сарвари давлат бо нигаронӣ аз таъхири иҷрои қарорҳои судӣ, ки воқеан ҳам яке аз мушкилоти ҳалталаби соҳа ба шумор меравад, ба Вазорати адлия, Суди Олӣ, Суди Олии иқтисодӣ ва Прокуратураи генералӣ дастур доданд, ки бо назардошти таҷрибаи пешқадам механизми самараноки таъмини иҷрои қарорҳои судӣ ва чораҳо ҷиҳати таъмини фаъолияти иҷрочиёни судро таҳия ва пешниҳод  намоянд.
Албатта, иҷрои ин дастури Президенти муҳтарами кишвар дар меҳвари фаъолияти сохторҳои марбутаи давлативу мақомоти судии кишвар қарор гирифта, итминон дорем, ки дар бартараф намудани ин мушкил ва татбиқи саривақтии қарорҳои судӣ мусоидат хоҳад кард. Илова бар ин, Сарвари давлат дар Паёми худ ба Маҷлиси Олӣ  вазоратҳои адлия, маориф ва илм, Ваколатдор оид ба ҳуқуқи инсон, Академияи илмҳо, мақомоти иҷроияи ҳокимияти давлатии вилоятҳо ва шаҳру ноҳияҳо, муассисаҳои таҳсилоти олии касбӣ ва тамоми мақомоти давлатиро вазифадор намуданд, ки ба манзури баланд бардоштани маърифати ҳуқуқии шаҳрвандон корҳои фаҳмондадиҳиро дар байни аҳолӣ густариш диҳанд. Ба андешаи мо, ин ҳидояти Пешвои миллат амри заруриву саривақтист, зеро дар сурати дорои маърифати баланди ҳуқуқӣ будани шаҳрвандон кафолати таъмини ҳуқуқу озодиҳояшон бештар ва сатҳи ҷинояткорӣ паст хоҳад шуд. Зеро, таҳлилу омӯзиши таҷрибаи судӣ, аз ҷумла дар ноҳияи Шаҳритуз нишон медиҳад, ки яке аз омилҳои асосии содир гардидани ҷиноятҳо, ҳуқуқвайронкунӣ, пошхӯрии оилаҳо, баҳсҳои иқтисодӣ ва гражданӣ ба сатҳи маърифати ҳуқуқии шаҳрвандон вобаста мебошад.
Қобили зикр аст, ки дар давоми 25 соли соҳибистиқлолӣ барои таҳкими ҳокимияти судӣ се барномаи ислоҳот ва як қатор санадҳои меъёрии ҳуқуқии дахлдор ба тасвиб расиданд, ки дар шаклгирии низоми судӣ, мустаҳкам гардидани сохтор, ҳалли масоили иҷтимоии он, тавсеаи муносибатҳои байналмилалии ҳокимияти судӣ заминаи воқеӣ гузоштанд. Аз ҷумла, дар идомаи ислоҳот 5 январи соли 2015 бо Фармони Президенти мамлакат  «Барномаи нави ислоҳоти судӣ - ҳуқуқӣ дар Ҷумҳурии Тоҷикистон барои солҳои 2015 -  2017» тасдиқ гардид, ки ҳоло мавриди амал қарор дорад. Пешбинӣ мешавад, ки татбиқи босамари барнома барои боз ҳам устувор шудани сохтори мақомоти судӣ, таҳкими ҳамкорӣ бо дигар мақомоти ҳифзи ҳуқуқ мусоидат хоҳад кард.
Мо, кормандони суди ноҳияи Шаҳритуз дар фаъолияти минбаъдаи худ низ, ҳадафҳои Паёми Президенти Ҷумҳурии Тоҷикистон, Пешвои миллат  муҳтарам Эмомалӣ Раҳмон ба Маҷлиси Олиро пайгирӣ намуда, дар татбиқи дастуру нишондодҳои Сарвари давлат, ки барои пешрафти ҷомеаи демокративу ҳуқуқбунёд ва таъмини ҳуқуқу озодиҳои инсон ва шаҳрванд нигаронда шудаанд, иқдом хоҳем кард.
Холмурод ЗУҲУРИЁН,
раиси суди ноҳияи Шаҳритуз


Баёни ақида (0)    Санаи нашр: 29.12.2016    №: 258    Мутолиа карданд: 2325

21.08.2019


Путин 4 сентябр бо Сарвазири Ҳиндустон музокирот мегузаронад

Амири Қатар даъвати Путинро ба ФИБП пазируфт

Даҳ ҳазор нафар бинобар сӯхтор дар пойтахти Бангладеш бе сарпаноҳ монд

Токио имкони ба мадор баровардани радифҳои ҳарбиро баррасӣ дорад

Ҷаҳон дар як сатр

ШИНОВАРӢ. Варзишгарони тоҷик ба Чемпионати ҷаҳон рафтанд

19.08.2019


Баррасии асосноккунии техникиву иқтисодии роҳи Қалъаи Хумб – Ванҷ

Баргузории ҳамоиши "Ҷавонони эҷодкор – парчамбардорони миллат ва пайравони Пешвои миллат"

15.08.2019


Муносибатҳои Ҳиндустон ва ҶМЧ бояд суботи ҷаҳонро таъмин созанд

Дар Япония бар асари гармии ҳаво наздики 13 ҳазор кас бистарӣ шуд

Мулоқоти сарони Россия, Эрон ва Туркия моҳи сентябр доир мешавад

Ҷаҳон дар як сатр

05.08.2019


Ҷаҳон дар як сатр

01.08.2019


Вохӯрии Сироҷиддин Муҳриддин бо Кан Ҷе - квон

Масоили муҳоҷират матраҳ гардид

Фестивали яхмос ва обҳои ташнагишикан дар Душанбе

АКАДЕМИЯИ ИЛМҲО. Аз таъсиси маркази тарҷума то ҷашни Саразм

64 дарсади зарари молиявӣ барқарор шуд

ШАҲРИ ТУРСУНЗОДА. Корҳои ободонӣ вусъат мегиранд

ҲИСОР. Саноатикунонӣ дар мадди аввал

ФАЙЗОБОД. Афзоиши истеҳсоли маҳсулоти кишоварзӣ

НОҲИЯИ РӮДАКӢ. Саноат рӯ ба беҳбудӣ дорад

ДДТТ. Нуфузи байналмилалӣ меафзояд

Ҷаҳон дар як сатр

30.07.2019


Фестивали тобистонаи Душанбе доир мешавад

Мулоқоти Шодихон Ҷамшед бо Хуанг Деҳаи

Соҳибкорони ватанию хориҷӣ дар Бадахшон ҷамъ меоянд

БЕҲСОЗИИ ТАЪМИНОТ БО ОБ. Барои он зиёда аз 27 миллион ҷудо гардид

ШАҲРИНАВ. 160 иншооти ҷашнӣ ба истифода дода шуд

Трамп то интихоботи соли 2020 артишашро аз Афғонистон бароварданист

Душанбе 80 шаҳрванди Афғонистонро, ки дар Тоҷикистон ҳукм гирифтааст, ба Кобул истирдод намуд

Ҷаҳон дар як сатр

29.07.2019


ҲИФЗИ ИҶТИМОӢ. Як нишасти муҳим

ДУШАНБЕ. Рушди саноат дар мадди аввал


Дар сомонаҳои дигари Тоҷикистон хонед