logo

иқтисод

САРМОЯГУЗОРӢ - ОМИЛИ МУҲИМИ РУШД

Сармоягузорӣ муҳаррики асосии иқтисодиёт мебошад
Маблағи умумии маҷмӯи лоиҳаҳои давлатии сармоягузории ҷомадонии (портфелии) амалкунанда то 1 декабри соли ҷорӣ 22,1 миллиард сомониро (2,8 миллиард долларро) ташкил дод.
Тибқи иттилои Кумитаи давлатии сармоягузорӣ ва идораи амволи давлатии Ҷумҳурии Тоҷикистон, дар маблағгузориҳои хориҷӣ беш аз 40 лоиҳаи грантиву қарзӣ, ҳамчунин 20 лоиҳаи сармоягузориҳои омехта мавҷуданд. Дар доираи татбиқи лоиҳаҳо 13,7 миллиард сомонӣ аз худ карда шудааст, ки 71 дарсади дурнамои солонаро ташкил медиҳад.

Ба Тоҷикистон 695 миллион доллар сармояи хориҷӣ ворид шуд
Тибқи маълумоти расмӣ, воридоти умумии сармоягузории хориҷӣ дар нуҳ моҳи соли равон 695 миллион доллари ИМА-ро ташкил дод, ки аз он 354,4 миллион долларро сармоягузории мустақими хориҷӣ ташкил медиҳад.
Сармояи мустақими хориҷӣ нисбат ба ҳамин давраи соли гузашта 15 дарсад афзуда, бештар ба соҳаҳои саноати коркард, истихроҷи маъдан, фаъолияти молиявӣ ва хизматҳои тиҷоратӣ, нақлиёт ва алоқа равона шудааст.
Ҳудуди 62 дарсади сармояи хориҷӣ аз Ҷумҳурии Мардумии Чин, боқимонда аз Федератсияи Русия, Арабистони Саудӣ, Британияи Кабир, ИМА ва шарикони дигари иқтисодию тиҷоратӣ ворид гардидааст.
23 созишномаи нав ба имзо расид
Дар ин давра бо шарикони рушд ҷиҳати амалисозии 13 лоиҳаи афзалиятноки кишвар ба маблағи умумии 234,3 миллион доллари ИМА 23 созишнома ба имзо расид.
Аз солҳои аввали соҳибистиқлолӣ ба масъалаи ҷалби сармояи хориҷӣ диққати махсус зоҳир мешуд. Ин буд, ки бо кӯшишҳои ҳадафнок дар давраҳои гуногун Тоҷикистон бо Ҷумҳурии Мардумии Чин, Чехия, Словакия, Корея, Давлати Кувайт, Эрон, Ҳиндустон, Амороти Муттаҳидаи Араб, Туркия, Беларус, Русия, Қазоқистон, Қирғизистон, Арманистон, Фаронса, Олмон ва давлатҳои дигар оид ба ҳавасмандгардонӣ ва ҳифзи мутақобилаи сармоягузориҳо созишномаҳо ба имзо расондааст.

Шароити зарурии техникиву молиявӣ фароҳам аст
Иштирокдорони Форуми байналмилалии соҳибкории Душанбе - 2016 таъкид доштанд, ки Ҳукумати Тоҷикистон амалисозии як қатор ислоҳотро оид ба беҳсозии фазои мусоид баҳри рушди соҳибкорию сармоягузорӣ, ҳимоя ва дастгирии соҳибкорону сармоягузорон таъмин намуда, бо ин мақсад имконияту шароити зарурии техникӣ ва молиявиро фароҳам овардааст.
Дар радифи ислоҳоти татбиқшуда Тоҷикистон Конвенсияи Созмони Милали Муттаҳид “Дар бораи эътироф ва мавриди иҷро қарор додани ҳалномаҳои арбитражҳои хориҷӣ” ва Конвенсияи Апостилро дар бобати эътироф намудани ҳуҷҷатҳои расмии хориҷӣ ба тасвиб расонд, ки пурра ба сода намудани ҷараёни фаъолияти сармоягузорону соҳибкорон ва ҳимояи ҳуқуқи онҳо равона шудаанд.
Бо мақсади осон намудани рафтуомади сармоягузорон дар Тоҷикистон раводиди махсуси навъи “сармоягузор” амал мекунад. Ҷиҳати идомаи мантиқии ислоҳоти мазкур ва боз ҳам мусоид намудани шароит барои фаъолияти сармоягузорӣ Ҳукумат кӯшиш ба харҷ медиҳад, ки қоидаҳои пешниҳоди раводиди мазкур боз ҳам содатар карда шаванд. Инчунин, қоидаҳои пешниҳоди корти иҷозати кор барои мутахассисони баландихтисоси хориҷӣ, ки ба омӯзондани кадрҳои маҳаллӣ машғул мешаванд, таҷдиди назар карда хоҳанд шуд.
Ш. ҚУРБОН, «Ҷумҳурият»


Баёни ақида (0)    Санаи нашр: 30.12.2016    №: 259    Мутолиа карданд: 2074

19.07.2019


ПАЛАТАИ ҲИСОБ. 88,З миллион сомонӣ зарари молиявӣ ошкор гашт

УМЕД БОБОЗОДА: "Аксари муроҷиатҳо оид ба адолати судиянд"

Кӯдакони аз Ироқ овардашуда ба зиндагии муқаррарӣ бармегарданд

"EXPO 2019 BEIJING". Гӯшаи Тоҷикистонро беш аз як миллион нафар тамошо кард

НИГАРОНӢ. Ҷудошавии 6065 оила дар ним сол

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд


Дар сомонаҳои дигари Тоҷикистон хонед