logo

маориф

ҲИСОР. МАКТАБИ № 87 БА ТАЪМИРИ АСОСӢ НИЁЗ ДОРАД

Возеҳ аст, ки Ҳукумати кишвар нисбат ба рушди соҳаи маориф таваҷҷуҳи зиёд дошта, баҳри баланд бардоштани сифати таълим дар макотиби таҳсилоти ҳамагонӣ ва омода намудани мутахассисони варзида  тадбирҳои зарурӣ меандешад. Мутаассифона, ҳоло ҳам ҳастанд мактабҳое, ки ниёз ба таваҷҷуҳи бештар доранд. Муассисаи таълимии таҳсилоти асосии № 87 - и  деҳаи Ҳуснободи шаҳри Ҳисор аз зумраи чунин мактабҳост.

Мактаб соли 1948 сохта шуда, аз 9 синфхона иборат аст. Он  барои 180 нафар хонанда пешбинӣ шуда буд. Бо мурури замон шумораи аҳолӣ дар ин деҳа афзуду талабот ҳам зиёд гардид.
Бо назардошти пешрафти соҳа дар навоҳии гуногуни кишварамон мактабҳои зиёди наву замонавии ҷавобгӯи талаботи рӯз сохта, ба истифода дода шуда истодаанд. Дар назди  қисме аз муассисаҳои таълимии кишвар бо назардошти норасоии ҷой барои хонандагон, синфхонаҳои иловагӣ сохта мешаванд.  Аммо мактаби № 87 дар деҳаи Ҳуснободи Ҳисор давоми солҳои зиёд бо як маром фаъолият дорад.  Ҳоло дар мактабе, ки барои 180 хонанда пешбинӣ шудааст, 300 нафар таҳсил мекунанд. Хонандагон аз нарасидани ҷойи нишаст танқисӣ мекашанд ва ин ба раванди дурусти таълим халал ворид месозад.
- Синфхонаҳои хурд, нарасидани мизу курсиҳо низ ба рафти таҳсил халал мерасонад. Дар фасли зимис-тон барои гузарондани дарси варзиш ҷойи муносиб нест. Аз ин сабаб, ин дарсҳоро устодон дар  синфхонаҳо   мегузаронанд, - мегӯяд директори мактаб Ҳасан Ҳакимов. Бинобар иттилои ӯ, барои таъмири муассиса чанд сол боз маблағ ҷудо намешавад. Аз ин рӯ, ҳар сол дар мактаб аз ҳисоби волидайни хонандагон таъмири нопурра гузаронда  мешуд. Имсол барои таъмир 6000 сомонӣ ҷудо шуд, ки он ҳам хеле кам аст.
Мушкилии дигар он аст, ки мактаби мазкур муассисаи  таҳсилоти  асосӣ ба шумор меравад. Яъне, дар он хонандагон то синфи 9 таҳсил менамоянд. Албатта баъзе хонандагон баъди хатми он таҳсилро  дар мактабҳои дигар идома медиҳанд, аммо қисми бештарашон, хусусан духтарон аз сабаби дурии роҳ  таҳсилро идома намедиҳанд. Ин дар ҳолест, ки Пешвои миллатамон пайваста  таъкид месозанд, ки наврасон бояд ба таълим бештар ҷалб  гарданд, то тавонанд аз илмҳои замона бархӯрдор бошанд ва чун фарди комил ба воя расанд.
Вақеан, дар роҳи ҷалби хонандагон ба таълим ва фароҳам овардани шароити хуби таълимӣ барои онҳо бояд ҳама чораҳо андешида шаванд. Аммо бо шароите, ки муассисаи таълимии мазкур дорад, наметавон кадрҳои ҷавобгӯи талаботи рӯз, донандаҳои хуби техникаву технологияҳои навинро тарбия намоем.
Ба гуфтаи Ҳасан Ҳакимов,  чанде пеш Шарифҷон Ҷумазода,  раиси шаҳри Ҳисор аз вазъи мактаб дидан намуда, ваъда дод, ки дар фурсати муносиб барои хонандагон мактаби  наву замонавӣ месозем.
Аммо зимистони кунунӣ, ки нисбат ба солҳои пешин сардтар омадааст, раванди таҳсилро дар бинои асосӣ бадтар карда, чораҳои бетаъхирро тақозо менамояд. Пас, чӣ бояд кард? Саволест, ки посух меҷӯяд.
Лола РИЗОЕВА, Ситора ШОМАҲМАДОВА


Баёни ақида (0)    Санаи нашр: 01.01.2017    №: 1    Мутолиа карданд: 4720

12.06.2019


ХУҶАНД. "Зирвеко" ба фаъолият мепардозад

Муаррифии асари Си Ҷинпин «Дар бораи идоракунии давлатӣ»

Баргузории конфронси сайёҳӣ дар Рашт

Масоили низоми бонкӣ матраҳ гардид

Дар Чин аз обхезии тобистона 6,75 миллион нафар зарар дид

Дар Ӯзбекистон рӯйхати идҳои касбиро Рӯзи китобдор афзуд

Дар Ҷопон ба солхӯрдаҳо шаҳодатномаи вижаи ронандагӣ медиҳанд

Сокини Британия дар лотерея Ј123 миллион бурд намуд

Ҷаҳон дар як сатр

11.06.2019


Песков: «Путин ба Тоҷикистон ва Қирғизистон сафар мекунад»

Иштироки роҳбарони 11 кишвар дар ҳамоиши Бишкек

Президенти Қазоқистон аз хусуси роҳҳои ҳалли мушкилоти иҷтимоӣ ҳарф зад

Ҷаҳон дар як сатр

ФАРХОР. Бонувон ба ҳунаромӯзӣ ҳавасманд мешаванд

"Куллиёт" - и Миробид Саййидои Насафӣ

04.06.2019


Лукашенко: "Эмомалӣ Раҳмонро оммаи мардум интизор аст"

Бунёдкорони роботтехникаи Россия ва Чин дар Владивосток ҷамъ омаданд

Ҷаҳон дар як сатр

Машварати сиёсии вазоратҳои корҳои хориҷии Тоҷикистон ва Белгия

Муаррифии портали хизматрасониҳои электронӣ барои андозсупорандагон

Дар ноҳияи Рашт конфронси минтақавӣ баргузор мегардад

ФУТБОЛ. Ду бозии рафиқона бо мунтахаби Ӯзбекистон

03.06.2019


Дар Тоҷикистон баландтарин афзоиши теъдоди сайёҳон ба қайд гирифта шуд

Гармои тоқатфарсо дар Ҳиндустон

Тасдиқи барнома оид ба бозомӯзии касбии кормандони соҳаи маориф

Иди саиди Фитр 5 июн таҷлил мешавад

Форуми байналмилалии сармоягузории «Кӯлоб – 2019» баргузор мегардад

Ёқубҷон Абдуманнонзода - соҳиби дипломи озмуни «Килки тиллоӣ»

Ҷаҳон дар як сатр

29.05.2019


Путин бо нахустпрезиденти Қазоқистон вохӯрд

Раиси Шӯрои Аврупо Доналд Туск ба Тоҷикистон меояд

Мусофири ҳавопаймо аз фурӯбарии 1,5 кг кокаин ба ҳалокат расид

Ҷаҳон дар як сатр

28.05.2019


Дар Қазоқистон ба бунёди ширкатҳои давлатӣ мораторий ҷорӣ карданд


Дар сомонаҳои дигари Тоҷикистон хонед