logo

сиёсат

РОҲНАМО. БАРДОШТ АЗ ПАЁМИ ПРЕЗИДЕНТИ ҶУМҲУРИИ ТОҶИКИСТОН БА МАҶЛИСИ ОЛӢ

Ҷаҳони муосир замони пурпечутобест, ки бархӯрду мушкилоти азимеро ба дунбол дорад. Ва ҳар лаҳза ин бархӯрду муносибатҳо тағйирпазир буда, инсониятро пешорӯйи интихоби мушкил қарор медиҳанд. Дар ин замина, танҳо кишварҳо ва ҷомеаҳое бурд мекунанд, ки самти дуруст ва устувореро дар масири сиёсати дохиливу хориҷии худ интихоб кардаанд.
Ҳаёти чорякасраи кишвари соҳибистиқлоламон як давраи хоси таърихист. Тоҷикистони азиз дар ин замина зина ба зина марҳалаҳои мураккабу печидаро устуворона тай намуд. Муҳимтарин дастоварди ин давраи таърихӣ барои халқи тоҷик таҳкими пояҳои истиқлолияту ваҳдати миллист. Ин дастовард сармашқи тамоми кору талошҳои халқи тоҷик дар давоми даҳсолаҳои дигар хоҳад буд.
Мантиқист, ки оғози Паёми навбатии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон низ дар партави ин истиқлолу ваҳдат мазмун пайдо намуд. Нодида гирифтани саҳифаҳои таърихӣ ва сабақ наомӯхтан аз он ҳеҷ гоҳе натиҷаи судманд надорад. Ин буд, ки дар оғоз Пешвои миллат ишора ба мушкилоти сиёсиву иҷтимоии давлати ҷавони тоҷикон намуданд, ки як замоне дар арсаи нобудиву фано қарор дошт. Яъне, кори Сарвари муаззами кишвар аз оғоз ба сулҳу ваҳдату созандагӣ рабт дошт ва ин хосияти амалаш то ҳанӯз дар ҳар қадам ҳувайдост. Рамзи бузурги Паём аз оғоз то анҷом ҳамин ваҳдату ҳамгироиву ободкориҳои миллат буд, ки онро аҳли ҷомеа ҷонибдор мебошад. Озодиву истиқлол дар Паём «неъмати бузурги миллат» баҳогузорӣ гашт ва даъват барои ҳифзу нигаҳдошти он муҷиби пойдории ин мулку сарзамину фарҳанг барои наслҳои минбаъда дониста шуд. Таъкиди Пешвои миллат бамаврид аст, ки халқҳову мардумони кишварҳои ҷангзада ҳеҷ гоҳ гунаҳкор намебошанд. Ҳамаи даҳшату ваҳшатҳои кишварҳои даргир бештар дар хориҷ тарҳрезӣ мешаванд ва баъдан бо ниқобҳои мухталиф вориди ҷомеаҳо мегарданд.
Ин таҷрибаи талхро халқи тоҷик як маротиба аз сар гузаронда буд ва хушбахтона, аз ин имтиҳони сангини таърих гузашт. Аммо натиҷаҳои даҳшатноки ҷангу низои таҳмилӣ боис ба он гаштанд, ки иқтисоду инкишофи ҷомеаи мо даҳсолаҳо ақиб монад. Дар меҳвари Паём ваҳдату худшиносӣ ва худогоҳию  ҳушёрии сиёсӣ чун рамзи асосиву созанда матраҳ буд. Ваҳдату рафоқат, ки дар заминаи он истиқлолу озодӣ таҳким меёбад, сарчашмаи тамоми хушбахтиҳо номида шуд.
Соли 2016 дар таърихи соҳибистиқлолӣ фаромӯшнашаванда аст. Шарофати Ҷашни 25 - солагии Истиқлолияти давлатӣ буд, ки имсол он қадар иншооту корхонаву биноҳо ба истифода дода шуданд, ки назираш дар таърихи давлатдориамон вуҷуд надошт.
Имсол бо таъсири чанд омил баъзе бонкҳои кишвар ба мушкилоти молиявӣ дучор омадаанд. Ин ҳолат дар байни аҳолӣ ташвишу изтиробро ба амал овард. Аммо, вақте аз забони Пешвои миллат баён гашт, ки «…Бонки миллӣ ва Вазорати молия вазифадоранд, ки дар самти ҳифзи ҳуқуқу манфиатҳои қонунии амонатгузорон, пеш аз ҳама, нигоҳ доштани эътимоди аҳолӣ ва иҷрои уҳдадориҳои бонкӣ чораҳои фаврӣ андешанд» ин як муждаи эътимодбахш барои ҳар як сокини кишвар аст, ки алҳол хоҳу нохоҳ робитае ба низоми бонкӣ доранд. Яъне, низоми босуботи иқтисодӣ дар кишвар ба шаҳрвандон имкону кафолат медиҳад, ки дар мавриди пасандозу дигар робитаҳои молиявӣ бо бонкҳо ноумед набошанд.
Паёми навбатии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон чун дигар икдомоти созандаву бунёдкоронаашон дар ҷомеа бо рӯҳбаландӣ истиқбол гардид ва дар роҳи расидан ба рӯзгори боз ҳам неку саодатманди мардуми кишвар роҳнамост.
Сангини ГУЛЗОД,
Бахтиёри ҚУТБИДДИН,
устодони Донишгоҳи миллии Тоҷикистон


Баёни ақида (0)    Санаи нашр: 30.12.2016    №: 259    Мутолиа карданд: 2101

18.03.2019


ГРАНД СЛЕМИ ЕКАТЕРИНБУРГ. Беҳрӯз мақоми сеюмро гирифт

Tesla дар Қазоқистон нуқтаҳои нерудиҳӣ месозад

Аз фурӯравии биноҳо дар Чин 10 нафар ҷон бохт

Иттиҳоди иқтисодии АвруОсиё дар фикри бунёди биржаи меҳнат шуд

Сиёсатмадори олмонӣ лағви таҳримоти зиддирусиро зарур мешуморад

Ҷаҳон дар як сатр

13.03.2019


Парвиз Давлатзода бо Чэн Гуопин вохӯрд

Имконияти таҳсил дар ДДУК тавсеа меёбад

Маҷмааи меъмории рамзи «Истиқлолият ва Озодӣ» интихоб гардид

06.03.2019


Назорати фаъолияти ширкатҳои букмекирӣ пурзӯр мешавад

Бунёди маҷмааи корхонаҳои нассоҷӣ дар назар аст

Форуми якуми иттилоотонии ҷомеаи шаҳрвандӣ баргузор мегардад

ҶОМИ "ФФТ" "Истиқлол" бори панҷум онро соҳиб шуд

Варзишгарони тоҷик 5 медал ба даст оварданд

Ҷаҳон дар як сатр

Нилуфар Рофиева дар озмуни нозанинҳои Россия ғолиб омад

Лондон муносибаташро бо Москва ба эътидол овардан мехоҳад

Покистон ба гуфтушунид бо Ҳиндустон шурӯъ мекунад

Андешаи Лукашенко оид ба яхи обнашудаи муносибот бо Иттиҳоди Аврупо

Соли 2019 ду ҷоизаи Нобел дар соҳаи адабиёт супурда мешавад

05.03.2019


СУҒД. Авлавият ба кишти картошка

04.03.2019


Хуҷанд ба даҳгонаи шаҳрҳои беҳтарини сайёҳӣ ворид гардид

Сертификати армуғони сайёҳӣ таъсис ёфт

ҶОМИ "ФФТ". "Истиқлол" ва "Кӯктош" дар финал

Осиёи Марказӣ. Камтарин теъдоди маҳбусон дар Тоҷикистон аст

Москва ва Вашингтон нархи раводидро арзон карданд

Қазоқистон ба воридоти меваю сабзавоти Қирғизистон роҳ мекушояд

Лавров: «Вазъият дар Сурия ба эътидол омад»

Ҳалокати 29 нафар аз обхезӣ дар ҷануби Афғонистон

Ҷаҳон дар як сатр

01.03.2019


ФУТБОЛ. «Хуҷанд» бо «Аҳал» мубориза мебарад

Бори нахуст дар таърих якбора ду зан ба кайҳони кушод мебароянд

Пекин дар фикри эъмори Девори бузурги чинӣ шуд

Испания солимтарин кишвари дунё эътироф гардид


Дар сомонаҳои дигари Тоҷикистон хонед