logo

ҳуқуқ

АДОЛАТИ СУДӢ. ТАЪМИНИ ОН БА ФАЪОЛИЯТИ ОДИЛОНАИ СУДЯҲО ВОБАСТАГӢ ДОРАД

Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон 22 декабри соли 2016 зимни ироаи Паёми навбатии худ ба Маҷлиси Олӣ ёдовар шуданд, ки Тоҷикистон давлати ҳуқуқбунёду демократӣ ва дунявӣ буда, дар он таъмини ҳуқуқу озодиҳои инсон ва шаҳрванд, волоияти қонун ва тартиботи ҳуқуқӣ кафолат дода мешавад. 
Лозим ба ёдоварист, ки бо мақсади амалишавии ин арзиши волои конститутсионӣ дар даврони Истиқлолияти давлатӣ тамоми заминаҳои ҳуқуқии кишвар такмил дода шуда, дар ин росто санадҳои меъёрии ҳуқуқии зиёд қабул гардиданд, ки ҳамагӣ ба ҳифзи ҳуқуқу озодиҳои инсон ва шаҳрванд, таъмини тартиботи ҳуқуқӣ, пешрафти иқтисодиёт ва соҳибкорӣ равона шудаанд. Хушбахтона, баҳри татбиқи онҳо мақомоти судӣ низ нақши муассир доранд. Дар ин ҷода судҳои шаҳру навоҳии вилояти Хатлон фаъолияти худро дар асоси Конститутсияи Ҷумҳурии Тоҷикистон ва дигар қонунҳои амалкунандаи мамлакат ба роҳ монда, бидуни муболиға, адолати судиро дар қаламрави вилоят ба тарзи шоиста амалӣ менамоянд. Парвандаҳои оилавӣ, гражданӣ, ҷиноятӣ ва ҳуқуқвайронкунии маъмурӣ аз ҷониби судҳо сари вақт баррасӣ шуда, дар ин маврид ҳифзи ҳуқуқу манфиатҳои қонунии шаҳрвандон ва давлат таъмин карда мешавад.
Ба гунаи мисол, соли гузашта аз ҷониби судҳо 303 парвандаи ҳуқуқвайронкунии маъмурӣ вобаста ба вайрон кардани талаботи Қонуни Ҷумҳурии Тоҷикистон “Дар бораи танзими анъана ва ҷашну маросимҳо дар Ҷумҳурии Тоҷикистон” баррасӣ гардида, ба шахсони ҳуқуқвайронкунанда ба андозаи 322 ҳазору 645 сомонӣ ҷарима таъйин ва маблағҳо пурра ба фоидаи давлат рӯёнда шуданд. Инчунин, дар ин давра аз ҷониби судҳои шаҳру ноҳияҳои вилоят 6 ҳазору 895 парвандаи риоя нагардидани муқаррароти Қонуни Ҷумҳурии Тоҷикистон “Дар бораи масъулияти падару модар дар таълиму тарбияи фарзанд” баррасӣ гашта, аз қонуншиканон, дар маҷмӯъ 260 ҳазору 160 сомонӣ ҷарима ба манфиати давлат рӯёнда шуд. 
Бешак, татбиқи ин ду қонун ба манфиати худи шаҳрвандон аст. Яъне, пас аз қабули Қонуни  Ҷумҳурии Тоҷикистон “Дар бораи танзими анъана ва ҷашну маросимҳо дар Ҷумҳурии Тоҷикистон” ва мавриди амал қарор гирифтани он харҷу исрофи беҳуда қариб аз байн рафт. Аз ин ҳисоб ва аз сабаби таъмини ғановати буҷети оилавӣ сатҳи зиндагии мардуми кишвар хеле баланд шуд. Аз иҷрои Қонуни Ҷумҳурии Тоҷикистон “Дар бораи масъулияти падару модар дар таълиму тарбияи фарзанд” имрӯзу ояндаи ҳам фарзандон, ҳам волидон ва ҳам аҳли ҷомеа шукуфо мешавад. Зеро имрӯз ба таълиму тарбияи дуруст фаро гирифтани насли наврас аз ҷониби мо - калонсолон кафолати ояндаи дурахшон барои аҳли ҷомеа бо дастони эъҷозкори онҳо хоҳад буд.
Ҳамин тавр, бардошти мо - ходимони мақомоти судӣ аз Паёми навбатии Президенти ғамхору дурандешамон маҳз ҳамон нуқта буд, ки мо бояд дар таъмини ҳуқуқу озодиҳои шаҳрвандон аз ҷону дил бикӯшем. Дар бобати амалисозии ин мароми наҷиб, албатта, чи донишу малакае дорем, ба кор хоҳем бурд.
Анвар НУРИДДИНЗОДА,
сардори раёсати ташкили таъмини
фаъолияти судҳои суди вилояти Хатлон


Баёни ақида (0)    Санаи нашр: 01.01.2017    №: 1    Мутолиа карданд: 3201

21.02.2019


ХУҶАНД. Оғози сохтмони бинои нави «Тоҷикстандарт»

ФУТБОЛ. Тақвими бозиҳои тими мунтахаби олимпии кишвар муайян гардид

Табибон аз Тотористон бо ҳампешаҳои тоҷики худ мубодилаи таҷриба мекунанд

Роҳандозии лоиҳаҳои инноватсионӣ дар Қазоқистон

Дар Ҳиндустон 13 иштирокдори тӯй зери чархи мошини боркаш монд

Сӯхтор сабабгори марги ҳафт кӯдак дар Канада

Ҷаҳон дар як сатр

19.02.2019


МАКТАБИ ДАВЛАТДОРИИ ЭМОМАЛӢ РАҲМОН. ЯК ҲАМОИШИ МУҲИМ

Баррасии масъалаҳои рушди сайёҳӣ

Вохӯрии Низомиддин Зоҳидӣ бо Мазен Шамия

Дурнамои рушди муносибатҳо матраҳ гардид

ҶОМИ КУШОДАИ АВРУПО. Муҳаммадризо Қувватов медали биринҷӣ ба даст овард

Авҷи ниҳолшинонӣ

Саҳми соҳибкорон дар ободии деҳот

Ҳамкории тиҷоратию иқтисодии Чин ва Россия густурдатар мегардад

Сарвар Дониш: «Музокироти сулҳ бидуни ҳукумат қурбе надорад»

«Туҳфаи шоҳона» - и Арабистони Саудӣ ба шаҳрвандони Покистон

Дар Қазоқистон маркази амнияти иттилоотӣ ифтитоҳ меёбад

Сокини навраси Шимкент ду нафарро аз сӯхтор наҷот дод

Ҷаҳон дар як сатр

18.02.2019


Боздиди Азим Иброҳим аз ҷараёни корҳои сохтмонӣ

ВКД Ҷиноятҳо 83,6 дарсад ошкор шуданд

Вазорати молия. Барои дастгирии буҷет маблағи бештар ҷалб хоҳад гашт

«BISHKEK OPEN – 2019». Дурахши каратэ-дочиёни навраси тоҷик

«МОҲИЯТ ВА ТАЪЙИНОТИ МАТБУОТИ МАҲАЛЛӢ»

РОҒУН. Ободонӣ вусъат меёбад

АНДОЗ. Нақша 100, 6 дарсад иҷро гардид

ТОҶИКИСТОНУ ӮЗБЕКИСТОН. Гардиши савдо ду баробар афзуд

Тоҷикистон миёни кишварҳои ИДМ ба афзоиши баландтарини ММД муваффақ гашт

Дар Тошканд конфронси байналмилалӣ оид ба Осиёи Марказӣ баргузор мегардад

Қасри сафед: "Музокироти тиҷоратӣ дар Пекин ба пешравӣ мусоидат кард"

Трамп мехоҳад ҷангиёни «Давлати исломӣ» - ро ба Аврупо барои суд кардан баргардонад

Кумитаи амнияти иттилоотии Қазоқистон беш аз 90 сомонаи хавфнокро ошкор сохт

Ҷаҳон дар як сатр


Дар сомонаҳои дигари Тоҷикистон хонед