logo

ҳуқуқ

ХАРИДИ ДАВЛАТИИ МОЛ. МУҚОВИМАТ БО КОРРУПСИЯ ДАР ИН БАХШ ТАҚВИЯТ МЕЁБАД

Дар доираи татбиқи “Стратегияи муқовимат ба коррупсия дар Ҷумҳурии Тоҷикистон барои солҳои 2013 - 2020” Агентии хариди давлатии мол, кор ва хизматрасонии назди Ҳукумати Ҷумҳурии Тоҷикистон бо мусоидати Агентии назорати давлатии молиявӣ ва мубориза бо коррупсия аз 26 то 29 декабри соли ҷорӣ дар шаҳрҳои Душанбе, Хуҷанд ва Қӯрғонтеппа чорабиниҳои омӯзишӣ таҳти унвони “Коррупсия дар низоми хариди давлатӣ: вазъи ҷорӣ ва воситаҳои муқовимат ба он”- ро доир намуд.
Дар нишастҳои омӯзишӣ, ки бо иштироки намояндагони Агентии назорати давлатии молиявӣ ва мубориза бо коррупсияи Ҷумҳурии Тоҷикистон баргузор гардиданд, ҷараёни татбиқи маҷмӯии Нақшаи чорабиниҳои “Стратегияи муқовимат ба коррупсия дар Ҷумҳурии Тоҷикистон барои солҳои 2013 – 2020” мавриди гуфтугӯ қарор гирифта, нақши барнома дар паст намудани шиддати коррупсия, пешгирии кирдорҳои номатлуби ришваситонӣ таъкид гардид.
Сафарзода Қутбиддин, муовини сардори Сарраёсати пешгирии коррупсияи Агентии назорати давлатии молиявӣ ва мубориза бо коррупсия зимни баргузории нишастҳои омӯзишӣ аз ташаббусҳои дурбинонаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар тарҳрезии барномаҳои судманди муқовимат бо коррупсия ёдовар шуда, оид ба тағйиру иловаҳои нав ба қонунгузории зиддикоррупсионӣ маълумоти муфассал дод.
Дар ҳамоиш таҳияи лоиҳаи Қонуни Ҷумҳурии Тоҷикистон “Дар бораи хариди давлатии мол, кор ва хизматрасонӣ” дар таҳрири нав мутобиқи стандартҳои байналмилалӣ, ки баҳри бартараф намудани омилҳои ба коррупсия мусоидаткунанда заминаи заруриро фароҳам меорад, амри зарурӣ шумурда шуд. Дар ҳамин ҳол, рушди минбаъдаи харидҳои электронӣ, ки дар фаъолияти харидорӣ роҳандозӣ карда шудааст, ҳамчун омили ҳалкунандаи мушкилоти ҷойдошта дар самти истифодаи самаранок ва сарфакоронаи маблағҳои давлатӣ, таъмини шаффофият ва беғаразии расмиёти харид, рушди рақобат миёни молрасонону пудратчиён маънидод гардид.
Баҳриддин Сироҷиддинзода, директори Агентии хариди давлатии мол, кор ва хизматрасонии назди Ҳукумати Ҷумҳурии Тоҷикистон, дар суҳбат бо хабарнигори “Ҷумҳурият” ба роҳ мондани чунин чорабиниҳоро дар тақвияти мубориза бо коррупсия дар соҳаи хариди давлатӣ пураҳамият ва таъсиргузор унвон кард. - Тибқи таҳлилҳо, хавфҳои коррупсионӣ, асосан дар марҳалаҳои омодагӣ ба харид, аз ҷумла ҳангоми муайян намудани арзиши тахминии харид ва тавсифи техникии предмети он, муқоиса ва арзёбии дархостҳои тендерии довталабон, интихоби ғолиби озмун, тасвиби қарордод ва рафти иҷрои қарордоди хариди давлатӣ вуҷуд доранд. Бо мақсади аз байн бурдани омилҳои коррупсионӣ ба лоиҳаи қонуни нав муқаррароти дахлдор пешбинӣ шуда, механизмҳои бозоромӯзӣ, пурра ва воқеъбинона муайян намудани тавсифи техникӣ, баҳодиҳии дархостҳои тендерӣ, интихоби ғолиб, озмоиши сифати мол, кору хизматрасонӣ ва назорати иҷрои қарордодҳо таҳким меёбад, - гуфт Б. Сироҷиддинзода.
Зимни баргузории семинарҳои омӯзишӣ масъалаҳои марбут ба мавзӯъ мавриди муҳокима қарор дода шуда, ба молрасонону пудратчиён саволнома оид ба арзёбии коррупсия дар низоми хариди давлатӣ пешкаш гардид. Агентӣ тасмим гирифтааст, ки пешниҳодҳои субъектҳои хоҷагидориро мавриди таҳлил қарор дода, дар раванди ислоҳоти соҳа аз он истифода хоҳад кард. Гузашта аз ин, масъулони Агентии хариди давлатии мол, кор ва хизматрасонии назди Ҳукумати Ҷумҳурии Тоҷикистон таъкид намуданд, ки иҷрои Нақшаи чорабиниҳои Стратегия бо баргузории ин чорабиниҳо маҳдуд нагардида, вохӯриҳо бо мақомоти давлатӣ ва бахши хусусӣ, аз ҷумла бо иттиҳодияҳои соҳибкорон дар соли 2017 идома хоҳанд кард.
Фирӯз ҶУМЪАЕВ, “Ҷумҳурият” 


Баёни ақида (0)    Санаи нашр: 30.12.2016    №: 259    Мутолиа карданд: 4308

18.01.2019


Таҳдидҳои асосӣ ба иқтисоди ҷаҳонӣ номбар шуданд

Гумонбари омодасозии ҳамла ба Қасри сафед ба даст афтод

Дар Чин қаллобонро барои фиреб ҳабси абад карданд

29 миллион сом зарари собиқадорони сохта

Ҷаҳон дар як сатр

17.01.2019


Тамдиди шартномаи ФФТ бо "Сомон Эйр"

60 ДАРАҶА ХУНУКӢ ВА ДАВИ 50 - КИЛОМЕТРАИ ЭКСТРЕМАЛИ МОЛДАВӢ

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар

РӮШОН. Ифтитоҳи маркази дуошёнаи савдо

Муҳаммад Салоҳ – беҳтарин футболбози Африқо

ҶАҲОН ДАР ЯК САТР

Самарқанд мизбони нахустмулоқоти «Ҳиндустон – Осиёи Марказӣ»

Баргардондани 47 шаҳрванди Қазоқистон аз Сурия

Остона ба гузарондани Ҳамоиши ҷаҳонии туризми шаҳрӣ омодагӣ мегирад

Дар Беларус бори нахуст ҳукми қатл содир шуд

09.01.2019


Таҷлили 110 - солагии аллома Бобоҷон Ғафуров


Дар сомонаҳои дигари Тоҷикистон хонед