logo

иқтисод

ЗАМИН. НАЗОРАТИ ДАВЛАТИИ ИСТИФОДА ВА ҲИФЗИ ОН ПУРЗӮР МЕГАРДАД

Раҷаббой АҲМАДЗОДА, раиси Кумитаи давлатии идораи замин ва геодезии Ҷумҳурии Тоҷикистон


Кумитаи давлатии идораи замин ва геодезии Ҷумҳурии Тоҷикистон ҳамчун мақомоти ваколатдори давлатии танзимкунандаи муносибатҳои вобаста ба замин соли 2016 иҷрои дастуру супоришҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва татбиқи қарорҳои Ҳукумати мамлакатро меҳвари фаъолияти худ қарор дода, дар самти истифодаи самараноку оқилонаи замин корҳои судманд анҷом дод.

Кумита дар доираи иҷрои вазифаҳои худ назорати давлатии истифода ва ҳифзи замин, баҳисобгирии давлатии миқдори заминҳо, корҳои заминсозии байнихоҷагӣ, тадқиқоти калонҳаҷми хок, баҳои замин, пажӯҳиши геоботаникии чарогоҳҳо, бақайдгирӣ ва барасмиятдарорӣ, азнавташкилдиҳӣ ва таҷдиди корхонаҳои кишоварзӣ, ташкили шаклҳои нави хоҷагидорӣ, корҳои топографӣ - геодезӣ, харитасозӣ, делимитатсия ва демаркатсияи сарҳадро дар миқёси ҷумҳурӣ идома дод.
Дар ин замина, соли ҷорӣ дар шаҳру ноҳияҳои Ваҳдат, Ҳисор, Истаравшан, Варзоб, Абдураҳмони Ҷомӣ, Ёвон ва Вахш оид ба риояи талаботи Кодекси замини Ҷумҳурии Тоҷикистон ва дигар санадҳои меъёрии ҳуқуқӣ доир ба замин ва истифодаи он санҷиш гузаронда шуд. Дар рафти санҷишҳои назоратӣ нисбат ба 379 ҳолат парвандаҳои маъмурӣ тартиб дода шуд. Инчунин, ҳангоми гузарондани санҷишҳои назоратӣ вобаста ба истифодаи замин дар ин шаҳру ноҳияҳо қабули 624 қарори ғайриқонунӣ ошкор шуд, ки аз ин 583 қарори раисони шаҳру ноҳияҳо, 21 қарори раисони ҷамоатҳои деҳот ва 20 қарору протоколҳои хоҷагиҳо мебошанд.
Ҳамзамон, дар ин давра ҳолати истифодаи қитъаҳои замини дурнамои васеъшавии шаҳри Душанбе, ҳолати заминҳои маҳалҳои аҳолинишин, истифодаи мақсадноку самараноки қитъаҳои замини таъйиноти кишоварзии ноҳияи Рӯдакӣ мавриди санҷиш қарор гирифт. Санҷишҳо дар ин самт собит сохтанд, ки маҷмӯан дар 79,80 гектар қитъаи замин, аз ҷумла 67,95 гектар замини корами обӣ, ки ба замини дурнамои васеъшавии шаҳри Душанбе мансуб мебошад, сохтмони ғайриқонунӣ бунёд шудаанд. Санҷиши ҳолати заминҳои маҳалҳои аҳолинишини ноҳияи Рӯдакӣ муайян намуд, ки масоҳати умумии 1031,54 гектар қитъаҳои замини пурқимати кишоварзӣ, аз ҷумла 638,49 гектар корами обӣ, 63,18 гектар корами лалмӣ, 92,04 гектар дарахтони бисёрсола ва 237,83 гектар чарогоҳҳо худсарона ғасб гардида, бархилофи талаботи қонунгузорӣ иншооти гуногун бунёд гардидаанд. Чунин ҳолат ё амалҳои ғайриқонунӣ дар шаҳру ноҳияҳои Ҳисор (146,69 гектар), Истаравшан (64,62 гектар), Варзоб (7,82 гектар) Абдураҳмони Ҷомӣ (271,23 гектар),  Ёвон (71,75 гектар) ва Вахш (206,67 гектар) ба амал омада, ба шаҳрвандон қитъаҳои замин ғайриқонунӣ тақсим шудаанд.
Қобили зикр аст, ки Кумитаи давлатии идораи замин ва геодезии Ҷумҳурии Тоҷикистон ҷиҳати муайян намудани майдони заминҳои аз гардиши кишоварзӣ берунмонда низ ҳамасола санҷишҳои назоратӣ анҷом медиҳад. Соли ҷорӣ чунин санҷишҳо нишон доданд, ки дар ҷумҳурӣ майдони 12830,16 гектар замин, аз ҷумла 10247,24 гектар корами обӣ ва 2582,92 гектар корами лалмӣ аз гардиши кишоварзӣ берун мондаанд. Шӯршавӣ ва ботлоқшавӣ, аз кор баромадани шабакаҳои обёрикунанда, зери селоб мондан, нагузарондани корҳои мелиоративӣ, аз нав таъмиру таҷдид намудани шабакаҳои обёрикунанда, набудани об барои обёрӣ, корҳои ғайриқаноатбахши ташкили хоҷагидорӣ дар заминҳои обӣ сабабҳои асосии аз гардиши кишоварзӣ берун мондани қитъаҳои замин мебошанд.
Бо назардошти ин, дар доираи талаботи Низомномаи Кумитаи давлатии идораи замин ва геодезии Ҷумҳурии Тоҷикистон ҷиҳати ба гардиши кишоварзӣ ворид намудани қитъаҳои замин чораҳои зарурӣ андешида шуданд. Аз ҷумла, дар шаҳру ноҳияҳои Ашт, Спитамен, Бобоҷон Ғафуров ва Конибодоми вилояти Суғд, Ҷайҳун, Носири Хусрав, Вахш, Шамсиддини Шоҳин, Муъминобод, Данғара ва Балҷувони вилояти Хатлон, Рӯшони Вилояти Мухтори Кӯҳистони Бадахшон, Ҳисор, Файзобод, Тоҷикобод, Лахш ва Сангвори ноҳияҳои тобеи ҷумҳурӣ аз ҳисоби замини партов 844 гектар, чарогоҳ 595 гектар ва дигар заминҳо 99 гектар азхуд карда шуда, ба замини корам, аз ҷумла 1498 гектар корами обӣ гузаронда шудаанд. Илова ба ин, дар шаҳри Истаравшан 77 гектар ва ноҳияи Бобоҷон Ғафуров 29 гектар замини корами лалмӣ ба корами обӣ табдил дода шуд.
Дар ин давра боғу токзорҳо дар майдони умумии 751 гектар, аз ҷумла 339 гектар обӣ бунёд шуданд. Дар ноҳияҳои Ашт, Шаҳринав ва Лахш 28 гектар боғҳои лалмӣ обёрӣ шуда, ба боғҳои обӣ гузаронда шуданд.
Баҳри иҷрои Фармони Президенти Ҷумҳурии Тоҷикистон, аз 30 июни соли 2006 «Дар бораи тадбирҳои иловагӣ оид ба азнавташкилдиҳӣ ва истеҳсолоти ташкилотҳои кишоварзӣ» то моҳи декабри соли 2016 дар ҷумҳурӣ 166009 адад хоҷагии деҳқонӣ таъсис ёфт, ки шумораи саҳмдорон беш аз 785 ҳазор нафарро ташкил медиҳад. Ҳамаи хоҷагиҳои деҳқонӣ бо сертификати ҳуқуқи истифодаи замин таъмин гардида, таҳия ва дастраснамоии шаҳодатномаҳои саҳми замин идома дорад.
Корхонаи воҳиди давлатии «Бақайдгирии молу мулки ғайриманқул» ва корхонаҳои давлатии фаръӣ дар 11 моҳи соли ҷорӣ 33853 адад сертификати ҳуқуқи истифодаи заминро ба қайд гирифтанд.
Бо мақсади мутобиқ намудани санаду меъёрҳои ҳуқуқии соҳа дар шароити иқтисоди бозаргонӣ, такмили усулҳои идоракунии захираҳои замин дар доираи қонунгузории амалкунанда кумита дар қабули қонунҳои Ҷумҳурии Тоҷикистон «Дар бораи хоҷагиҳои деҳқонии фермерӣ», «Дар бораи ворид намудани тағйиру иловаҳо ба Қонуни Ҷумҳурии Тоҷикистон «Дар бораи заминсозӣ», «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи танзими давлатии ҳосилхезгардонии заминҳои таъйиноти кишоварзӣ» фаъолона иштирок намуд.
Кумита дар партави дастуру супоришҳое, ки аз Паёми Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба Маҷлиси Олӣ бармеоянд, ҷиҳати пешгирии амалҳои ғайриқонунӣ, истифодаи самараноку оқилонаи замин, ҳамасола зиёд намудани майдони заминҳои ба гардиши кишоварзӣ воридшаванда, пурзӯр намудани назорати давлатии истифода ва ҳифзи замин ва такмил додани усулҳои идоракунии захираҳои замин тадбирҳои зарурӣ меандешад.


Баёни ақида (0)    Санаи нашр: 29.12.2016    №: 258    Мутолиа карданд: 2287

22.02.2019


Ҷаласаи Комиссияи сетарафаи танзими муносибатҳои иҷтимоию меҳнатӣ

Забони тоҷикӣ таърихи зиёда аз чорҳазорсолаи хату алифбо дорад

ББТ барои фаъолияти оператори низоми пардохтии “Осон” иҷозатнома гирифт

МАВСИМИ НАВИ ЛИГАИ ОЛӢ МОҲИ АПРЕЛ ОҒОЗ МЕГАРДАД

Путин самтҳои асосии сиёсати хориҷии Россияро тавзеҳ дод

Хадамоти вижаи 7 кишвари ИДМ машқи "Арарат-Антитеррор" мегузаронанд

Чин дар кайҳон неругоҳи барқи офтобӣ месозад

21.02.2019


ХУҶАНД. Оғози сохтмони бинои нави «Тоҷикстандарт»

ФУТБОЛ. Тақвими бозиҳои тими мунтахаби олимпии кишвар муайян гардид

Табибон аз Тотористон бо ҳампешаҳои тоҷики худ мубодилаи таҷриба мекунанд

Роҳандозии лоиҳаҳои инноватсионӣ дар Қазоқистон

Дар Ҳиндустон 13 иштирокдори тӯй зери чархи мошини боркаш монд

Сӯхтор сабабгори марги ҳафт кӯдак дар Канада

Ҷаҳон дар як сатр

19.02.2019


МАКТАБИ ДАВЛАТДОРИИ ЭМОМАЛӢ РАҲМОН. ЯК ҲАМОИШИ МУҲИМ

Баррасии масъалаҳои рушди сайёҳӣ

Вохӯрии Низомиддин Зоҳидӣ бо Мазен Шамия

Дурнамои рушди муносибатҳо матраҳ гардид

ҶОМИ КУШОДАИ АВРУПО. Муҳаммадризо Қувватов медали биринҷӣ ба даст овард

Авҷи ниҳолшинонӣ

Саҳми соҳибкорон дар ободии деҳот

Ҳамкории тиҷоратию иқтисодии Чин ва Россия густурдатар мегардад

Сарвар Дониш: «Музокироти сулҳ бидуни ҳукумат қурбе надорад»

«Туҳфаи шоҳона» - и Арабистони Саудӣ ба шаҳрвандони Покистон

Дар Қазоқистон маркази амнияти иттилоотӣ ифтитоҳ меёбад

Сокини навраси Шимкент ду нафарро аз сӯхтор наҷот дод

Ҷаҳон дар як сатр

18.02.2019


Боздиди Азим Иброҳим аз ҷараёни корҳои сохтмонӣ

ВКД Ҷиноятҳо 83,6 дарсад ошкор шуданд

Вазорати молия. Барои дастгирии буҷет маблағи бештар ҷалб хоҳад гашт

«BISHKEK OPEN – 2019». Дурахши каратэ-дочиёни навраси тоҷик

«МОҲИЯТ ВА ТАЪЙИНОТИ МАТБУОТИ МАҲАЛЛӢ»

РОҒУН. Ободонӣ вусъат меёбад

АНДОЗ. Нақша 100, 6 дарсад иҷро гардид


Дар сомонаҳои дигари Тоҷикистон хонед